میسی و چاڤی و رۆنالدۆ دواین پالێوراون بۆ ده‌ست نیشان كردنی باشترین یاریزان له‌ ئه‌وروپا 
(PNA) – یه‌كێتی تۆپی پێی ئه‌وروپا ناوی دواین سێ یاریزانی پالێوراو بۆ به‌ده‌ست نیشان كردنی باشترین یاریزان له‌ ئه‌وروپا راگه‌یاند.
یه‌كێتی تۆپی پێی ئه‌وروپا (یۆیڤا) ناوی داوین پالێوراو بۆ به‌ده‌ست نیشان كردنی باشترین یاریزان له‌ ئه‌وروپا راگه‌یاند ، كه‌ پێك دێن له‌ هه‌ریه‌ك له‌ یاریزانان لیۆنێل میسی یاریزانی هه‌ڵبژارده‌ی ئه‌رِژه‌نتین و یانه‌ی به‌رشلۆنه‌ ، كریستیانۆ رۆنالدۆ یاریزانی هه‌ڵبژارده‌ی پرتوگال و یانه‌ی ریال مه‌درید ، و چاڤی هێرناندێز یاریزانی هه‌ڵبژارده‌ی ئیسپانیا و یانه‌ی به‌رشلۆنه‌.

یاریزانی یانه‌ی به‌رشلۆنه‌ لیۆنێل میسی توانی له‌ وه‌رزی رابردوو  نازناوی خولی ئیسپانیا و خولی یانه‌ پاڵه‌وانه‌كانی ئه‌وروپا به‌ده‌ست بهێنت ، هه‌روه‌ها توانی 53 گۆل له‌ 55 یاری تۆماركرد و هه‌روه‌ها به‌ گۆلكاری خولی یانه‌ پاڵه‌وانه‌كانی ئه‌وروپا ده‌ست نیشان كرا.

یاریزانی یانه‌ی ریال مه‌درید كریستیانۆ رۆنالدۆ توانی له‌گه‌ڵ یانه‌كه‌ی نازناوی جامی شای ئیسپانیا به‌ده‌ست بهێنت ، و به‌ گۆلكاری ئیسپانیا ده‌ست نیشان كرا دوای ئه‌وه‌ی توانی 40 گۆل تۆماربكات.

یاریزانی هێڵی ناوه‌راستی هه‌ڵبژارده‌ی ئیسپانیا و یانه‌ی به‌رشلۆنه‌ چاڤی هێرناندێز توانی له‌گه‌ڵ یانه‌كه‌ی نازناوی خولی ئیسپانیا و خولی یانه‌ پاڵه‌وانه‌كانی ئه‌وروپا به‌ده‌ست بهێنێت.