چۆن له‌گه‌ڵ يه‌كه‌م بينين دا كاريگه‌رى له‌سه‌ر به‌رامبه‌ره‌كه‌ت دروست ده‌كه‌يت ؟!
"""""""""""""""""""""""""""""""""""""""""""""""""""""""""""""""""""""""""""""""""""
بۆ ئه‌وه‌ى كاريگه‌رييه‌كى جوان له‌سه‌ر هه‌ستى به‌رامبه‌ره‌كه‌ت دروست بێت ، كه‌ يه‌كه‌مين جاره‌ تۆ ده‌يبينيت و ئه‌و كاريگه‌رييه‌ به‌رده‌وام بێت ئه‌وا پێويسته‌ ئه‌م چه‌ند خاڵه‌ له‌به‌رچاو بگرين به‌تايبه‌تى ئه‌و كه‌سه‌ى كه‌ ده‌يبينين يه‌...كه‌م جاره به‌يه‌ك ده‌گه‌ين.
*سه‌ره‌تا ڕه‌چاوى ئه‌م شتانه‌ بكه‌ين:پۆشينى پۆشاكى جوان...،پێڵاوى خاوێن،پرچى داهێنراو ڕێك،بۆنى خۆش.

*زياده‌ڕۆيى نه‌كه‌ين له‌ شێوازى پۆشاك ،بۆ ژنان و كچانيش زياده‌ڕۆيى نه‌كرێت له ماكياج و خشڵ و جوانكاريى له‌ سنوور ده‌رچوو.
*بزه‌ت له‌سه‌ر لێوه‌كان بێت ئه‌وه‌ نيشان بده‌يت كه تۆ ئاره‌زوومه‌ندى بينينى ئه‌ويت.
*چاو ببڕه‌ ناوچاوانى كه‌سى به‌رامبه‌رت و ته‌ماشاى ئه‌ملاولا مه‌كه‌.
*سڵاو كردنێكى گونجا و به جوانترين ده‌ربڕين .
*كاتێك خۆت ده‌ناسێنيت به‌هێمنى ناوى خۆت ده‌ڵێيت به‌ڵام به‌ڕوونى تاوه‌كو كه‌سى به‌رامبه‌رت به‌ جوانى لێت تێبگات.
*زۆر ڕێز ده‌رببڕه‌ بۆ به‌رامبه‌ره‌كه‌ت.
*به‌جوانترين شێوه‌ ناوى كه‌سى به‌رامبه‌ر بهێنه‌ وه ك (كاكه‌ فڵان ،داده‌ فڵان،مامۆستا و ....هتد)

*به‌كارهێنانى هه‌ندێك ده‌سته‌واژه‌ كه‌ ڕێزى تيادايه‌ وه‌ك (به‌يارمه‌تيت،به‌ڕێزتان، زۆر سوپاس،خوشحاڵ بووم به‌ناسينت.......هتد)هه‌ر ده‌سته‌واژه‌يه‌كى جوانى تر كه‌ خۆت به‌جوانى ده‌زانيت.
*دووركه‌وتنه‌وه‌ له‌و ده‌سته‌واژانه‌ى كه‌ سووكايه‌تى و هه‌ست بريندار ده‌كات.
*خواحافيزى به‌شێوه‌يه‌ك بێت كه‌سى به‌رامبه‌ر ئاره‌زوومه‌ندى ديدارێكى تر بێت.