[size=16] ئه‌دریانۆ گالیانى جێگرى سه‌رۆكى یانه‌ى میلانۆ ئیتاڵى له كۆنگره‌یه‌كى رۆژنامه‌نووسى رایكه‌یاند، كه‌وا به نیازه له وه‌رزى داهاتوو، گرنگى به هه‌ردوو یاریزانى سویدى و به‌رِازیلى (زلاتان ئیبراهیمۆڤیچ و لویس فابیانۆ) ده‌دات، به هێنانى ئه‌و دوو یاریزانانه‌ش بۆ ریزى یانه‌كه‌ى پێى وایه، ده‌توانێت كێبرِكێى یانه‌ى به‌رشلۆنه‌ى ئیسپانى بكات، ئاشكاراشیكرد، كه‌وا هێنانى فابیانۆى به‌رِازیلى دواى ئه‌وه‌دێت، كه ئه‌و یاریزانه وه‌ك یاریزانێكى سه‌ره‌كى له پێكهاته‌ى وڵاته‌كه‌یدا بینراوه و دوو گۆڵیشی له‌م پاڵه‌وانێتیه تۆماركردووه، ئێستا ته‌مه‌نى 29 ساڵه، خاوه‌ن توانایه‌كى به‌هێزه و ده‌توانێت یانه‌كه‌ى به‌ره‌و پێش ببات، ركابه‌رى یانه به‌هێزه‌كانى جیهان بكات، سه‌باره‌ت به یاریزان ئیبراهیمۆڤیچیش گوتى: ئه‌و یاریزانه له خوولى ئیتاڵى شاره‌زایه و چه‌ندین گۆڵى له‌گه‌ڵ یانه‌ى ئینته‌رمیلان تۆماركردووه به‌ر له‌وه‌ى په‌یوه‌ندى به یانه‌ى به‌رشلۆنه‌ى ئیسپانییه‌وه بكات، ئێمه‌ش ده‌توانین له‌م وه‌رزه سوود له تواناكانى ئه‌و یاریزانه باڵابه‌رزه وه‌رگرین، جامى ئیتاڵیش بۆ خۆمان ده‌ستبه‌سه‌ر بكه‌ین.
تایبه‌ت به یانه‌ى سه‌رهه‌نگ موحسین
ئا/ شیڤان نانه‌كه‌لى
[/size]
............................