یاریزانی هێڵی ناوه‌ڕاستی ئه‌مریكی و یانه‌ی فولهامی ئینگلیزی كلێنت دێمپسی ڕه‌نگه‌ قه‌ڵای كڕاڤین كوتاج جێبهێڵێت ئه‌مه‌ش به پێی ووته‌كانی به‌ڕێوه‌به‌ری كاره‌كانی.

یاریزانی نێوده‌وڵه‌تی هه‌ڵبژارده‌ی ئه‌مریكی له‌ وه‌رزی ڕابردوو ئاستێكی زۆر به‌رزی پێشكه‌ش كرد و یارمه‌تی یانه‌كه‌یدا بۆ گه‌یشتن به‌ یاری كۆتایی خوولی یۆڕۆپالیگ وه‌ هه‌روه‌ها سه‌ركردایه‌تی هه‌ڵبژارده‌ی ئه‌مریكی كرد بۆ گه‌یشتن به‌ قۆناغی 16 له‌ كۆتاییه‌كانی جامی جیهانی 2010.

به‌ڕێوه‌به‌ری كاره‌كانی دێمپسی به‌ڕێز لایل یۆركس ئه‌وه‌ی ڕه‌ت كرده‌وه‌ كه‌وا دێمپسی چاوی له‌ یاری كردن بێت بۆ یانه‌یه‌كی گه‌وره‌.

له‌ لێدوانێكی یۆركس له‌گه‌ڵ پێگه‌ی فه‌رمی یه‌كێتی تۆپی پێی ئه‌مریكیدا ووتی…”ئێمه‌ هیچ بۆندێكمان له‌ لایه‌ن یانه‌ی ناپۆلی پێنه‌گه‌یشتووه‌،چه‌ندین یانه‌ی گه‌وره‌ی ئه‌وروپا گرنگیان به‌ دێمپسی داوه‌ وه‌ دوای ده‌رچوونی ڕاهێنه‌ر ڕۆی هۆدسۆن بۆ لیڤه‌رپوول ئه‌وا به‌ دڵنیایه‌وه‌ چه‌ندین شت ده‌گۆڕێت”.

یۆڕكس ئه‌وه‌ی ئاشكرا كرد كه‌وا گرنگیه‌ك هه‌یه‌ له‌ ده‌ره‌وه‌ی ئینگلته‌را بۆ كلێنت.

“دوو یانه‌ی گه‌وره‌ له‌ ئیتاڵیا و فه‌ڕه‌نسا گرنگی خۆیان بۆ كلێنت دیار كرد وه‌ هه‌روه‌ها یانه‌یه‌كی تری ئه‌ڵمانیا وه‌ ئێمه‌ گرنگیه‌كانی ئه‌وان له‌به‌ر چاو ده‌گرین و چاوه‌ڕێ ده‌كه‌ین بزانین چی ڕوو ده‌دات له‌گه‌ڵ فولهام

یاریگا