[uئه‌نجامی لێكۆڵینه‌وه‌یه‌كی ئۆنلاین له‌سه‌ر 895 به‌كارهێنه‌ری ئینته‌رنێت نیشانده‌دات، كه رای س[color=#993366]ێ له‌سه‌ر چواری پسپۆڕان ئه‌وه‌یه، كه له‌ماوه‌ی 10 ساڵی داهاتوودا، ئینته‌رنێت، مرۆڤه‌كان هۆشمه‌ندتر ده‌كات.
به‌پێی راپۆرتی رۆیته‌رز، زۆربه‌ی ئه‌وه كه‌سانه‌ی كه به خواستی خۆیان به‌شداری ئه‌و لیكۆڵینه‌وه‌یه‌یان كردووه، كه له‌لایه‌ن زانكۆی ئه‌لوه‌ن له كارۆلینای باكور ئه‌نجامدراوه، له‌و بڕوایه‌دان، كه ئینته‌رنێت ده‌توانێت تا ساڵی 2012 ره‌وتی خوێندنه‌وه‌‌و نووسینیش له‌ناو مرۆڤه‌كاندا باشتر بكات.
ئه‌و لیكۆڵینه‌وه ئۆنلایه‌نه نیشانده‌دات، سێ كه‌س له هه‌ر چوار پسپۆڕی ئه‌و بواره له‌و بڕوایه‌ان، كه ئینته‌رنێت ده‌توانێت هۆشی مرۆڤه‌كان باشتربكات‌و به‌هێزتری بكات‌و دوو له‌سه‌ری ئه‌و كه‌سانه‌ش پێیانوایه، كه ئینته‌رنێت تائێستا توانیویه‌تی ره‌وتی فێربوون‌و پرۆسێسی زانست له‌ناو مرۆڤایه‌تیدا باشتر بكات.
هه‌رچه‌نده 21%یش رایانگه‌یاندووه، كه ئینته‌رنێت ده‌توانێت كاریگه‌ری پێچه‌وانه‌شی له‌سه‌ر مرۆڤه‌كان هه‌بێت‌و ئاستی هۆشی كه‌سانێك كه له راده‌به‌ده‌ر به‌كاریده‌هێنن كه‌متر بكاته‌وه، به وته‌ی لێكۆڵه‌ران، هێشتا كه‌سانێكی زۆر هه‌ن كه كاریگه‌ری به‌كارهێنانی گووگڵ‌و ویكی پێدیا‌و سایته زانستییه ئۆنلاینه‌كانیان به‌سه‌ره‌وه‌یه.
ئه‌و لیكۆڵینه‌وه ئۆنلاینه زانیاری‌و بیروڕای پسپۆڕان، بازرگانه گه‌وره‌كان، راوێژكاران‌و گه‌شه‌پێده‌رانی بواری ته‌كنۆلۆژیای له‌پاڵ یه‌كتر كۆكردووه‌ته‌وه‌‌و له‌وناوه‌دا له‌نێوان 895ی كه‌س 371 كه‌سیانی وه‌ك پسپۆری ئه‌وه بواره هه‌ڵبژاردووه.
[color=#FF9900]sargawaybabat--eawena