[size=16]ده‌زانم چه‌ند بیرم ده‌که‌ی !

هه‌مورۆژێ مه‌لی خه‌یال
ده‌مباته‌وه‌ به‌ره‌و ولات
هه‌موشه‌وێ بالێ خه‌ونێ
هه‌لمده‌گرێ و دێمه‌وه‌ لات

وه‌ک هه‌ناسه‌م لێم نزیکی
ئه‌ی ئازیزه‌ زۆر دووره‌که‌م
رۆژم به‌تۆوه‌ رۆشنه‌و
شه‌ویش چرای بۆ ژووره‌که‌م

تۆ ئه‌وخۆره‌ی چه‌ند دووریش بیت
تیشک و گه‌رمیت هه‌ر ده‌مگاتێ
سۆزت ئاسمانی سه‌رسامه‌
جێم ناهێلێ ته‌نیا ساتێ

هه‌ر به‌سۆزی ئاوازه‌که‌ت
ده‌زانم چه‌ند بیرم ده‌که‌ی
به‌ئومێدی به‌تۆگه‌یشتن
ئه‌مرۆ ده‌سپێرم به‌ سبه‌ی

دووریت بۆمن بیابانێکه‌
بێ سێبه‌ر و که‌پر و سابات
جارجار شنه‌ی ته‌له‌فۆنێ
دێت به‌هانای رۆحم ده‌گات

رۆژانی من له‌دووری تۆ
دێن و ده‌رۆن به‌خۆرایی
سه‌یری هه‌رچی شتێک ده‌که‌م
ئاماژه‌یه‌ بۆ  ته‌نیایی

سالح بیچار[/size]