به‌رپرسانی یانه‌ی مانچسته‌رسیتی ئینگلیزی بۆندێكی خه‌یاڵی پێشه‌كه‌شی جیرارد پیكێی به‌رگریكاری یانه‌ی به‌رشه‌لۆنه‌ی ئیسپانی ده‌كه‌ن و به‌ نیازن له‌ وه‌رزی زستانه‌ی گواستنه‌وه‌ی یاریزاناندا درێسی یانه‌كه‌یان به‌و یاریزانه‌ ئیسپانیه‌ بپۆشن.
رۆژنامه‌ی میرۆری به‌ریتانی ئاشكرایكرد، كه‌ شێخ مه‌نصوری سه‌رۆكی یانه‌ی مانچسته‌رسیتی ئینگلیزی بڕی 100 ملیۆن یۆرۆی بۆ گواستنه‌وه‌ی جیرارد پیكێی به‌رگریكاری یانه‌ی به‌رشه‌لۆنه‌ی ئیسپانی ته‌رخان كردوه‌و مامه‌ڵه‌چیه‌كانی یانه‌كه‌شی بۆ ئه‌و مه‌به‌سته‌ راسپاردوه‌، ئه‌و رۆژنامه‌یه‌ ئاماژه‌شی به‌وه‌داوه‌ كه‌ مامه‌ڵه‌چیه‌كانی مانچسته‌رسیتی به‌ شێوه‌یه‌كی فه‌رمی له‌گه‌ڵ‌ به‌رپرسی كاره‌كانی ئه‌و یاریزانه‌دا كه‌وتونه‌ته‌ گفتوگۆو پێیان راگه‌یاندوه‌ كه‌ ئاماده‌ن له‌ پێناو به‌ده‌ستهێنانی تواناكانی پیكێدا بڕی 60 ملیۆن یۆرۆ بده‌نه‌ یانه‌ی به‌رشه‌لۆنه‌و بڕی 40 ملیۆن یۆرۆش وه‌ك موچه‌ی 5 ساڵ‌ بده‌نه‌ ئه‌و یاریزانه‌