بیبەری شیرین بۆ تەندروستی دڵ

بیبەری شیرین Bell Peppers بە رەنگی سەوز،زەرد،سوور،نارنجی،قاوەیی، رەش لە بازاڕەكاندا بەدی دەكرێت. بیبەری شیرین گەلێك مادەی خۆراكی گرنگ لەخۆدەگرێت وەكو ڤیتامین C و ڤیتامین A بە شێوەی بیتا كارۆتین و كارۆتینۆیدەكان كە دوو مادەی دژەئۆكسانی بەهێزن بۆ هاوسەنگكردنەوەی مادە كۆلكە سەربەستەكان. كۆلكە سەربەستەكان بەرپرسن لە نیشتنی كۆلیستیرۆل لەسەر ناوپۆشی خوێنبەرەكان و رەقبوونی خوێنبەرەكان، هەروەها تێكدانی دەمار و بۆڕییەكانی خوێن لە نەخۆشانی شەكرەدا، ئەگەری تووشبوون بە ئاوی سپی لە چاوەكاندا زیاد دەكەن، ئازارەكانی جومگە لە تووشبووان بە رۆماتییزم زیاد دەكەن، پەیدابوونی ویزە ویز و هەناسەتەنگی لە نەخۆشانی رەبودا. بیبەری شیرین گەلێك لەم نیشانانە كەم دەكاتەوە یان سووكیان دەكات. خواردنی بیبەری شیرین كۆئەندامی دڵ و سووڕان لە نەخۆشی دەپارێزێت چونكە فۆلیك ئەسید و ڤیتامین B6 لەخۆدەگرێت كە گرنگن بۆ دابەزاندنی رێژەی مادەی هۆمۆسیستین Homocysteine بەوەی كە ئەم مادەیە زیانبەخشە دەگۆڕن بۆ مادەیەكی سوودبەخش، ئەم مادەیە زیان بە خوێنبەرەكان دەگەیەنێ و ئەگەری نۆرەی دڵ و جەڵتەی مێشك زیاد دەكات. بیبەری شیرین ریشاڵی تێدایە كە یارمەتی دابەزاندنی ئاستی كۆلیستیرۆلی خوێن دەدات، كۆلیستیرۆلیش مەترسییەكی ترە بۆ تووشبوون بە نۆرەی دڵ و جەلتەی مێشك. هەروەها بیبەر بە ڤیتامینەكانی C و بیتا كارۆرتین و فۆلیك ئەسیدەوە، قۆڵۆن لە تووشبوون بە شێرپەنجە دەپارێزێت. بیبەری شیرینی سوور مادەی لایكۆپین Lycopene لەخۆدەگرێت كە رۆڵێكی گەورەی هەیە لە پاراستنی گلاندی پرۆستات لە شێرپەنجە، هەروەها رۆڵی هەیە بۆ خۆپاراستن لە چەند جۆرێكی دیكەی شێرپەنجە وەكو شێرپەنجەی ملی منداڵدان،پەنكریاس، میزڵدان. بیبەریی شیرین سوودی تەندروستی تریشی هەیە وەكو: باشتركردنی تەندروستی كۆئەندامی هەناسە بە پاراستنی ناوپۆشی بۆڕییەكانی هەناسە، پاراستنی جومگەكان لە هەوكردنی رۆماتیزمی، پاراستنی چاوەكان لە گۆڕانەكانی پەیوەست بە تەمەن.
gulan

ماسییش وەرزش دەكات

كاتێك دەگوترێت گیانداری ماسی بە یەكێك لە زیرەكترین گیاندارەكانی ناو ئاو دادەنرێ، زۆر جار ئەو تێڕوانینە بە هەڵە دادەنرا، ئەمەش بەهۆی ئەوەی سووری خوێنی ماسی پێچەوانەی گیاندارەكانی دیكەیە.

دوای ئەوەی لەلایەن گەنجێكی قوتابی لە وڵاتی (بەریتانیا)، توانی ماسییەكان بە سەیرترین رێگا راهێنان بكات بۆ ئەوەی خاوەن مێشكێكی تەواو بێ.
راهێنانی (ریتشارد) لەسەر وەرزش كردنی ماسییەكان بوو، توانی ماسییەك فێری یاری باسكە و تۆپی پێ و هۆكی بكات، دواتریش وێنەی ماسییەكە گیرا لە كاتی وەرزش كردنەكە و بەمەش سەلماندی ماسی خاوەن مێشكێكی بەهێزە.
gulan

كورسیەك لە درەخت

بەهرە سەیرەكان لە حاڵەتە جوانەكان دەردەكەون، لەگەڵ ئەو رێگەیانەی بۆ ئەو كارە جوانانە ئامادە دەكرێن، رەنگە لە هەندێك حاڵەتدا كارەكان بە رێگەی كاری دەست ئەنجام بدرێ، وەك ئەو كارە دەستیانەی لەلایەن كەسە بە بەهرەكان ئامادە دەكرێت.

ئەوەی دەیبینن یەكێكە لە س ەیرترین كورسییەكان، یان سەیرترین دار! شێوەی ئەو دارە لەسەر شێوەی كورسی دەركەوتووە، مرۆڤ دەتوانێ لەسەری دانیشێت، بیرۆكەی ئەو كارە لەلایەن (جۆزیف) بوو، ئەوەی لە وێنەكە دەردەكەوێ، لەسەرەتای روواندنی دارەكە، چەند بۆڕییەكی هێنا و لە شێوەی كورسی بوو، بەم جۆرە دارەكە لە نێو بۆڕییەكان رواوە و دواتر بۆڕییەكان شكێنراوە و بۆتە كورسی.

gulan-

بەپێ سەر كەوتن بە سەر جەستەی منداڵ، بۆ چاره‌سه‌ری نه‌خۆشی

نەریەت و لایەنە تایبەتەكان بە هەر نەتەوە و هۆزێك جیاوازی هەیە لەگەڵ ئەوانەی دیكەدا، ئەمەش بەپێ هەر لایەنێك بەخۆیەوە دەوەستێت. لەلای هۆزێك لە هەرێمێك لە وڵاتی (هیندستان)، بیر و بۆچوونێك هەیە دەربارەی پیاوە پیرۆزەكانی ئەو هۆزە، كە پێ ئەو پیاوانە بە بەهرەیە و توانای چاككردنەوە و پێدانی تەندرووستی هەیە بۆ منداڵانی ئەو هۆزە.
رێگەی چاككردنەوە و چارەسەرییەكەش لە رێگەی بە پێ بەسەر كەوتنی جەستەی منداڵە بچووك و ناسكەكانە، بۆ ئەوەی لە ژێر پێ پیاوە پیر و گەورەكانی ئەو هۆزە چارەسەر و چاكببنەوە، ئەوەی سەیر بێ منداڵەكان هیچیان بەسەر نایێ لە كاتی سەركەوتنەكە.
gulan