داوا له‌ باوكی ده‌كات مسوڵمان بێت.. كوڕی (سلفاكیر) ڕۆژیك پێش سه‌ربه‌خۆیی مسوڵمان ده‌بێت!

رۆژنامه‌ی (ئینتیباهه‌)ی سوودانی ڕایگه‌یاند كه‌وا یه‌كێ له‌ كۆڕه‌كانی سه‌رۆكی كۆماری باشووری سوودان (سلفاكیر میرادیت) ڕۆژێك پاش جیابوونه‌وه‌ی باشووری سوودان مسوڵمان بوونی خۆی ڕاگه‌یاند!
به‌ده‌م ته‌كبیر و ته‌هلیله‌كانه‌وه‌ له مزگه‌وتی گه‌وره‌ی (خرتووم) ڕاگه‌یانرا كه‌وا (جون سه‌لفا) له‌ باشووره‌وه‌ هاتووه‌ له‌ (خرتووم) مسوڵمان بوونی خۆی راگه‌یاند، وه‌ ڕایشیان گه‌یاند كه‌وا ئه‌و ئێستا داوا له‌ باوكی ده‌كات كه‌ مسوڵمان ببێت!
(جۆن) ڕایگه‌یاند كه‌وا من ئێستا بوومه‌ته‌ مسوڵمان چونكه‌ به‌هه‌شتم ئه‌وێت، وه‌ ده‌چمه‌وه‌ باشوور و كار ده‌كه‌م بۆ ئیسلام و هاندانی براكانم بۆ مسوڵمان بوون!
شایه‌نی باسه‌ (جۆن) یه‌كێكه‌ له‌ كوڕه‌كانی (سلفاكیر) كه‌ له‌ ژنی چواره‌مییه‌تی، ئێستا ناوی خۆی له‌ (جۆن)ه‌وه‌ گۆڕیوه‌ بۆ‌ (موحه‌ممه‌د)، ژنی هه‌یه‌و له‌ ناوچه‌ی (كیج) له‌ باشووری سوودان نیشته‌جێیه‌.

ده‌نگی ئیسلام