(PNA) – ده‌سته‌ی كارگێری یانه‌ی هه‌ولێر له‌ مۆركردنی گرێبه‌سته‌كانی به‌رده‌وامه‌ ئه‌مجاره‌ گرێبه‌ستی له‌گه‌ڵ یاریزانێكی هێڵی به‌رگری مۆركرد.

له‌ لێدوانێكی تایبه‌ت به‌ ئاژانسی (په‌یامنێر)، سامان بریفكانی به‌رپرسی راگه‌یاندنی یانه‌ی هه‌ولێر گوتی: ده‌سته‌ی كارگێری یانه‌ی هه‌ولێر به‌فه‌رمی گرێبه‌ستی له‌گه‌ڵ یاریزانی یانه‌ی نه‌فت جنوب حوسام كازم مۆكرد بۆ ئه‌وه‌ی له‌ وه‌رزی داهاتوو له‌ ریزی یانه‌كه‌مان یاری ده‌كات.

له‌ درێژه‌ی قسه‌كانیدا سامان بریفكانی گوتی: ئه‌م یاریزانه‌ له‌ هێڵی به‌رگری له‌ بالی چه‌پ یاری ده‌كات و له‌ ریزی هه‌ڵبژارده‌ی عێراق یاری كردووه‌ و چاوه‌رِوانی ئاستێكی به‌رز له‌م یاریزانه‌ ده‌كه‌ین بۆ ئه‌وه‌ی له‌ جامی یه‌كێتی ئاسیا بتوانین بگه‌ینه‌ قۆناغێكی پێشكه‌وتوو.

جێگه‌ی باسه‌ ئه‌مه‌ هه‌فته‌م یاریزانه‌ كه‌ یانه‌ی هه‌ولێر گرێبه‌ستی له‌گه‌ڵ مۆرده‌كات دوای ئه‌وه‌ی گرێبه‌ستی له‌گه‌ڵ یاریزانان قوسه‌ی مونیر و ئه‌مجه‌د رازی و موسنی خالید و ئه‌حمه‌د ئه‌یاد و حوسێن عه‌لی وه‌حید و حاتم زێدان مۆركرد.