[size=16]سڵاو هاورێیان ...
خۆشحاڵم كه‌ پێش كاكه‌ غه‌زه‌لنوس كه‌وتم و یه‌كه‌م بابه‌تم لێره‌ نوسی و مێژوویه‌كم بۆ خۆم تۆمار كرد
كردنه‌وه‌ی ئه‌م به‌شه‌ له‌سه‌ر پێشنیاری كاك غه‌زه‌لنوس بوو، وه‌ ده‌سته‌ی به‌ڕێوه‌به‌رانیش قبولیان كرد، ئه‌گه‌ر پێناسه‌ی به‌شه‌كه‌ بخویننه‌وه‌ پێویست به‌وه‌ ناكات من بۆتانی باس بكه‌م، مه‌به‌ست له‌كردنه‌وه‌شی بۆ زیاتر پێشكه‌وتن و هه‌نگاونان بوه‌ بۆ پێشه‌وه‌ و بۆ كردنه‌وه‌ی مێشكه‌ داخراوه‌كان و زیاتر پێشڤه‌چوون، چونكه‌ هیچ كه‌سێك له‌ ئێمه‌ خاوه‌ن مێشكی داخراو نیه‌ ئه‌گه‌ر بیه‌وێت فێرببێت.
وه‌ له‌سه‌ر ئه‌وه‌ش گه‌یشتوینه‌ ئه‌نجام كه‌ بابه‌ته‌كانمان زیاتر ساده‌ و ڕه‌وان بێت و دووربێت له‌ گشت ووشه‌ و زاراوه‌ ده‌گمه‌ن و بیانیه‌كان بۆ ئه‌وه‌ی گشت ئه‌ندامان به‌ یه‌كسانی تێی بگه‌ن.

له‌ كاتیكدا كه‌ ئێمه‌ی گه‌نجی خوینده‌وار ئالوده‌ی ئه‌نته‌رنیت بوین و رۆژانه‌ چه‌ند كاتژمێرێكی خۆمانی بۆ ته‌رخان ئه‌كه‌ین، و له‌ كاتی دۆستان و خزمان و خوێندنه‌وه‌ و ڕابواردن و كه‌یف و سه‌فای خۆمان وه‌رئه‌گرینه‌وه‌ بۆ به‌كارهێنانی نێت.
له‌گه‌ڵ ئه‌وه‌ی نێت جیهانی بچوك كردۆته‌وه‌ بۆ ناو شاشه‌یه‌كی بچوك بۆ ئێمه‌ و سه‌رجه‌م ڕوودا و زاست و زانیاریه‌كانی تێدایه‌، به‌ڵام له‌ هه‌مان كاتیشدا به‌پێچه‌وانه‌وه‌ ئه‌گه‌ر به‌كارهێنه‌ر هۆشی لای ڕه‌فتاره‌كانی و چۆنیه‌تی به‌كارهێنانه‌كه‌ی نه‌بێت له‌ جیهانێكی ته‌ماوی و دوور له‌ سه‌رجه‌م به‌ها ئه‌خلاقی و ئاینیه‌كان خۆی ئه‌بینێته‌وه‌، یان زۆربه‌ی كاته‌ به‌نرخه‌كانی ته‌مه‌نی به‌ هه‌ده‌ر ئه‌ڕوات و له‌ ئاینده‌دا ئه‌بێته‌ خاوه‌ن مێژوویه‌كی پڕ له‌ هیچ .

ئه‌وه‌ی لێره‌دا ئه‌مه‌وێ بیخه‌مه‌ ڕوو ئه‌وه‌یه‌..
ئه‌گه‌ر ئێمه‌ی به‌كارهێنه‌ری نێت، له‌بری به‌سه‌ر بردنی ئه‌و ساتانه‌ی بۆ ڕابواردن و گفتو گۆ و كردنه‌وه‌ ماڵپه‌ڕه‌ بێ سوده‌كان به‌سه‌ری ده‌به‌ین، خۆمان خه‌ریك بكه‌ین به‌ خوێندنه‌وه‌ ئه‌لیكترۆنی و چاپیه‌كان و لێكۆڵینه‌وه‌ و به‌دوادا چونی و زانست به‌ گشت بواریه‌كانیه‌وه‌، سه‌رجه‌م ئه‌و خه‌ونانه‌ی كه‌ له‌ ئاستی ئه‌وه‌دا نه‌بوین بیبینین به‌دی نایه‌ت؟ خۆمان له‌ جیهانێكی پڕ گه‌وهه‌ردا نابینینه‌وه‌؟

هه‌ر یه‌كه‌ له‌ ئێمه‌ خاوه‌ن چه‌ندین خه‌ونی به‌دی نه‌هاتووه‌ و هه‌وڵ بۆ به‌دی هانی ئه‌دات، ئه‌گه‌ر هه‌ر تاكیكیش له‌ ئیمه‌ خه‌ون و پلانێكمان بۆ داهاتوی خۆمان نه‌بێت، با گومان له‌ بون و كه‌سێتی خۆی بكات.

مرۆڤ پێویسته‌ له‌ ژیاندا خۆی له‌ ئالوده‌ بپارێزێت، چونكه‌ ئالوده‌ بوون به‌ هه‌ر شتێك ئه‌بێته‌ هۆی زینده‌به‌چاڵكردنی داهاتو و خه‌ونه‌ جوانه‌كان، با ئالوده‌ بوونه‌كه‌ش به‌ شتێكی ڕه‌وا بێت، به‌ڵام ئایا ژیان یه‌ك رێچكه‌ی هه‌یه‌؟ نكۆڵی له‌وه‌ ناكرێت كه‌ ژیان هه‌زاران و په‌ل و پۆ و ڕێچكه‌ی هه‌یه‌، ئه‌گه‌ر نه‌بوایه‌ ژیان ئه‌وه‌ستا.
بۆیه‌ پێویسته‌ ئێمه‌ی لاوان هه‌تا ساته‌ زیڕینه‌كانی ته‌مه‌نمان به‌ هه‌ده‌ر نه‌چوه‌، هه‌وڵ بۆ به‌دی هێنانی خه‌ون گه‌له‌كانمان به‌ین، ئه‌گه‌ریش خه‌ونمان نیه‌ با خه‌ون ببینین و هه‌وڵی بۆ بده‌ین، كار بۆ ئه‌وه‌ بكه‌ین و هزر و هۆشی خۆمان زیاتر فراوانتر بكه‌ین، ڕێز له‌ كات بگرین.. ئه‌و كاتانه‌ی كه‌ بۆشایی ئه‌بێت له‌ ژیانمان با بۆ خوێندنه‌وه‌ و لێكۆڵینه‌وه‌ی زانست و زانیاری بێت، با به‌دوای ئه‌وه‌دا بگه‌ڕێین بزانین ئێمه‌ چین؟ بۆچیت دروست بووین؟ بۆچی ئه‌مرین؟ بۆچی گرنگه‌ فێربین؟ بۆچی گرنگه‌ فێربكه‌ین؟
ئه‌گه‌ر ئێمه‌ سه‌ره‌تا وه‌ڵامی ئه‌م پرسیاره‌ لاوه‌كیانه‌مان به‌رجه‌سته‌ كرد و كارمان به‌ وه‌ڵامه‌كه‌ی كرد دڵنیام ئه‌بینه‌ یه‌كێك له‌ مرۆڤه‌ سودبه‌خشه‌كانی وڵات و جیهان به‌ گشتی، چونكه‌ ئه‌و زانا گه‌ورانه‌ی كه‌ هه‌زاران ساڵه‌ له‌ ژیان نه‌ماون و ناویان وه‌ك ئه‌ستێره‌ له‌ ئاسمانی زاست و زانیاریدا ئه‌دره‌وشێته‌وه‌ وه‌ك ئێمه‌ مرۆڤ بوون و هیچ جیاوازیه‌كیان نه‌بووه‌، به‌ڵام ئه‌وان له‌ ئێمه‌ زیاتر گه‌ڕاون به‌دوای فێربووندا، ئه‌گه‌ر هه‌ر تاكێكیش له‌ ئێمه‌ بگه‌ڕێت و بیری خۆی فراوان بكات و متمانه‌ به‌ خۆی ببه‌خشێت، دڵنیام ئه‌بێته‌ تاكێكی نه‌مر بۆ هه‌تاهه‌تایه‌..[/size]

تێبینی / تكایه‌ هه‌ر به‌ڕێزێك تێبینیه‌ك یان بۆچونێك یان زیاده‌یه‌كی نیه‌، با به‌ ته‌نها نه‌نوسێت ده‌ستخۆش، چونكه‌ ئه‌م به‌شه‌ تایبه‌تمه‌ندی خۆی هه‌یه‌ و دڵنیام هه‌ر تاكێك له‌ ئێوه‌ ئه‌توانن ئه‌م بابه‌ته‌ ساده‌ی من ده‌وڵه‌ند بكه‌ن به‌ بۆچونه‌ به‌ پێزه‌كانتان.. له‌گه‌ڵ ڕێزم .........

[size=16]سیروان ده‌خیله‌ ئاگر ده‌بارێ
شه‌پۆڵی به‌ گوڕ بهاوه‌ جارێ
ڕه‌شماڵانی جاف هۆبه‌ی ده‌شت و ده‌ر
كه‌وای پوله‌كه‌ی گڕیان كرده‌ به‌ر
به‌رداشی ئاشی ئاشوبی گه‌ردون
به‌ناخی كوردا كه‌وته‌ هات و چون
*
شیوه‌ن ده‌گێڕێ دایك له‌ هه‌ردا
قوڕ ده‌گرێته‌وه‌  بیكا به‌سه‌ردا
زریكه‌ی ساوای مه‌لۆتكه‌ كراو
دێ له‌ناو ماڵ و حاڵی به‌جێماو
ئاگر له‌ ده‌وری لانك به‌ربوه‌
ئاسمان هه‌ناوی كونه‌ و ده‌ربوه‌
*
مناڵ پشتوێنی باوكی توند ئه‌گرێ
باوك له‌ڕێوه‌ ئه‌كه‌وێ و ئه‌مرێ
له‌لاوه‌ خوشك ئه‌یه‌وێ ڕاكا
خۆی به‌ قوربانی باوك و برا كا
ئه‌ویش ڕاناگا یه‌خه‌ی خۆی بدرێ
چۆله‌كه‌ی گیانی بۆ ئاسمان ئه‌فڕێ
*
قه‌تاره‌ی خێڵی وێڵی كۆڵ به‌ كۆڵ
به‌رد وه‌ده‌نگ دێنێ ئه‌م دۆڵاو ئه‌و دۆڵ
ئه‌م جێی زاماره‌ له‌ كۆڵی ئه‌وه‌
ئه‌و چۆك داده‌دا له‌ نیوه‌ی ڕه‌وا
*
زه‌ڵم به‌ په‌رۆش سیروانه‌ ڕێگه‌ی
به‌ڵام باخی میر سوتا له‌ جێگه‌ی
گوندی شه‌مێران هه‌واری هه‌ڵگورد
پرسه‌ ده‌گێڕێ بۆ ئه‌م حاڵه‌ی كورد
سیروان ده‌خیله‌ ده‌شتی شاره‌زوور
سه‌وزی ده‌پۆشی هخه‌ڵگه‌ڕا به‌ سور
*
ده‌می به‌هاره‌ جه‌ژنی ده‌شت و كۆ
بۆ له‌باربچێ نێرگز و شه‌وبۆ ؟!
كام دار كام ده‌وه‌ن كام چڵه‌ گیایه‌
ئه‌مێستا پچێك هه‌ناسه‌ی تیایه‌ ؟1
ترۆپكی چڕی شاخی هه‌ورامان
به‌دوكه‌ڵ ئامان له‌ خوێنا دامان
چیای شه‌رام و كه‌ژی ئاسنه‌وه‌ر
غه‌رقی خه‌رده‌لن پێ تا ته‌وقی سه‌ر
كێوی ده‌ره‌قوڵ چه‌می خواجایی
بسكی خۆ ده‌ڕنن له‌ تاو كیمیایی
چه‌م و جۆباری پڕ مرواریم ڕۆ
سروشتی جوانی كورده‌واریم ڕۆ
خاكی به‌راو و مێرگی شینم ڕۆ
مه‌ندیلی كه‌ژی بلورینم ڕۆ
بناری چڕی دارستانم ڕۆ
بێستانی وشكی كوردستانم ڕۆ

*
ئاسمان ده‌خیله‌ بارانێ داكه‌
خه‌ڵك شپرزه‌ و گه‌ڵی هیلاكه‌
گه‌ر رۆژی حه‌شره‌ و مه‌رگه‌ و كۆتایی
ئیمه‌ش ئاماده‌ین بۆ ماڵئاوایی
به‌ڵام وا تازه‌ خه‌ڵكی له‌ ژینا
ئه‌گه‌ڕێن به‌ناو كه‌ونی به‌رینا
بۆ ده‌بێ ئێمه‌ له‌ بسته‌ خاكێ
هه‌موو ده‌م ڕه‌وكه‌ین له‌ ده‌ست زوحاكێ؟!
*
سیروان دابه‌سته‌ی خاكی چه‌ند ساڵه‌
چاوی بێخه‌می مێژووی ئه‌م حاڵه‌
به‌ خوڕ داگه‌ڕێ به‌ گه‌رمه‌سێرا
به‌ناو كه‌نده‌ڵان به‌ خاكی سوێرا
هه‌ڕه‌شه‌ی گڕ و ئاسن بنێره‌
خۆبادان له‌وێ و زرم و كوت لێره‌
*
شاری شه‌هیدان شاكاری خۆشی
تارای پیرۆزی شۆرشی پۆشی
ئه‌م خاكه‌ خاكی كوردی دلێره‌
بێشه‌ی پڵنگ و جه‌نگه‌ڵی شێره‌
هه‌ر قاره‌مانێ له‌م گه‌له‌ تیاچێ
دلۆپێك خوێنی به‌ فیڕۆ ناچێ
خوێنم خه‌ڵاتی ئاڵای سوره‌كه‌م
بۆ هێرۆشیمای شاره‌زووره‌كه‌م[/size]
هۆناره‌ و وتن : میدیا حسین
[youtube]http://www.youtube.com/watch?v=nal1QibPXA0[/youtube]