PNA – پێش كه‌مێك له‌ یاریگه‌ی وێمبلی له‌ شاری له‌نده‌ن یاری كۆتایی خولی یانه‌ پاڵه‌وانه‌كانی ئه‌وروپا به‌كۆتاهات و تێیدا به‌رشه‌لۆنه‌ بۆ جاری چواره‌م له‌ مێژووی خۆی بووه‌ پاڵه‌وان پاش سه‌ركه‌وتنی به‌سه‌ر مانچسته‌ر یونایتد به‌ ئه‌نجامی (3-1).
گێمی یه‌كه‌می یارییه‌كه‌ به‌ ئه‌نجامی گۆڵێك بۆ هه‌رلایه‌ك به‌كۆتاهات، گۆله‌كه‌ی به‌رشه‌لۆنه‌ له‌لایه‌ن یاریزان پیدرۆ رۆدریگیز له‌ خوله‌كی (28) تۆماركرا، گۆڵی مانچسته‌ر له‌لایه‌ن یاریزان واین رۆنی له‌ خوله‌كی (35)تۆماركرا.

له‌ گێمی دووه‌م نمایشی به‌رشه‌لۆنه‌ ده‌ستی پێ كرد و توانی دوو گۆڵ له‌ رێگه‌ی لیۆنێل میسی و داڤید ڤیا له‌ خوله‌كه‌كانی (55 و70) تۆمار بكات و بۆ جاری چواره‌م جامی پاڵه‌وانێتی یانه‌ پاڵه‌وانه‌كانی ئه‌وروپا له‌ تۆپی پێ به‌رزبكاته‌وه‌.

پاش ته‌واو بوونی یارییه‌كه‌، یاریزان لیۆنێل میسی به‌ باشترین یاریزانی یارییه‌كه‌ ده‌سنیشان كرا و بووه‌ گۆڵكاری پاڵه‌وانێتییه‌كه‌ به‌ 12 گۆڵ.