[size=16]گفتوگۆی نێوان چرا و په‌پوله‌

چرا :
   
په‌پوله‌که‌م

ئه‌وه‌ له‌ کوێی ؟؟
 
وه‌کو وونی

له‌به‌رده‌رگای چاوه‌کانما ،

بۆ دوو دێڕم بۆ نانوسی ؟؟؟

مه‌گه‌ر ئه‌و خوایه‌ بزانێ
 
به‌قه‌د چه‌نێ بیرت ئه‌که‌م !!!
   
خۆت ئه‌زانی

ئه‌وساتانه‌ی
 
خۆت یان ووشه‌ت یان وێنه‌که‌ت

له‌من وونی

وا هه‌ست ئه‌که‌م چرا نیم و
 
بووم به‌ ماسی
 
چۆن پێویستم به‌ ئاوی حه‌یاته‌ بۆ ژین!!!!!
 
ئاوهایش بێ تۆ ،
 
ڕاوچییه‌کان

منیان هێناوه‌ بۆ زه‌مین

په‌پوله‌ :

من دڵم بانگت ئه‌کات و

چاوه‌کانم چاوه‌ڕوانه!

من عه‌شقم داوات ئه‌کات و

هه‌ناسه‌یشم به‌فیداته‌ و

دڵ و ڕۆحم به‌ قوربانه‌ !!

چرا :
   
ئه‌وه‌ چییه‌

ئێستا زیاتر بیرت ئه‌که‌م ؟
 
بۆ وائه‌که‌ی ؟؟؟

با ئه‌م گڕه‌ زه‌رده‌ی دڵم خامۆش نه‌که‌م !!!!

ئه‌وه‌ بۆ ئه‌و هه‌موو دێڕه‌
 
پڕ له‌ عه‌شق و بۆنخۆشانه‌م بۆ ده‌نووسی ؟؟؟؟

بۆچی جارێ به‌هێمنی
 
بۆ دیده‌نیم ده‌رناکه‌وی ؟

قه‌ت ئه‌وه‌نده‌
 
چاوه‌ڕوانی هیچ که‌سێکم نه‌کردووه !!‌
 
هه‌زاران په‌پوله‌ هاتن
 
خۆیان به‌ بلوری ده‌وری

گڕی ژینما هه‌ڵده‌واسی ،
 
به‌ڵام به‌خوا
 
هیچ کامیانم نه‌ دوانو
 
قسه‌م له‌گه‌ڵ هیچ که‌سێکدا نه‌کردووه .
 
تۆ تاقانه‌ی
 
که‌ هاتیت و منت ناسی .

په‌پوله‌ :
   
ئاخر چیی بکه‌م ؟
 
که‌ ده‌ست و پێم

له‌ کۆتو زنجیر ئاڵاوه .

وه‌کو چۆن ووشه‌کانی من
 
به‌ناو جوانییتدا بڵاوه .‌

خۆ مه‌سکه‌نی ئه‌به‌دیی من

هه‌ر ماڵی تۆم بڕیار داوه !!
   
ئیتر چیبکه‌م ؟
 
که‌ ناتوانم

هه‌رچیی ده‌رگایه‌‌ داخراوه . .

چرا :
‌
ئه‌وه‌ چییه‌ په‌پوله‌که‌م

بۆ وائه‌که‌ی ؟؟
 
بۆ حه‌زه‌که‌ی خه‌مبارم که‌ی ؟

چۆن دڵت دێ

من بێشه‌وق و
 
بێمیوان و

بێکه‌سم که‌ی ؟؟؟
 
خۆ من هه‌ر چاوه‌ڕێت ده‌که‌م
 
تازه‌ بڕیارێکم داوه‌

شه‌ڕ له‌گه‌ڵ
 
تاریکی شه‌وو

شه‌ڕ له‌گه‌ڵ

ڕه‌شه‌با ده‌که‌م .
 
به‌ڵام با بێهیوا نه‌بم
 
نه‌کا به‌شی عه‌شقت نه‌که‌م .
   
تاقانه‌ی ناو دڵی گه‌رمم
 
ئه‌وه‌ چییه‌ ؟
 
شاعیرانه‌ بۆم ده‌نووسی
 
له‌ کام قوتابخانه‌ فێربووی ؟؟
 
وا خه‌ریکه‌ من ده‌بمه‌ باڵدارێک و

بۆ لای تۆ ئاسمان ده‌شکێنم .

هه‌تا بێم و وه‌ک خوێندکارێ

له‌ عه‌شقی تۆدا بخوێنم .

په‌پوله‌ :
   
ئه‌وه‌ چرایه‌ واده‌کات
 
به‌رده‌می خۆم
 
به‌ ڕووناکی ببینم و گوڵ بچێنم
 
هه‌تاکو تۆ

له‌م باخه‌دا

پشوویه‌کی ئه‌به‌دیی به‌ی ،

تا تێکه‌ڵ ئه‌بی به‌خوێنم ..

چرا :
   
ئه‌ی دڵه‌که‌م ....
 
بۆچی باسی پاکیزه‌یی و جوانییه‌کانی خۆت ناکه‌ی ؟؟؟؟؟

مه‌گه‌ر ته‌نها من بزانم
 
ئه‌و خوێنه‌ی پێی تێکه‌ڵ ئه‌بم
 
چه‌نده‌ بێگه‌رد و شیرینه !!!!!!!![/size]

هێمن ڕه‌ئووف

[size=24][center]ئاگر

خـۆشه‌ويستيت ئــاگــرێکه‌والـه‌سینه‌م بـــــــه‌ربـــــــووه‌
لـه‌لايه‌ك وادڵ ده‌سووتێێ له‌لايه‌ک جه‌رگم ده‌ربووه‌

كــوا ده‌ڵێن ئاگرلـــــــــه‌دۆزه‌خ بۆکــــــــه‌سی بێ باوه‌ڕه‌
بـۆچی لێره‌ من ده‌سووتێم خــــــــۆباوه‌ڕم هـــــــه‌ربووه‌

ئـاگـرێک بێ هــــــــــه‌رلـــــه‌تۆبێ بۆمنی وێرانه‌ ماڵ
بــابه‌خــــــێر بێ ئــــه‌وئاگـــــــره‌ میوانی وا هه‌ربووه‌

ئـــاگريش بێ داده‌مـــرکێ کاتێ بـــــــاران بێ گڕی
منی ئاشق وه‌ها دیاره‌ ئاگر لــــــــه‌ ئه‌شکم به‌ربووه‌ ‌

پێی بڵێ با نه‌مسووتێنێ ئاگری لێوو چــــــــاوه‌که‌ت
تـۆ بڕۆ پێیان بفــه‌رمـوو هــــــه‌رزوو تۆبـه‌م كـــــردووه‌

تۆله‌لايه‌ك بمسووتێنی من له‌لايه‌ك بتپه‌رستم چۆن ده‌بی !
گه‌ر تۆ تۆزێک دڵ نـه‌گۆڕی ناگه‌ن به‌ يه‌كتر ئـــــــه‌م دووه‌

هۆنراوه‌ی شاڵاو [/center][/size]