[size=24]هه‌لبژارده‌ی به‌رازیل سه‌ركه‌وتنی به‌ده‌ست هینا و گه‌یشته‌ قۆناغی 16
له‌درێژه‌ی یارییه‌كانی جامی جیهانی 2010 هه‌لبژارده‌ی به‌رازیل
سه‌ركه‌وتنی به‌ده‌ست هینا به‌سه‌رهه‌لبژارده‌ی كوت دیڤوار
له‌گێمی یه‌كه‌می یارییه‌كه‌دا یاریزانانی هه‌لبژارده‌ی به‌رازیل ئاستێكی به‌رزیان
نیشاندا به‌تایبه‌تی یاریزان لیویس فابیانۆ كاتێك له‌لێدانێكی به‌هێز له‌خوله‌كی 25
توانی تۆری هه‌لبژارده‌ی كوت دیڤوار بهه‌ژێنێت و گۆڵی یه‌كه‌م تۆمار بكات بۆ
هه‌لبژارده‌ی به‌رازیل یارییه‌كه‌ش به‌گۆڵێك له‌گێمی یه‌كه‌می یارییه‌كه‌ كۆتایی هات
له‌گێمی دووه‌می یارییه‌كشدا یاریزانانی هه‌لبژارده‌ی به‌رازیل به‌رده‌وام بوون له‌ئاسته‌ به‌رزه‌كه‌ی
كاتێك له‌خوله‌كی 51 به‌جموجۆڵیكی جوان یاریزان لویس فابیانۆ توانی گۆڵی دووه‌می خۆ یو
دووه‌می هه‌لبژارده‌كی تۆمار بكات هێرشه‌كانی هه‌لبژارده‌ی به‌رازیل به‌رده‌وام بووتاله‌خوله‌كی 62
یاریزان ئیلانۆ توانی گۆڵی سێیه‌م تۆمار بكات بۆ هه‌لبژارده‌ی به‌رازیل له‌هێرشێكی هه‌لبژارده‌ی كوت دیڤوار
یاریزان درۆگبا توانی گۆڵی یه‌كه‌م تۆماربكات یارییه‌كه‌ش به‌ئه‌نجامی 3 گۆڵ به‌رامبه‌ر 1 گۆڵ كۆتایی هات
له‌به‌رژه‌وندی هه‌لبژارده‌ی به‌رازیل به‌م سه‌ركه‌وتنه‌ش به‌رازیل گه‌یشته‌ قۆناغی 16 [/size]

نیو لاین

زۆر به‌خێربێی، خۆشحالین به‌ هانتن..

[size=24]ڕۆژی دوو شه‌ممه‌ له‌ یاری كرانه‌وه‌ی كۆمه‌ڵه‌ی پێنجه‌م كه‌ به‌ یاری لووتكه‌ ده‌ست پێ ده‌كات له‌ نێوان هه‌ردوو هه‌لبژارده‌ی هۆڵه‌ندی و دانیماركی،هۆڵه‌ندا ده‌یه‌وێت به‌ توندی ده‌ست به‌ پاڵه‌وانیه‌تیه‌كه‌ بكات بۆ ئه‌وه‌ی به‌ ئاسانی سه‌ربكه‌وێت بۆ قۆناغی دووه‌م و یه‌كێكه‌ له‌ پاڵێوراوان بۆ به‌ده‌ست هێنانی نازناوی جامی جیهانی كه‌چی هه‌ڵبژارده‌ی دانیماركی به‌ لای كه‌م چاوی له‌سه‌ر خاڵێك داناوه‌ بۆ ئه‌وه‌ی هیواییه‌كانی به‌ زیندووی بمێنێته‌وه‌ بۆ به‌ده‌ست هینانی یه‌كێك له‌ پلیته‌كانی سه‌ركه‌وتن بۆ قۆناغی دووه‌م.

ناسنامه‌ی یاری

 
یاری      :        جامی جیهانی 2010

كۆمه‌ڵه‌ / جه‌وله‌       :           كۆمه‌ڵه‌ی پێنجه‌م | جه‌وله‌ی یه‌كه‌م

به‌روار            :            دوو شه‌ممه‌| 14 يونيۆ 2010

كــــات             :            11:30 گرینیچ  | 2:30 هه‌ولێر

شوێن              :               جۆهانسبۆرگ 

بێژه‌ر               :                یوسف سێف | حاتم به‌تیشه‌

یاریگای یارییه‌كه‌

نـــــاو
سۆكێر سیتی

شــــار
جۆهانسبۆرگ

ساڵی دامه‌زراندن

1987

ژماره‌ی كورسی

94,700

هه‌ندێك زانیاری له‌سه‌ر یاریگا

یاریگای سۆكێر سیتی كه‌ به‌ شێوه‌یه‌كی میعماری زۆر جوان دروست كراوه‌ و یه‌كێكه‌ له‌ جوانترین یاریگایه‌كان جیهان و ده‌توانێت 90 هه‌زار هانده‌ر زیاتر له‌ خۆی بگرێت وه‌ نوێ كردنه‌وه‌ی یاریگایه‌كان نزیكه‌ی 465 ملیۆن دۆلارـی تێچوو ئه‌م نرخه‌ش جوانی ئه‌م یاریگایه‌مان بۆ دیار ده‌كات.

ناوبژیوان

یـــاری
هۆڵه‌ندا Vs دانیمارك

نــــاو

ستیفان لانۆی

به‌رواری له‌ دایك بوون

1969-09-18 ( 41 ساڵ )

شوێنی له‌ دایك بوون

فه‌ڕه‌نسا

نێوده‌وڵه‌تی
2006

ژماره‌ی یارییه‌كان له‌م پاڵه‌وانیه‌تیه‌
0 یاری

ژماره‌ی كارته‌كان
زه‌رد
00 سوور
00

یاریده‌ده‌ری یه‌كه‌م :

ئێریك دانسلۆت ( فه‌ڕه‌نسا )

یاریده‌ده‌ری دووه‌م :

لۆرێنت ئیگۆ ( فه‌ڕه‌نسا )

ناوبژیوانی چواره‌م :

ڕۆبێرتۆ ڕۆسێتی ( ئیتالیا )

دواین پێنج یاری له‌ نێوان هه‌ردوو هه‌ڵبژارده‌

دیدی هونه‌ری هه‌ڵبژارده‌ی هۆڵه‌ندی

هۆڵه‌ندا وه‌ك به‌رده‌وام به‌ شێوه‌ی گروپی یاری ده‌كات واته‌ هێڵی به‌رگری و ناوه‌ڕاست و هێڕش بردن به‌ یه‌ك ئاست یاری ده‌كه‌ن و ئه‌مه‌ش له‌ ساڵی حه‌فتایه‌كان تا ئێستا هۆڵه‌ندا پشتی به‌ یه‌ك یاریزان نه‌به‌ستووه‌،ڕاهێنه‌ر ڤان مارڤیك به‌ پلانی 4-3-3 یاری ده‌كات و پشت به‌ تواناییه‌كانی یاریزانه‌كانی ده‌به‌ستێت له‌ هێڵی ناوه‌ڕاست و ھێڕش بردن و خێرایی له‌ یاری كردن،له‌ گۆڵپارێزایه‌تی ستیكلنبێرگ كه‌ ئه‌مه‌ یه‌كه‌م پاڵه‌وانیه‌تی گه‌وره‌یه‌ به‌شداری تێدا بكات وه‌ك یاریزانێكی سه‌ره‌كی له‌ پێكهاته‌دا وه‌ به‌ به‌رده‌م ئه‌و به‌رگریكاران ڤان دێر وێل و ڤان بڕۆنكهۆرست ده‌بینرێت كه‌ هه‌ردوو كیان خاوه‌ن ئه‌زموونن وه‌ ده‌توانن ئاستێكی به‌رز پێشكه‌ش بكه‌ن و خۆیان له‌ ژێر فشار بهێننه‌ ده‌ره‌وه‌،به‌ڵام له‌ ناوجه‌رگه‌ی هێڵی به‌رگری به‌ ڕای چاودێران و من خاڵی بێ هێزی هه‌ڵبژارده‌ی هۆڵه‌ندا كه‌ هه‌ردوو یاریزان هێتینگا و ماتیێسن یاری تێدا ده‌كه‌ن كه‌ هه‌ردووكیان ئه‌زمونی نێوده‌وڵه‌تیان نیه‌ بۆیه‌ پێشبینی كێشه‌ له‌و شوێنه‌ ده‌كرێت.

له‌ هێڵی ناوه‌ڕاست چه‌ند یاریزانێكی ئاست به‌رز ده‌بینین له‌وانه‌ كاپتنی یانه‌ی باڤاری ماڕك ڤان بۆمێل و ئه‌ستێره‌ی یانه‌ی مانشسته‌ر سیتی نایجێل دی یۆنگ و سناێدێر كه‌ ده‌توانێت جۆكێر یاری بكات له‌ گشت شوێنێك ئه‌مه‌ش به‌ هۆی كه‌می لیاقه‌ی دێرك كاوت كه‌ ڕه‌نگه‌ له‌ هێڵی هێڕش بردن یاری بكات به‌رامبه‌ر هێڵی به‌رگری به‌هێزی هه‌ڵبژارده‌ی دانیماركی و ئه‌ستێره‌ی یانه‌ی مه‌درید ڤان دێر ڤارت ـمان بیر نه‌چێت كه‌ ڕۆلێكی گرنگی هه‌یه‌ له‌ هێڵی ناوه‌ڕاستی هۆڵه‌ندا.

له‌ هێڵی هێڕش بردن گۆڵكاری یانه‌ی ئه‌ڕسینالی ئینگلیزی ڕۆبێن ڤان پێرسی ده‌بینین كه‌ ده‌توانێت له‌ نیوه‌ی هێڕش بردن گۆڵ تۆمار بكات وه‌ هه‌روه‌ها ده‌توانرێ یاریزان هۆنتلارـیش به‌شداری بكات كه‌ ئه‌ویش هیچی له‌ هاوڕێیه‌كانی خۆی كه‌متر نیه‌.

لێره‌ بۆمان ده‌رده‌كه‌وێت كه‌وا ڕاهێنه‌ر ڤان مراڤیك چه‌ندین هه‌ڵبژاردنی له‌ پێشدا هه‌یه‌ بۆ ئه‌وه‌ی یاری بگۆڕێت ئه‌مه‌ش به‌ پشت به‌ستن له‌ خێرایی جولانه‌وه‌ی یاریزانان و ئاڵوگۆڕ كردنه‌وه‌ی شوێنی خۆیان له‌ كاتی یارییه‌كه‌.

دیدی هونه‌ری هه‌ڵبژارده‌ی دانیماركی

ماڕتن ئۆلسن ڕاهێنه‌رێكی زۆر به‌ ئه‌زمونه‌ و پێشتر ڕاهێنه‌رایه‌تی یانه‌ی ئه‌جاكس ئه‌مستردامی كردووه‌ بۆیه‌ كه‌مێك له‌ نهێنیه‌كانی تۆپی پێی هۆڵه‌ندی ده‌زانێت وه‌ به‌ سه‌یر كردنی پاڵاوتنی كیشوه‌ری ئه‌وروپا بۆ جامی جیهانی ده‌بینین كه‌وا هه‌ڵبژارده‌ی دانیماركی تیپێكی هێڕشبه‌ریه‌ زیاتر له‌وه‌ی به‌رگریكاری بێت،له‌ هێڵی به‌رگری كه‌س دوو ڕا نیه‌ به‌وه‌ی گۆڵپارێزی ئاست به‌رز سۆرێنسن ده‌بێت وه‌ له‌ ھێڵی به‌رگری چوار یاریزانی زۆر به‌هێزی هه‌یه‌ ئه‌وانیش دانیێل ئاگێر و سایمۆن كایێر وه‌ له‌ هه‌ردوو لای ڕاست و چه‌پ پاتریك مێتلگا و لارس یاكۆبسن ده‌بینین كه‌ له‌ باشترین به‌رگریكارانی ئه‌وروپا ده‌ژمێردرێن له‌ حاڵی حازر و ده‌كرێت یاریزان كرۆلدرۆپ به‌شداری له‌ شوێنی یاكۆپسۆن بكات به‌لام به‌ هۆی كێشه‌ی پێكان ئه‌وا پێده‌چێت یاكۆپسۆن یاری بكات.

له‌ هێڵی ناوه‌ڕاست كه‌ له‌ سێ یاریزان پێك دێت ئه‌وانیش كریستیان پۆلسن ـی كاپتن و یاكۆپ و ئانفۆلدسن كه‌ هه‌وڵ ده‌ده‌ن هێڵی ناوه‌ڕاست كلیل بده‌ن له‌ به‌رامبه‌ر شاڵاوه‌كانی هه‌ڵبژارده‌ی هۆڵه‌ندی و هۆكاری دانانی سێ یاریزان له‌ هێڵی ناوه‌ڕاست ده‌گه‌ڕێته‌وه‌ سه‌ر نه‌گۆڕینی هزری ڕاهێنه‌ر بۆ هێڕش كردن و هێڕش كردن له‌ هه‌موو ساتی یارییه‌كه‌،له‌ باڵه‌كان یاریزانی یانه‌ی ئه‌جاكس ڕۆمێدال یاری ده‌كات و له‌ لایه‌كه‌ی تر یۆرگێنسن یاری ده‌كات و به‌ هۆی تووش بوونی ئه‌ستێره‌ی یانه‌ی ئه‌ڕسینال نیكلاس بێندتنێر ئه‌وا پێده‌چێت یاریزانی یانه‌ی فاینۆرد ڕۆتێردام تۆماسۆن هێڵی هێڕش بردنی هه‌ڵبژارده‌ی دانیماركی به‌ڕێوه‌ ببه‌ن.

ئایا تۆ ئه‌م یارییه‌ چۆن شی ده‌كه‌یته‌وه‌ و ئه‌نجامه‌كه‌ی چۆن ده‌بێت؟[/size]

سه‌فین :یاریگا

[size=24]گۆڵپارێزی هه‌ڵبژارده‌ی ئه‌مریكی و یانه‌ی ئێڤێرتۆن تۆڤیز ـی ئینگلیزی تیم هاوارد خه‌ڵاتی باشترین یاریزانی له‌ یاری نێوان هه‌ڵبژارده‌كه‌ی و هه‌ڵبژارده‌ی ئینگلیزی وه‌رگرت دوای ئه‌وه‌ی به‌ گۆڵێك بۆ هه‌ردوو یه‌كسان بوون و هاوارد توانی ئاستێكی زۆر به‌رز پێشكه‌ش بكات و هه‌ڵبژارده‌كه‌ی له‌ دۆڕان ڕزگار كرد دوای ئه‌وه‌ی چه‌ندین تۆپی مه‌ترسیداری هێنایه‌ ده‌ره‌وه‌ ئه‌مه‌ش له‌ میانه‌ی یارییه‌كانی جه‌وله‌ی یه‌كه‌می كۆمه‌له‌ی سێیه‌م كه‌ له‌سه‌ر یاریگای ڕۆیال بافۆكینگ له‌ شاری ڕۆستنبێرگ به‌ڕێوه‌چوو.[/size]

یاریگا

سڵاوتان لێبێت ..ئه‌وه‌ش ناوی چه‌ند كه‌ناڵێكه‌  كه‌ یاریه‌كانی تێدا ده‌بینیت
به‌هه‌ڵه‌نه‌چم هه‌ندێكیان كراوه‌ن>

سه‌رچاوه‌ :كوووره‌ :سه‌فین
الايرانية - القناة 3
الالمانية ARD
الأيطالية RAI Uno
TSI 2
TSR2
الإيطالية RAI Due
الكرواتية HRT-TV2
بريمير سبورت 1
سبورت تي في 1
TV 2 الدانمارك
RTE One
ET 1
IBA Channel 1
ITV 1
Nederland 3
ORF 1
ORT
Premiere Analog
Premiere Sport CL2
Premiere Sport CL3
Premiere Sport CL4
Premiere Sport CL8
Premiere Sport CL9
RTP 1
SF 1
TF1
TV4 Sweden
TVP 1
القناة الإسبانية الرابعة
RTBF Sat
Canvas (بلجيكا)
RTS 1
Scottish TV
Ulster TV
LTV 7 (لاتفيا)
الجزيرة الرياضية 1 HD
الجزائرية الأولى الأرضية
STV 3 (سلوفاكيا)
الجزيرة الرياضية +9
BNT 1
ViaSat 3 (HUN)
الجزيرة الرياضية كأس العالم

[size=24]60 ساڵ به‌سه‌ر چووه‌ له‌ دواین یاری نێوان هه‌ردوو هه‌ڵبژارده‌ی ئه‌مریكی و ئینگلیزی له‌ جامی جیهانی وه‌ دوا یاری له‌ مۆندیالی 1950 بوو كه‌ به‌ سه‌ركه‌وتنێكی كت و پڕی هه‌ڵبژارده‌ی ئه‌مریكی به‌ كۆتا هات به‌ ئه‌نجامی 1-0 و ئه‌و دۆڕانه‌ وای له‌ هه‌ڵبژارده‌ی ئینگلیزی كرد دوور بكه‌وێته‌وه‌ له‌ خه‌ونی جیهانی كه‌ پاڵێوراوێكی به‌هێز بوو له‌و پاڵه‌وانیه‌تیه‌.

ناسنامه‌ی یاری

 
یـــاری         :          جامی جیهانی | باشووری ئه‌فریقیا

كۆمه‌ڵه‌‌ / جه‌وله‌  :     كۆمه‌ڵه‌ی سێیه‌م | جه‌وله‌ی یه‌كه‌م

به‌روار        :            شه‌ممه ‌| 12 يونيۆ 2010

كات         :        18:30 گرینیچ | 9:30 هه‌ولێر

شوێن     :            ڕۆیال بافۆكینگ | فۆكینگ

كه‌ناڵه‌كان    :           جه‌زیره‌ سپۆرت WC   جه‌زیری سپۆرت +9     جه‌زیره‌ سپۆرت HD

بێژه‌ر          :          عیسام شه‌والی | عه‌لی محمد عه‌لی

HEAD TO HEAD ڕووبه‌ڕوو بوونه‌وه‌ مێژووییه‌كان

نۆ جار به‌رامبه‌ر یه‌ك یارییان كردووه‌ و ئه‌مریكا له‌ دوو یاری سه‌ركه‌وتنی به‌ده‌ست هێناوه‌ كه‌چی ئینگلته‌را له‌ حه‌وت یاری سه‌ركه‌وتوو بوه‌

دیدی هونه‌ری هه‌ڵبژارده‌ی ئینگلیزی

ئینگلیزه‌كان وه‌ك به‌ناوبانگن هه‌رگیز پلانی 4-4-2 ناگۆڕن چونكه‌ خۆیان له‌و شێوازه‌ ده‌دۆزنه‌وه‌ و به‌ هاتنی كاپێلۆ هیچ شتێكی ئه‌وتۆ له‌ پێكهاته‌ نه‌ گۆڕا جگه‌ له‌ هه‌ندێك زانیاری ته‌كتیكی ناو یاریگا نه‌بێت،گۆڵپارێزی هه‌ڵبژارده‌ی ئینگلیزی خاڵی بێ هێزیه‌ وه‌ ده‌مێكه‌ به‌ دوای چاره‌ ده‌گه‌ڕێن به‌ڵام گۆڵپارێزی شیاو نیه‌ بۆ به‌رپرسیاره‌تی وه‌رگرتنی ئه‌و پۆسته‌ وه‌ ئینگلته‌را له‌م پاڵه‌ونیه‌تیه‌ بانگهێشتی سێ گۆڵپارێزی كردووه‌ كه‌ هه‌رسێكیان ده‌توانین بڵێین یه‌ك ئاستیان هه‌یه‌ وه‌ ده‌ستنیشان كردنی گۆڵپارێزێك ڕه‌نگه‌ بڕیارێكی گران بێت بۆ كاپێلۆ به‌ڵام به‌ سه‌یر كردنی یارییه‌ دۆستانیه‌كان ئه‌وا ڕه‌نگه‌ دێڤد جێمس یان ڕۆبێرت گرین ئه‌ركی پارێزگاری كردنی گۆڵی شێره‌كانی ئینگلته‌را بگرێته‌ ئه‌ستۆ،له‌ هێڵی به‌رگری دوو هه‌ڵبژاردنی سه‌ره‌كی هه‌ن و ناكرێت بگۆڕدرێن ئه‌وانیش گلێن جۆنسۆن له‌ لای ڕاست و ئاشلی كۆل له‌ لای چه‌پ،به‌ڵام له‌ ناو جه‌رگی هێڵی به‌رگری دوای تووش بوونی فێردیناند به‌ پێكان ئه‌وا پرسیارێكی زۆر دروست ده‌بێت ئایا كێ هاوكاری جۆن تێری ده‌كات له‌ هێڵی به‌رگری و ئه‌وان نزیكن بن بۆ ئه‌و شوێنه‌ یاریزانی یانه‌ی تۆتنهام لیدلی كینگ و یاریزانی یانه‌ی لیڤه‌رپوول جێمی كاراگێر ـه‌ به‌ هه‌بوونی هه‌ڵبژاردنی به‌شداری پێ كردنی ماتیۆ ئاپسۆن به‌ڵام زۆر دووره‌ وه‌ كاراگێر زۆر نزیكه‌ به‌ هۆی ئه‌زموونی ئه‌و له‌ یارییه‌ نێوده‌وڵه‌تیه‌كان و تایبه‌ت له‌ یارییه‌كانی جامی جیهانی،هێڵی ناوه‌ڕاست به‌ هۆی نا ئاماده‌یی گاریث باری ئه‌وا كاپێلۆ سه‌ر لێ شێواو ده‌بێت بۆ ده‌ست نیشان كردنی یاریزانێك بۆ شوێنی ئه‌و ئه‌مه‌ش به‌ هۆی ژیری جێرارد و لامپارد له‌ كاتی ھێڕش بردن نه‌ك به‌رگری كردن به‌ڵام پێده‌چێت یاریزانی یانه‌ی مانشسته‌ر یونایتد مایكڵ كاریك له‌ شوێنی باری یاری بكات له‌ یاری یه‌كه‌م وه‌ له‌ لایه‌كان ڕه‌نگه‌ فیلیپس و لێنۆن ببینین به‌ڵام پێناچێت لێنۆن له‌ سه‌ره‌تایی یارییه‌كه‌ به‌شداری بكات بۆیه‌ جێمس میڵنێر پاڵێوراوی سه‌ره‌كی بۆ یاری كردن له‌و شێونه‌،له‌ هێڵی پێشه‌وه‌ بێ گومان واین ڕوونی یه‌كێكه‌ له‌ هه‌ڵبژاردنه‌كان به‌ڵام یاریزانی دووه‌م گومانی تێدایه‌ له‌ نێوان هێسكی و كراوچ و دیفۆ به‌ڵام له‌ یارییه‌ دۆستانیه‌كان هێسكی به‌ شێوه‌یه‌كی سه‌ره‌كی یاری ده‌كرد بۆیه‌ پێشبینیه‌كان هه‌مووی بۆ هێسكی ده‌نگ ده‌ده‌ن.

دیدی هونه‌ری هه‌ڵبژارده‌ی ئه‌مریكی

پێده‌چێت هه‌ڵبژارده‌ی ئه‌مریكیش به‌ پێكهاته‌ی 4-4-2 یاری بكات چونكه‌ ڕه‌نگه‌ ئه‌مه‌ گونجاوترین پێكهاته‌ بێت بۆ ڕاهێنه‌ر بۆب بڕادلی بۆ وه‌ستاندنی شاڵاوه‌كانی هه‌ڵبژارده‌ی ئینگلیزی چونكه‌ له‌ كاتی به‌رگری كردن ده‌كرێت پێكهاته‌كه‌ ببێته‌ 5-4-1 ئه‌مه‌ش بۆ كه‌م كردنه‌وه‌ی مه‌ترسی ڕونی و جێرارد،چه‌ندین یاریزانی ئه‌مریكی هه‌ن له‌ خوولی ئینگلیزی یاری ده‌كه‌ن وه‌ك تیم هاوارد و دۆنۆڤان و سپێكتۆر و دێمپسی بۆیه‌ ده‌توانن شێوه‌ی یاری كردنی ئینگلته‌را ئاشكرا بكه‌ن له‌ ماوه‌ی یارییه‌كه‌،به‌ پێی ڕاپۆرته‌كان ئه‌وا یاریزانی لاو جۆزێ ئالتیدۆر به‌شداری له‌ یارییه‌كه‌ ده‌كات ئه‌مه‌ش دوای ئه‌وه‌ی گومان هه‌بوو له‌ به‌شداری كردنی به‌ هۆی تووش بوونی به‌ پێكان له‌ یاری دۆستانه‌ی به‌رامبه‌ رهه‌ڵبژارده‌ی ئوستوڕالی.

پێكهاته‌ی چاوه‌ڕوان كراوی ئینگلته‌را

جێمس

كۆل – تێری – كاراگێر – جۆنسۆن

جێرارد – كاریك – لامپارد – فیلیپس

ڕونی – هێسكی

پێكهاته‌ی چاوه‌ڕوان كراوی ئه‌مریكا

هاوارد

سپێكتۆر – شێریندۆل – ئۆنیوا – بۆكانێگرا

دێمپسی – تۆرێس – برادلی – دۆنۆڤان

بۆدل – ئالتیدۆر

ئه‌ستێره‌ی هه‌ڵبژارده‌ی ئینگلیزی

نــاو : واین ڕونی
به‌رواری له‌ دایك بوون : 24-10-1985
شوێنی له‌ دایك بوون : لیڤه‌رپوول – ئینگلته‌را
شوێن : هێڕشبه‌ر
یانه‌ : مانشسته‌ر یونایتد – ئینگلته‌را

ئه‌ستێره‌ی هه‌ڵبژارده‌ی ئه‌مریكی

نــاو : لاندۆن دۆنۆڤان
به‌رواری له‌ دایك بوون : 4-3-1982
شوێنی له‌ دایك بوون : نیوجێرسی – ئه‌مریكا
شوێن : هێڵی ناوه‌ڕاست
یانه‌ : لۆس ئه‌نجلۆس گالاكسی – ئه‌مریكا[/size]

سه‌فین:یاریگا

هه‌ڵبژارده‌ی فه‌ڕه‌نسا ده‌گه‌ڕێته‌وه‌ یادگارییه‌كانی شاری بۆسان له‌ كۆریای باشوور كاتێك له‌ دوا یاری جامی جیهانی 2002 ڕووبه‌ڕووی هه‌ڵبژارده‌ی ئۆڕۆگوایی بوه‌وه‌ به‌ڵام ئه‌مجاره‌ نایه‌وێت ئه‌و ئه‌نجامه‌ دووباره‌ ببێته‌وه‌ و به‌یانی له‌سه‌ر یاریگای گرین پۆینت له‌ شاری كیپ تاون ده‌یه‌وێت سه‌ركه‌وتن به‌ده‌ست بهێنێت و سێ خاڵی یارییه‌كه‌ به‌ده‌ست بهێنێت.

ناسنامه‌ی یاری
یاری           :          جامی جیهانی 2010 | باشووری ئه‌فریقیا

جه‌وله‌ / گه‌ڕ    :       كۆمه‌ڵه‌ی یه‌كه‌م | جه‌وله‌ی یه‌كه‌م

به‌روار       :            هه‌ینی | 11 یۆنیۆ 2010

كات         :            18:30 گرینیچ | هه‌ولێر 9:30

شوێن   :               گرین پۆینت| كیپ تاون

كه‌ش   :                      - |-°C | -

كه‌ناڵه‌كان    :     جه‌زیره‌ سپۆرت 1 HD   جه‌زیره‌ سپۆرت +9    جه‌زیر سپۆرت +10     جه‌زیره‌ سپۆرت WC

بێژه‌ر          :           يوسف سێف | عیسام شه‌والی

ناوبژیوانی یارییه‌كه‌

یـــــاری          >>>>>          ئۆڕۆگوای Vs فه‌ڕه‌نسا

نــــاو              >>>>>                     یوشی نیشیمۆرا

به‌رواری له‌ دایك بوون

1972-04-17  ( 38 ساڵ )

شوێنی له‌ دایك بوون

یابان

نێوده‌وڵه‌تی
2004

ژماره‌ی یارییه‌كانی ئه‌م پاڵه‌وانیه‌تیه‌

0 یاری

ژماره‌ی كارته‌كان

زه‌رد
00 سوور
00

یاریده‌ده‌ران : تۆرۆ ساگارا (یابان) – یۆنگ های سۆنگ (چین)
ناوبژیوانی چواره‌م : جوێل ئاگیلار (سیلڤادۆر)

سه‌یر كردنێكی هونه‌رییانه‌ بۆ یارییه‌كه‌

یارییه‌كی ئاسان نابێت بۆ هه‌ردوو هه‌ڵبژارده‌ی فه‌ڕه‌نسی و ئۆڕۆگوایی وه‌ هه‌ردووكیان گرانی ئه‌م یارییه‌ ده‌زانن،هه‌ڵبژارده‌ی فه‌ڕه‌نسی له‌ باشترین ساته‌كانی خۆیدا نیه‌ وه‌ له‌ یه‌كێك له‌ گرانترین ڕۆژه‌كانی وه‌رزشی خۆیدا ده‌ژیت،نا هاوسه‌نگی یاریزانان كاردانه‌وه‌یه‌كی زۆری هه‌یه‌ له‌سه‌ر ئاستی یاریزانه‌كان و مه‌عنه‌ویاتی یاریزانه‌كانی به‌ جۆرێكی زۆر شڵه‌ژاوه‌،هه‌ر له‌ سه‌ره‌تاوه‌ به‌ سه‌ختی سه‌ركه‌وتن بۆ كۆتاییه‌كانی مۆندیال و هه‌ڵپه‌یه‌كی ئیعلامی گه‌وره‌ی به‌ خۆیه‌وه‌ بینی و دواتر خراپی ئه‌نجامی یارییه‌ دۆستانیه‌كان وای كرد ڕایمۆن دۆمینێك ڕه‌خنه‌ی زۆری لێ بگیرێت و پێكهاته‌كه‌ی ئاست نزمی به‌ خۆیه‌ ببینێت،به‌ڵام ئه‌وه‌ی پێویسته‌ بیڵێین كه‌وا هه‌ڵبژارده‌ی فه‌ڕه‌نسی هه‌ڵبژارده‌یه‌كی گه‌وره‌یه‌ و ئه‌ستێه‌ری زۆر له‌ خۆی ده‌گرێته‌وه‌ و ده‌توانن به‌سه‌ر هه‌موو شتێك سه‌ربكه‌ون كاتێك ڕووداوه‌كان پێویستی به‌ ڕۆحیه‌تی یاریزانان ده‌بێت،له‌ لایه‌كی تره‌وه‌ هه‌ڵبژارده‌ی ئۆڕۆگوایی یه‌كێك له‌ هه‌ڵبژارده‌ پێشكه‌وتووه‌كانی و زۆر به‌ خێرایی به‌ره‌ پێشچوون به‌خۆیه‌ ده‌بینێت به‌ڵێ ڕاسته‌ به‌ هه‌مان شێوه‌ی هه‌ڵبژارده‌ی فه‌ڕه‌نسی سه‌ركه‌وت بۆ كۆتاییه‌كانی جامی جیهانی كه‌چی هه‌ڵبژارده‌ی ئۆڕۆگوایی باش خاڵی به‌هێزی خۆی ده‌زانێت كه‌ ئه‌ویش فشاری باری ده‌رونی یاریزانه‌ فه‌ڕه‌نسیه‌كانه‌.

ڕایمۆن دۆمینێك هه‌ڵبژاردنی زۆری له‌ پێش هه‌یه‌ تایبه‌ت ئه‌گه‌ر به‌ شێوازی 4-3-3 یاری بكات كه‌ پێكهاته‌یه‌كی هێڕش بردنی ڕاسته‌قینه‌یه‌،دۆمینیك ده‌مێكه‌ گۆڵپاریزی سه‌ره‌كی هه‌ڵبژارده‌كه‌ی ده‌ست نیشان كردووه‌ ئه‌ویش گۆڵپارێزی یانه‌ی لیۆنی فه‌ڕه‌نسی هوگۆ لۆرێس ـه‌ به‌ڵام گه‌وره‌ترین كێشه‌ی به‌ڕێز دۆمینیك هێڵی به‌رگریه‌ كه‌ ده‌مێكه‌ پێی ده‌ناڵێت ئه‌مه‌ش به‌ هۆی ئاماده‌ نه‌بوونی دوو یاریزانی ئاماده‌ كراو بۆ ئه‌م شوێنه‌ و ڕه‌نگه‌ ئه‌بیدال و گالاس له‌ هێڵی دواوه‌ به‌ یه‌كه‌وه‌ یاری بكه‌ن به‌ڵام ئه‌بیدال ئه‌و ئاسته‌ پێشكه‌ش ناكات وه‌ك ئه‌وه‌ی له‌ لایه‌كان یاری بكات وه‌ هه‌ردوو شوێنه‌كه‌ی تری ڕاست و چه‌پ بۆ سانیا و ئیڤرا دانراوه‌ و هیچ گومان نیه‌ له‌ یاری كردن ئه‌م دوو یاریزانه‌،له‌ هه‌رسێ یارییه‌ دۆستانیه‌كانی فه‌ڕه‌نسا نا تێگه‌یشتنێكی زۆر دیار بوو نێوان یاریزانه‌كانی هێڵی به‌رگری بۆیه‌ ڕه‌نگه‌ خاڵی بێ هێزی هه‌ڵبژارده‌ی كه‌ڵه‌شێره‌كان له‌ هێڵی دواوه‌ بێت.

له‌ هێڵی ناوه‌ڕاستدا وا دیاره‌ تۆلالان له‌ پێكهاته‌ی سه‌ره‌كیدا ده‌بێت بۆ یاری كردن له‌ پێشه‌وه‌ی هێڵی به‌رگری تایبه‌ت دوای ئه‌وه‌ی یاریزان لاس دیارا تووشی پێكان هات و دوور خرایه‌وه‌ له‌ كۆتاییه‌كان وه‌ به‌ ئه‌زمونی تۆلالان وای لێ ده‌كات شوێنی سه‌ره‌كی بۆ خۆی به‌ده‌ست بهێنێت نه‌ك ئه‌بو دیابی هه‌رچه‌نده‌ دیابی ده‌توانێت به‌ شێوه‌یه‌كی باش یاری بكات له‌و شوێنه‌،هه‌ردوو یاریزان گۆركۆف و مالودا به‌رپرس ده‌بن له‌ لایه‌كانی یاریگا و ناردنی تۆپی به‌رده‌وام بۆ هێڵی هێڕش بردن تایبه‌ت گۆركۆف كه‌ ده‌توانێت زۆر هێڕش دروست بكات و لێدانی به‌هێزی هه‌یه‌ بۆ ئاڕسته‌ كردنی بۆ گۆڵی هه‌ڵبژارده‌ی ئۆڕۆگوایی وه‌ ئه‌گه‌ر دۆمینیك ئازادی ته‌واوی بداتێ ئه‌وا ده‌توانێت به‌ شێوه‌یه‌كی یه‌كسان له‌ گشت لایه‌كانی یاریگا ئاماد بێت،له‌ هێڵی هێڕشبردن پێده‌چێت هه‌ر یه‌ك له‌ ڕیبێری و گوڤۆ و جینیاك یان هێنری یاری بكه‌ن.

سه‌باره‌ت به‌ هه‌ڵبژارده‌ی ئۆڕۆگوای كه‌ ده‌یه‌وێت یاده‌وه‌ریه‌كانی ساڵانی سییه‌كان و په‌نجایه‌كان دووباره‌ بكاته‌وه‌ وه‌ ڕاهێنه‌ر ئۆسكار تابارێز ده‌یه‌وێت دووباره‌ هه‌ڵبژارده‌ی ئۆڕۆگوایی بگه‌ینێته‌ قۆناغی 16 دوای ئه‌وه‌ی له‌ مۆندیالی 1990 توانی سه‌ركردایه‌تی ئۆڕۆگوای بكات بۆ قۆناغی دووه‌م،ئۆڕۆگوای توانی سه‌ربكه‌وێت به‌سه‌ر سویسرا به‌ ئه‌نجامی 3-1 و ئیسرائیل به‌ ئه‌نجامی 4-2 به‌ر له‌وه‌ی بگاته‌ باشووری ئه‌فریقیا و ده‌ست به‌ مه‌شقه‌كانی بكات.

هه‌ڵبژادره‌ی فه‌ڕه‌نسی به‌یانی هه‌ینی یه‌كه‌م یاری خۆی له‌ جامی جیهانی ئه‌نجام ه‌دات به‌رامبه‌ر هه‌ڵبژارده‌ی ئۆڕۆگوایی له‌سه‌ر یاریگای گرین پۆینت له‌ شاری كیپ تاون،هه‌ڵبژارده‌ی فه‌ڕه‌نسی دوای كێشه‌ی زۆر له‌ پاڵاوتنه‌كانی كیشوه‌ری ئه‌وروپا سه‌ركه‌وت بۆ كۆتاییه‌كانی جامی جیهانی و فه‌ڕه‌نسا وه‌ك جاران پاڵێوراو نیه‌ بۆ به‌ده‌ست هێنانی نازناوی جامی جیهانی،كه‌ڵه‌شێره‌كانی به‌یانی چانسێكی گه‌وره‌یان له‌ پێشه‌ بۆ خۆ ئاشت كردنه‌وه‌ له‌گه‌ڵ هانده‌ره‌كانی به‌ هۆی ئاست نزمی له‌ یارییه‌ دۆستانیه‌كان دوای ئه‌وه‌ی له‌ دوو یاری ڕابردوو ئه‌نجامی خراپی به‌ده‌ست هێنا كاتێك 1-1 یه‌كسان بوون له‌گه‌ڵ هه‌ڵبژارده‌ی تونسی و 1-0 دۆڕا به‌ هه‌ڵبژارده‌ی چینی بۆیه‌ ڕاهێنه‌ری هه‌ڵبژارده‌ی كه‌ڵه‌شێره‌كان ڕایمۆن دۆمینێك تووشی ڕه‌خنه‌ی توند بوه‌وه‌،به‌ پێی هه‌واڵه‌كان ئه‌وا یاریزانی یانه‌ی به‌رشلۆنه‌ی ئیسپانی تێری هێنری به‌شداری له‌ یارییه‌كه‌ ناكات و له‌سه‌ر كورسی یه‌ده‌ك ده‌بێت،هه‌ندێك نیشانه‌ هه‌ن كه‌وا باس له‌ ئاڵۆزی باری هه‌ڵبژارده‌ی فه‌ڕه‌نسی ده‌كه‌ن له‌ ناوه‌وه‌ی ئوردوگای مه‌شقیان له‌ شاری كیپ تاون،ڕۆژی سێ شه‌ممه‌ی ڕابردوو چاوه‌ڕوان ده‌كرا یاریزانی هێڵی به‌رگری ویلیام گالاس كۆنگره‌یه‌كی ڕۆژنامه‌وانی ساز بدات كه‌چی پرێس كۆنفڕانسه‌كه‌ی ڕه‌ت كرده‌وه‌ و گوته‌ بێژه‌ی فه‌رمی هه‌ڵبژارده‌ی فه‌ڕه‌نسی ئه‌وه‌ی ڕاگه‌یاند كه‌وا گالاس به‌ به‌رده‌وامی پاڵه‌وانیه‌تیه‌كه‌ هیچ قسه‌یه‌ك یان لێدوانێك نادات،ئه‌مه‌ش پرسیاری زۆر دروست ده‌كات و ڕۆژنامه‌وانی فه‌ڕه‌نسا باس له‌ ناكۆكی نێوان گالاس و دۆمینێك ده‌كه‌ن دوای ئه‌وه‌ی ڕایمۆن نیشانه‌ی كاپتنی به‌خشیه‌ یاریزانی یانه‌ی مانشسته‌ر یونایتد پاتریس ئیڤرا ئه‌مه‌ش گالاس ـی ناڕه‌حه‌ت كردووه‌،له‌ هه‌ندێك شوێندا ده‌بینیت فه‌ڕه‌نسا ته‌نها پشت به‌ تواناییه‌كانی ئه‌ستێره‌ی یانه‌ی باڤاری فڕانك ڕیبێری ده‌به‌ستێت كه‌ به‌ جۆش و خرۆشه‌وه‌ به‌شداری له‌ پاڵه‌وانیه‌تیه‌كه‌ ده‌كات ئه‌مه‌ش دوای ئه‌وه‌ی ڕێگه‌ی پێ نه‌درا به‌شداری له‌ یاری كۆتایی شامپیۆنزلیگ بكات به‌رامبه‌ر یانه‌ی ئه‌نته‌رناسیۆنالێ به‌هۆی ڕاگیران وه‌ هه‌روه‌ها یاریزانێكی تر هه‌یه‌ ئه‌ویش یاریزانی یانه‌ی بۆردۆ یۆهان گۆركۆف ـه‌ كه‌ زۆر پشت به‌ویش ده‌به‌ستن له‌گه‌ڵ یاریزان نیكۆلاس ئه‌نێلكا،زۆربه‌ی چاودێران پێیان وایه‌ هه‌ڵبژارده‌ی فه‌ڕه‌نسی له‌ توانایدا هه‌یه‌ سه‌ربكه‌وێت بۆ قۆناغی 16 سه‌ره‌ڕای نه‌بوونی یاریزانی ئاست به‌رز كه‌ له‌ توانایدا هه‌بێت ئه‌نجامی یارییه‌كان بگۆڕێت،له‌ لایه‌كی تره‌وه‌ هه‌ڵبژارده‌ی ئۆڕۆگوایی هه‌ڵبژارده‌یه‌كی زۆر مه‌ترسیداره‌ و ده‌توانێت ئه‌نجامی باش به‌ده‌ست بهێنێت بۆیه‌ پێشبینی ده‌كرێت كێشه‌ی زۆر بۆ هه‌ڵبژارده‌ی فه‌ڕه‌نسی دروست بكات له‌ یاری به‌یانی،هێڕشبه‌ری هه‌ڵبژارده‌ی ئۆڕۆگوای دیێگۆ فۆرلان دوای ئه‌وه‌ی له‌ ماوه‌ی مه‌شقه‌كاندا تووشی پێكدادانێكی به‌هێز بوو ئه‌مڕۆ ئه‌وه‌ی دووپات كرده‌وه‌ كه‌وا ئاماده‌ ده‌بێت بۆ یاری كردن وه‌ هه‌روه‌ها پێشبینی ده‌كرێت هێڕشبه‌ری یانه‌ی ئه‌جاكسی هۆڵه‌ندی لویس سوارێز ئاستێكی به‌رز پێشكه‌ش بكات دوای ئه‌وه‌ی له‌ وه‌رزی ڕابردوو توانی ئاستێكی سه‌رنجڕاكێش پێشكه‌ش بكات له‌گه‌ڵ یانه‌كه‌ی.ئه‌ستێره‌كانی هه‌ڵبژارده‌ی فه‌ڕه‌نسی

ناو : فڕانك ڕیبێری
به‌رواری له‌ دایك بوون : 17-4-1983
شوێنی له‌ دایك بوون : بۆلۆنیا – فه‌ڕه‌نسا
شوێن : هێڵی ناوه‌ڕاست
یانه‌ : بایێرن میونخ – ئه‌ڵمانیا

ناو : یۆهان گۆركۆف
به‌رواری له‌ دایك بوون : 11 – 7 – 1986
شوێنی له‌ دایك بوون : بۆلمۆر – فه‌ڕه‌نسا
شوێن : هێڵی ناوه‌ڕاست
یانه‌ : بۆردۆ – فه‌ڕه‌نسا

ئه‌ستێره‌كانی هه‌ڵبژارده‌ی ئۆڕۆگوای

ناو : دیێگۆ فۆرلان
به‌رواری له‌ دایك بوون : 19-5-1979
شوێنی له‌ دایك بوون : مۆنیڤیدیۆ – ئۆڕۆگوای
شوێن : هێڵی ھێڕش بردن
یانه‌ : ئه‌تله‌تیكۆ مه‌درید – ئیسپانیا

ناو : لویس سوارێز
به‌رواری له‌ دایك بوون : 24-1-1987
شوێنی له‌ دایك بوون : سالتۆ – ئۆڕۆگوای
شوێن : ھێڵی هێڕش بردن
یانه‌ : ئه‌جاكس ئه‌مستردام – هۆڵه‌ندا

ئایا به‌ ڕای تۆ ئه‌نجامی یارییه‌كه‌ چۆن ده‌بێت؟

سه‌رچاوه‌: سه‌فین:یاریگا