سلاوێــكی گه‌رم و نه‌رم بۆ هه‌مووان که‌ دوور بیت له‌ یانه‌ حلت خۆش نابیت زۆر ده‌میــكه‌ نه‌گه‌رامه‌وه‌ ئیستا هاتمه‌وه‌ ان شاء الله‌ به‌رداوه‌م ده‌بم :*

سوپاس لۆ زرۆکه‌ ^__^

سلاو له‌ هه‌مــــوو هاوریان دووباره‌ دوای دابرانیـــکی زۆرررر ئه‌مرۆ گه‌رامه‌وه‌ به‌ هۆی کاکه‌ ره‌وشت هه‌ولێــریه‌وه‌

زۆررر ده‌میـــك بووو ویستم بگه‌ریمه‌وه‌ به‌لام کیشه‌م هه‌بوو له‌ ناوه‌که‌م کسیش نه‌بوو چاکی بکه‌ت  نازانم تاقه‌تی جوابیان نه‌بوو یان بیزار بوونه‌ له‌ ئه‌ندامه‌کانیان ....!!!!

زۆررر سوپاسی کاکه‌ ره‌وشت ده‌که‌م به‌هۆی کاکه‌ ره‌وشته‌وه‌ گه‌رامه‌وه‌ ده‌ستی خۆش بیت ماندوم کرد
دوباره‌ سوپاس بۆ ره‌وشت گیانه‌

مـــستەفا داغڵۆ ڕۆژنامەنووسی بە ناوبانگی تورکی::

ئــەگەر ڕۆنــاڵدۆ تــۆپی ئــاڵتونی نـەباتەوە[size=16] پــێڵاوی ژنــەکەم [/size]ئــەگرمە نــێوچاوانی پــلاتینی

هههههه شازی قسه‌ ^____^

[size=24]سووده‌کانی یادی خوا
[/size]
سوپاسی بێپایان بۆ خوای میهره‌بان ، دروودو سڵاو له‌ پێغه‌مبه‌ری سه‌روه‌رمان ، هه‌روه‌ها له‌ که‌سوکار و یار و یاوه‌ران و شوێنکه‌وتووانی تا رۆژی دوایی.
زانای پایه‌ به‌رز (ابن قیم الجوزیة) ره‌حمه‌تی خوای لێ بێت له‌ په‌رتوکی (الوابل الصیب من الکلم الطیب) دا ده‌فه‌رموێت یادی خوا زیاتر له‌ 100 سوودی هه‌یه و‌ ، هه‌ر له‌وێدا 73 سوودی لێ باس کردووه .
ئه‌مه‌ پوخته‌ی ئه‌و سوودانه‌یه‌ و هیوادارین هانده‌رێک بێت بۆ هه‌موو لایه‌ک بۆ زیاتر بایه‌خدان به‌ یادی خوا .

پوخته‌ی سووده‌‌کان: ‌
1- ده‌بێته‌ هۆی دوورخستنه‌وه‌و ده‌رکردنی شه‌یتان و سه‌رکوتکردنی.
2- مایه‌‌ی به‌ده‌ستهێنانی ره‌زامه‌ندی په‌روه‌ردگاره‌.
3- خه‌م و خه‌فه‌ت لا ده‌بات و مه‌راق و دڵته‌نگی ده‌ڕه‌وێنێته‌وه‌.
4- مایه‌ی به‌ده‌ستهێنانی خۆشی و شادیه‌ بۆ دڵ.
5- دڵ و جه‌سته‌ به‌هێز ده‌کات.
6- دڵ و روخسار رۆشن ده‌کاته‌وه‌و نورانییان ده‌کات.
7- هۆیه‌ بۆ به‌ده‌ست هێنانی رزق و رۆزی.
8- خاوه‌نه‌که‌ی به‌ کاڵای شكۆمه‌ندی و شیرینی و گه‌شاوه‌یی ده‌پۆشێت.
9- خۆشه‌ویستی خوای پێ ده‌به‌خشێت.

10- چاودێریکردنی خوای گه‌وره‌ی‌ له‌لا به‌دی دێنێت.
11- ده‌بێته‌ هۆی گه‌ڕانه‌وه‌ ( الانابة) بۆ لای په‌روه‌دگار.
12- ده‌بێته‌ هۆی نزیک بوونه‌وه‌ له‌ په‌روه‌ردگار.
13- ده‌روازه‌یه‌کی گه‌وره‌ له‌ ده‌روازه‌کانی زانیاری بۆ خاوه‌نه‌که‌ی ده‌کاته‌وه‌.
14- ترسی خوای گه‌وره‌ی له‌ دڵدا ده‌ڕوێنێت.
15- خوای گه‌وره‌ یادی خاوه‌نه‌که‌ی ده‌کات،( فاذکروني اذکرکم).
16- ژیان و زیندوویی دڵ فه‌راهه‌م دێنێت وه‌کو شیخ الاسلام ابن تیمیة فه‌رموویه‌تی ( یادی خوا بۆ دڵ وه‌ک ئاوه‌ بۆ ماسی ، جا ئایا حاڵی ماسی به‌ بێ ئاو چۆنه‌ ؟).
17- خۆراکی دڵ و گیانه‌.
18- دڵ له‌ ژه‌نگی بێئاگایی و ئاره‌زوو پاک ده‌کاته‌وه‌.
19- ده‌بێته‌ هۆی هه‌ڵوه‌راندنی تاوان و گوناهـ .

20- بێزاریی غه‌فڵه‌ت له‌ نێوان به‌نده‌و په‌روه‌ردگاردا ده‌ڕه‌وێنێته‌وه‌.
21- له‌ کاتی ته‌نگانه‌دا خوودی زیکره‌کان یادی خاوه‌نه‌کانیان ده‌که‌نه‌وه‌ و باسیان ده‌که‌ن بۆ ئه‌وه‌ی خوای گه‌وره‌ به‌ هانایانه‌وه‌ بچێت.
22- ئه‌گه‌ر به‌نده‌ له‌کاتی خۆشیدا یادی خوای کرد ، خوای گه‌وره‌ش له‌کاتی ناڕه‌حه‌تی و ناخۆشیدا به‌سه‌ری ده‌کاته‌وه‌.
23- ده‌بێته‌ هۆی رزگار بوون له‌ سزای خوای گه‌وره‌.
24- هۆیه‌که‌ بۆ دابه‌زینی دڵنیایی و به‌ده‌ستهێنانی ره‌حمه‌تی خواو هه‌روه‌ها ده‌وره‌ دانی فریشته‌کان.
25- زمان ده‌پارێزێت له‌ پاش مله‌ باس کردن و دووزمانی و فیتنه‌یی درۆ و هه‌موو قسه‌یه‌کی ناشیرین.
26- ئه‌و که‌سه‌ی یادی خوا ده‌کات له‌گه‌ڵ فریشته‌کاندا دانیشتووه‌ ، چونکه‌ کۆڕی زیکر کۆڕی فریشته‌کانیشه‌.
27- خۆی شادمان ده‌بێت به‌ یادکردنه‌که‌ی خۆی و به‌خته‌وه‌ریش ده‌به‌خشێت به‌و که‌سانه‌ی له‌گه‌ڵیدا دانیشتوون.
28- به‌نده‌ رزگار ده‌کات له‌ داخ و حه‌سره‌تی رۆژی دوایی ، چونکه‌ هه‌موو ئه‌و کاتانه‌ی یادی خوای تیا ناکرێت ده‌بێت به‌ داخ و حه‌سره‌ت له‌رۆژی دواییدا.
29- یادی خواو گریان به‌ته‌نیایی ده‌بێته‌ هۆی ئه‌وه‌ی له‌ رۆژی قیامه‌تدا خاوه‌نه‌که‌ی بچێته‌ ژێر سایه‌ی عه‌رشی خواوه‌.

30- خوای گه‌وره‌ هه‌رچی ببه‌خشێت به‌و که‌سانه‌ی لێی ده‌پاڕێنه‌وه‌ ، باشترینیان ده‌به‌خشێت به‌و که‌سه‌ی له‌جیاتی داواکردن خه‌ریک بووه‌ به‌ یادی ئه‌وه‌وه‌.
31- ئاسانترین جۆری خواپه‌رستیه‌ ، له‌گه‌ڵ ئه‌وه‌شدا یه‌کێکه‌ له‌ گه‌وره‌ ترین و باشترینی په‌رستشه‌کان.
32- هه‌ر یادێکی خوای گه‌وره‌ له‌ دنیادا ، ناشتنی نه‌مامێکه‌ له‌ به‌هه‌شتدا .
33- ئه‌و پاداشت و چاکه‌یه‌ی به‌رامبه‌ر به‌ یادی خوا دانراوه‌ به‌رامبه‌ر به‌ هیچ کام له‌ کرده‌وه‌کانی تر دانه‌نراوه‌.
34- به‌رده‌وامی یادکردن به‌نده‌ ده‌پارێزێت له‌وه‌ی که‌ خوای گه‌وره‌ له‌بیربکات وببێته‌ هۆی به‌دبه‌ختی دنیاو قیامه‌تی.
35- هیچ کرده‌وه‌یه‌ک وه‌کو یادکردن هه‌موو کات وساته‌کانی ژیان ناگرێته‌وه‌.
36- یادی خوا نوورێکه‌ بۆ خاوه‌نه‌که‌ی له‌ دنیادا و له‌ناو قه‌برو له‌رۆژی دواییداو هه‌روه‌ها له‌سه‌ر پردی سیراتیش له‌ پێش خاوه‌نه‌که‌یه‌وه‌ ده‌ڕوات و رێی بۆ رۆشن ده‌کاته‌وه‌.
37- هه‌رکه‌سێک ده‌روازه‌ی زیکری به‌ روودا بکرێته‌وه‌ ئه‌وا ده‌روازه‌یه‌کی به‌ره‌و لای خوای گه‌وره‌ بۆ کراوه‌ته‌وه‌.
38- دڵ هه‌ژاری و په‌ژاره‌و پێویستیه‌کی وه‌های تیایه‌ ، ته‌نها به‌ یادی خوای گه‌وره‌ پڕ ده‌بێته‌وه‌.
39- یادی خوای گه‌وره‌ ویست و نیازی مرۆڤ کۆده‌کاته‌وه‌و، خه‌م و خه‌فه‌تیشی لێ ده‌ڕه‌وێنێته‌وه‌ و ، رۆژی دوایشی لێ نزیک ده‌کاته‌وه‌ ودنیاشی لێ دوور ده‌خاته‌وه‌ .

40- دڵ به‌ ئاگا ده‌هێنێته‌وه‌ له‌ خه‌وی غه‌فڵه‌ت و چوست و چالاکی ده‌کات بۆ خواپه‌رستی .
41- زیکر دره‌ختێکه‌ ئه‌و زانیاری و پله‌وپایانه‌ به‌رهه‌م دێنێت که‌ خواناسان هه‌وڵیان داوه‌ پێی بگه‌ن.
42- ئه‌و که‌سه‌ی یادی خوا ده‌کات له‌خواوه‌ نزیکه‌و ، خوای گه‌وره‌ له‌گه‌ڵیایه‌تی و خۆشه‌ویستی و پشتیوانی و سه‌رخستنی خۆیی پێده‌به‌خشێت.
43- پاداشتی زیکر هێنده‌ی پاداشتی ئازادکردنی به‌نده‌و به‌خشینی ماڵ و سامان و، ئاماده‌ کردنی سواری بۆ جیهاد و لێدانه‌ به‌ شمشێر له‌کاتی جیهاددا.
44- یادی خوا لوتکه‌ی سوپاس بژێرییه‌ و هه‌رکه‌سێک یادی خوا نه‌کات ئه‌وا سوپاسی خوای نه‌کردووه‌.
45- له‌ریزی که‌سانی خاوه‌ن ته‌قوادا ، به‌ڕێزترینیان لای خوا ئه‌و که‌سه‌یه‌ که‌ هه‌میشه‌ زمانی ته‌ڕ و پاراوه‌ به‌ یادی خواوه‌.
46- یادی خوا قه‌سوه‌تی دڵ ده‌توێنێته‌وه‌.
47- یادی خوا ده‌رمان و شیفای دڵه‌کانه‌.
48- یادی خوا بنه‌ڕه‌ت و لوتکه‌ی خۆشه‌ویستی خوایه‌.
49- یادی خوا هۆی فه‌راهه‌مهێنانی نیعمه‌ته‌کان و دوورخستنه‌وه‌ی به‌ڵاکانه‌.

50- یادی خوا هۆکارێکه‌ بۆ ئه‌وه‌ی خوای گه‌وره‌ به‌زه‌یی خۆی بڕژێت به‌سه‌ر خاوه‌نه‌که‌یدا و فریشته‌کانیش داوای لێخۆشبوونی بۆبکه‌ن.
51- هه‌رکه‌س بیه‌وێت له‌ دنیادا بچێته‌ ناو باخچه‌کانی به‌هه‌شته‌وه‌ ، ئه‌وا با به‌شداری بکات له‌ کۆڕه‌کانی یادی خوادا چونکه‌ ئه‌م کۆڕانه‌ بریتین له‌ باخچه‌کانی به‌هه‌شت.
52- کۆڕه‌کانی یادی خوا کۆڕی فریشته‌کانن. (کۆڕه‌کانی باسی خواناسی و خوێندن و فێربوونی قورئان و زانسته‌ شه‌رعیه‌کان و بانگه‌واز بۆ ئیسلام و ..... هتد‌ هه‌موویان‌ کۆڕی زیکرن).
53- خوای گه‌وره‌ له‌لای فریشته‌کانی شانازی به‌و‌ به‌ندانه‌وه‌ ده‌کات که‌ یادی ده‌که‌ن.
54- ئه‌و که‌سه‌ی به‌ هه‌میشه‌یی یادی خوا ده‌کات ، به‌ پێکه‌نینه‌وه‌ ده‌چێته‌ ناو به‌هه‌شته‌وه‌.
55- هه‌موو په‌رستنه‌کانی تر بۆ ئه‌وه‌ دانراون که‌ مرۆڤ یادی خوای گه‌وره‌ بکات .
56- باشترین که‌س له‌ نێوان ئه‌نجامده‌رانی په‌رستشه‌کانی تردا ئه‌وانه‌ن که‌ یادی خوا زیاتر ده‌که‌ن بۆ نموونه‌ : له‌ نێوان رۆژووه‌واناندا باشترینیان ئه‌وانه‌ن که‌له‌کاتی رۆژووه‌که‌یاندا زیاتر یادی خوا ده‌که‌ن.
57- ئه‌و که‌سانه‌ی توانای داراییان نیه‌ که‌ لێی ببه‌خشن و هه‌ندێ په‌رستشی تری پێ ئه‌نجام بده‌ن ، ده‌توانن به‌ یادی خوا جێی ئه‌و به‌خشین و په‌رستشانه‌ پڕ بکه‌نه‌وه‌.
58- یادی خوای گه‌وره‌ یه‌کێکه‌ له‌ گه‌وره‌ترین هۆکاری رێخۆشکردن به‌ره‌و گوێرایه‌ڵی فه‌رمانه‌کانی خوای گه‌وره‌ ، به‌جۆرێک که‌ کاره‌کان له‌سه‌ر شانی مرۆڤ ئاسان ده‌بێت و خۆشه‌ویست ده‌بن له‌لای.
59- یادی خوای گه‌وره‌ هه‌موو کارێکی قورس و گرانی پێ ئاسان و ساکار ده‌بێت و ، ناڕه‌حه‌تیه‌کانیش سووک ده‌کات.

60- یادی خوای گه‌وره‌ هه‌موو ترسێک له‌ دڵ ده‌رده‌کات و دڵنیایی ده‌به‌خشێت به‌ خاوه‌نه‌که‌ی.
61- یادی خوای گه‌وره‌ هێز و توانای مرۆڤ زیاد ده‌کات.
62- له‌نێوان ئه‌وانه‌ی له‌ بواری چاکه‌کاریدا خۆیان بۆ قیامه‌ت ماندوو ده‌که‌ن ، ئه‌وکه‌سانه‌ی زیکری خوا ده‌که‌ن له‌ پێش هه‌موویانه‌وه‌ن و پێشڕه‌وی گشتیانن
63- یادی خوای گه‌وره‌ هۆکارێکه‌ بۆ ئه‌وه‌ی به‌نده‌ له‌ریزی راستگۆیاندا دابنرێت و حه‌شر بکرێت چونکه‌ کاتێک یادی خوا ده‌کات به‌وتنی سیفات و ناوه‌ جوانه‌کانی ، له‌ به‌رامبه‌ردا خوای گه‌وره‌ به‌و که‌وسه‌ ده‌فه‌رموێت راستت کرد .
64- خانوه‌کانی به‌هه‌شت به‌ یادی خوا بنیات ده‌نرێت ، چه‌نده‌ یاد بکه‌یت هێنده‌ت بۆ بنیات ده‌نرێت.
65- یادی خوا به‌ربه‌ستێکه‌ له‌ نێوان به‌نده‌و دۆزه‌خدا.
66- فریشته‌کان داوای لێخۆشبوون ده‌که‌ن بۆ ئه‌و که‌سه‌ی یادی خوا ده‌کات.
67- چیاکان و بیابانه‌کان خۆشحاڵن به‌و که‌سانه‌ی یادی خوایان له‌سه‌ر ده‌که‌ن و شانازیان پێوه‌ ده‌که‌ن له‌ نێوان خۆیاندا.
68- زۆر یادکردنی خوای گه‌وره‌ له‌دووڕوویی دورت ده‌خاته‌وه‌.
69- یادی خوای گه‌وره‌ چێژێکی تایبه‌تی هه‌یه‌ که‌ هیچ کارو کردوه‌یه‌کی تر چێژی وه‌ک ئه‌و نیه‌.

70- یادی خوا روخساری خاوه‌نه‌که‌ی گه‌شاوه‌ ده‌کات و له‌ قیامه‌تیشدا نوورانی ده‌کات.
71- به‌رده‌وامی یادی خوا له‌ هه‌موو کات و شوێنێکدا هۆکارێکه‌ بۆ زیاد بوونی شایه‌ته‌کان بۆ چاکی خاوه‌نه‌که‌ی له‌ رۆژی دواییدا.
72- خه‌ریک بوون به‌ یادی خواوه‌ ده‌تپارێزێت له‌ قسه‌ی پڕوپووچ.
73- یادی خوا قه‌ڵایه‌که‌ خاوه‌نه‌که‌ی له‌ هه‌موو شه‌یتانه‌کان ده‌پارێزێت

ئامادەکردنى: باوکی نونە
بەروارى بڵاوکرنەوە: ٢٥-٤-٢٠١٢
سێبەرى ئیسلام