[size=16]شیعر زۆر گوناهە، هەمووکەس پێی دەوێرێت، بەڵام بەدەستی هەموکەس ناگات، ئەوانەی دەیگرن، لە جیاتی ئازاردانی..  وشەکان ڕادەسپێرن کڕنوشی بۆ ببەن.
تێکستێک ئەوکاتە دەبێت بە شیعر کە داهێنانێکی نوێی تێدابێت. کە ڕێساکانی شیعربوون لەخۆ بگرێت، کە خاوەنەکەی چرایەکی پێبێت و لە جەنگەڵە تاریکەکانی ژیاندا پێشڕەوی مرۆڤایەتی بکات، کە پەیامێکی سەنگین هەڵبگرێت.

هەموو هەستێکی جوان و ناسک نابێت بە شیعر، دەکرێت وەسفێکی یارەکەت یان شەڕێک لەگەڵ خۆشەویستەکەت ، یان دڵشکاویت، یان خیانەتلێکراویت پڕت بکەن لە هەستی جوان بەڵام ناتکەن بە شاعیر.

شاعیر نهێنیەکانی دڵی ژیان دەبینێت، شاعیر توانای بڕینی ئەو سنورە جاویدانیانەی هەیە کە ئێمە ناتوانین بیانبڕین، شاعیران خۆیان و ئێمەش دەنوسنەوە، ڕستەکانی ژیانی خۆی و ئێمە دەهۆننەوە و ئەدەبییانە دێنە گۆ. کاتێک تۆ پەی بەمە نابەیت بەخۆت مەڵێ شاعیر.

شیعر دەریاچەیەکی بێگەردە لە دڵی شاعیراندا، هەر شیعرێکی نوێ مشتێکە لەو زەمزەمە، ئێمە دەروونمانی پێ ئاودەدەین و دەموچاومانی پێ فێنک دەکەینەوە. زەمزەمی ئەو زێیە کەم ناکات و تەواو نابێت، کە دەزانیت ئەو دەریاچەیە لە هەناوی تۆدا نیە، مەهێڵە پێت بڵێن شاعیر. چوونکە دیارنەمان و دابڕان لەو کاروانە، لە سەر تەختی شانۆیەک ڕووتو قوت خۆت دەبینیتەوە، هەموو سەیرت دەکەن و تۆش هیچت پێنییە بدوێی.

هەیە دەیەوێت خۆی بناسێنێت.. دەنگی خۆش نیە، سەما نازانێت، وێنەیەکی نەکێشاوە، نمایشێکی نەکردووە، جوان نییە، زیرەک نیە، ئازا نییە.... دێت و چەند دێڕێک ڕیز دەکات و بەزۆر هەڵیدەواسێت بە شاخی شیعردا.

هەیە کەسێکی خراپە..  چاکەی لەدەست نایەت، ناتوانێت داوای لێبوردن بکات، ناتوانێت دان بە خراپەکانیدا بنێت، ناتوانێت چاک بێتەوە... دێت و دەیەوێت بە نوسینێکی بێمانا خۆی بسەپێنێت.

هەیە بێکارە..  پلەیستەیشن نازانێت، نازانێت خۆی بە خوێندنەوەوە خەریک بکات، تەمەڵە و وەرزش ناکات، هیچ لە ئینتەرنێت و کۆمپیوتەرەکەی نازانێت، هیچ فێر نابێت... دێت و بە شیعرەوە دەیگرێت، بەزۆر تۆپەڵێ وشەی لێک ئاڵۆسکاوی نالەبار دەخاتە خاکی شیعرەوە.

ڕاگەیاندنەکان تاوانبارن، سانسۆری گرتە سێکسییەکان دەکەن، سانسۆری دژە باوەڕەکان دەکەن، شەڕ لەسەر  هونەرشێوێنەکان دەکەن...  کەچی یەک سەکۆ نەبوو داکۆکی لەو ناهەقییە بکات بەرامبەر بە شیعر دەکرێت. یەک پێگە نەبوو سانسۆری ئەو نوسینانە بکات کە بە شیعر خۆیان دەناسێنن.

شیعر زۆر گوناهە، هەمووکەس پێی دەوێرێت، بەڵام بەدەستی هەموکەس ناگات، ئەوانەی دەیگرن، لە جیاتی ئازاردانی..  وشەکان ڕادەسپێرن کڕنوشی بۆ ببەن.[/size]

esspressoo

[size=20]ئەشکی ئێواره

له‌گه‌ڵ هه‌نسک و گریانی..
هه‌وری خوێنینی ئێواره‌
به‌کوڵ گریا.. فرمێسکی ڕشت..
ئه‌م دڵه‌ پڕ له‌پرسیاره‌

وتم.. ئای ڕه‌نگه‌ هه‌وره‌کان له‌تاو..
ئازاری قامچی بروسکه‌کان بێ..
به‌خوڕ دابکه‌ن؟
یان بۆ دیمه‌نی پڕ ماته‌مینیی گه‌ڵا مردووه‌کان..
شین و زار بکه‌ن؟
یان بۆیە ئاسمان وا بە کوڵ گریا..
چونکە گوڵی هەور لە وەرینایە و
دەستی بەربووە لە چڵی دەریا!

گریام و که‌سێک نه‌بوو لێم بگا..
باخی ئومێدم بوو بە خاکستەر
گریام کەس نەبوو دڵی بەفرینی بکا بە دەست و
کراسی ڕەشم دادڕێ لەبەر

هەتا ساماڵ شانی دادا.. هەر وەستابووم..
کەس پێکی دڵی نەهێنا و
لێوڕێژ بوو سوراحیی چاوم .

[center]محەمەد عومەر عوسمان[/center][/size]

[size=20](عــیــشــق چــه‌نــد خــاڵــیــیــه‌ بــێ تـــۆ !))

ڕۆژێک دێت ، عیشق هه‌موو دنیا پرکات له‌‌ خۆی !
ڕۆژێک دێت ، هه‌موو بچینه‌وه‌ لای عیشق ،
دنیا ئه‌و ڕۆژه‌ سوور ده‌چێته‌وه‌ ، گوڵ ده‌چێته‌وه‌ .
سپێده‌ی ئه‌و ڕۆژه‌ ، دڵمان ده‌گه‌ڕێته‌وه‌ لای خۆمان
خه‌ونی سپیی کچه‌ جحێڵان بێ ترس شکۆفه‌ ده‌که‌ن .
به‌یانیی ئه‌و ڕۆژه‌ ، له‌ کاتژمێر حه‌وتی باراندا
له‌ ڕادیۆی باخچه‌وه
دارسێوێک گۆرانیی عاشقانه‌ ده‌چڕێت و
لیمۆکان ده‌بنه‌ کۆرس ، هه‌نار ده‌چێته‌ سه‌ردانی گوڵه‌باخ !
‌ نیوه‌ڕۆی ئه‌و ڕۆژه‌ ، سه‌بای ئه‌ڤینێک هه‌ڵده‌کات
ئه‌ڤینێک پێشترێ له‌ هیچ ئاسمانێ نه‌باریوه‌و
سه‌بایه‌ک پێشترێ له‌ هیچ به‌هه‌شتێ نه‌ڕواوه‌ .
ئێواره‌ی ئه‌و ڕۆژه‌ ، مانگ به‌و هه‌موو نازه‌ی خۆیه‌وه‌
به‌ گۆرانیی دێته‌ خوارێ ، سه‌ردانی دڵی هه‌موومان ده‌کا !
ڕۆژێک دێت ؛ ئه‌و ڕۆژه‌ ناو ده‌نێین ' ڕۆژی داگیرسانی دڵ '
یان ' ڕۆژی هه‌ڵبونی عاشقان ' و ،
ئێواره‌ی ئه‌و ڕۆژه‌ من و تۆش
له‌ باخچه‌ی پشته‌وه‌ی نیشتمان پێکده‌گه‌ین
یه‌ک کۆڵان له‌ولای ماڵه‌که‌ی جارانی ته‌نیایی پێکده‌گه‌ین !
من که‌ دێم ، به‌وه‌دا بمناسه‌وه‌ ؛ کراسێک له‌ گه‌ڵا و
پاڵتۆیه‌ک له‌ ته‌مم له‌به‌ردایه‌ ،
ده‌ستم پڕه‌ له‌ غه‌ریبیی و
چاوه‌کانم پڕن له‌ خۆت !

من که‌ دێم به‌وه‌دا بمناسه‌وه‌ ؛ ده‌نگم پڕه‌ له‌ حه‌سره‌تی
ئه‌و نه‌وره‌سه‌ عاشقانه‌ی له‌ ژێر داری ' ڤالێنتاین '
به‌ دزییه‌وه‌ نامه‌ و گوڵ و ماچ ده‌گۆڕنه‌وه‌ !
به‌وه‌دا بمناسه‌وه‌ ، سه‌ری شیعرم سپیی و ،
دڵی وشه‌م خامۆش و ،
سارای گۆرانییم چۆڵ و هۆڵ !
تۆش که‌ دێیت ، به‌وه‌دا ده‌تناسمه‌وه‌ ؛ به‌شێکی ڕۆحت باران و
به‌شه‌که‌ی تریشی پڕه‌ له‌ بێده‌نگیی و پڕه‌ له‌ شه‌وی عاشقان !
تۆش که‌ دێیت ، به‌وه‌دا ده‌تناسمه‌وه‌ ؛ له‌ سه‌ر سنگی خۆت نوسیوه :
" منی گه‌ڕیده‌ترین شیعری دنیا ، به‌ دوای عاشقترین قه‌ڵه‌مدا وێڵم " . ‌
که‌ دێیت ، ئه‌و ڕۆژه‌ من وه‌ک ئێوارانی ته‌نیایی کاڵ ده‌چمه‌وه‌ ،
وه‌ک یه‌که‌مین به‌ریه‌ککه‌وتنی ماچ و لێو ، دڵم ده‌له‌رزێ !
‌ئه‌و ڕۆژه‌ که پێکده‌گه‌ین ؛
هه‌ردوو ده‌ڕژێینه‌ یه‌که‌وه‌ ، دڵمان ده‌بێت به‌ یه‌ک ڕوبار .
که‌ پێکده‌گه‌ین ، ' ڤالێنتاین ' داده‌گیرسێ ،>/h6>

خه‌یاڵ هێنده شین ده‌چێته‌وه‌ ، هێنده‌ نابات له‌ په‌نجه‌ره‌ی
ئاسمانه‌وه‌ ده‌که‌وینه‌ ژماردنی ئه‌ستێره‌ی ڕژاوی ئه‌وین !
‌ پێکده‌گه‌ین و ئه‌وسا دڵ بده‌ره‌ خه‌می من ؛
ئه‌و ده‌مه‌ی شه‌رحی نامورادیی ئه‌و کچ و کوڕانه‌ی
نیشتمانت بۆ ده‌که‌م ،
ئه‌و کچ و کوڕانه‌ی که‌ ده‌ستی نه‌ریت نه‌یهێشت
‌ له‌ ئاسمانی ' ڤالێنتاین ' دا فڕینێکیان هه‌بێت‌ بۆ ویساڵ !
‌ له‌ باخچه‌ی ' ڤالێنتاین ' دا به‌یانییه‌کیان هه‌بێت‌ بۆ ئومێد !
که‌ له‌ خه‌ریته‌ی ' ڤالێنتاین ' دا وڵاتێکیان هه‌بێت‌ بۆ عیشق !
ئه‌وانه‌ی له‌ گه‌ڵ حه‌رفه‌کانی ' ڤالێنتاین ' دا
نزایه‌کیان نه‌ماوه‌‌ بیخه‌نه‌ ڕسته‌وه‌
بۆ ئه‌وه‌ی هه‌تا ئه‌به‌د مه‌حکوم نه‌بن به‌ ته‌نیایی !

که‌ پێکده‌گه‌ین ، ئه‌وسا پێتده‌ڵێم عیشق چه‌ند خاڵییه‌ بێ تۆ !
ئه‌وسا پێتده‌ڵێم خه‌وبینین به‌ سه‌فه‌ره‌وه‌ یانی چیی !
ئه‌وسا بۆتی شه‌رحده‌که‌م ؛ بۆچی له‌ کۆتایی هه‌موو سه‌مایه‌کدا
حه‌زده‌که‌ین باران بمانباته‌وه‌ بۆ خۆی !
که‌ پێکده‌گه‌ین ؛ گیتاری شیعرێکت ئه‌ده‌مێ
تا عیشقه‌که‌ی جارانم بۆ بژه‌نیت !
که‌ پێکده‌گه‌ین ؛ ده‌ستی بارانت ئه‌ده‌مێ
تا ڕۆحی په‌ژمورده‌ت وه‌کو جاران ته‌ڕ که‌مه‌وه‌!
که‌ پێکده‌گه‌ین ، مه‌گه‌ر هه‌ر خودا و مانگه‌شه‌و بزانن چۆن پێکده‌‌گه‌ین ![/size]

[size=18]*جــــــــه مــــــال غـــه مــبـــــــــار *[/size]

خـۆشـتـریـن و جـوانـتـری شـوێـن   بـه ڕای من ئێره یه
  ئه م شوێنه  به رزاییه که ی گه یشتۆته هه وره کان !