[center]
كۆمپانیای‌ (فۆكسكۆن) كه‌ ئامێره‌كان بۆ گه‌وره‌ترین كۆمپانیا ته‌كنۆلۆژییه‌كانی‌ جیهان دروست ده‌كات، وه‌ك (ئه‌پڵ‌و نینتندوو سۆنی‌ ئێچ پی‌)، ناوی لێنرا كۆمپانیای‌ مردن، ئه‌وه‌ش به‌هۆی‌ به‌رزبوونه‌وه‌ی‌ ژماره‌ی‌ ئه‌و كرێكارانه‌ی‌، خۆیان ده‌كوژن له‌ڕێی‌ خۆفڕێدانه‌ خواره‌وه‌ له‌سه‌ربانی‌ كۆمپانیاكه‌وه‌.

به‌تێكڕا كرێكارانی‌ ئه‌و كۆمپانیایه‌، 35 كاتژمێر كارده‌كه‌ن به‌ 31 سه‌نت بۆ كاتژمێرێك، به‌هۆی‌ ئه‌و كاته‌ زۆره‌ی‌ كاركردن‌و كه‌میی‌ كرێوه‌، زۆربه‌ی‌ كرێكاره‌كان تووشی‌ خه‌مۆكی‌ ده‌بن‌و په‌نا بۆ خۆكوشتن ده‌به‌ن.

له‌م دواییانه‌شدا به‌هۆی‌ سه‌ركه‌وتنی‌ ئایفۆن‌و ئایپاده‌وه‌، داوایه‌كی‌ زۆر له‌سه‌ر ئه‌م كۆمپانیایه‌ هه‌بوو بۆ دروستكردنی‌ پارچه‌، به‌و هۆیه‌شه‌وه‌ په‌ستانی‌ زۆر كه‌وته‌ سه‌ر كرێكاره‌كان‌و ڕێژه‌ی‌ خۆكوشتنی‌ كرێكاره‌كانیش به‌رزبوونه‌وه‌ی‌ به‌خۆیه‌وه‌ دی‌، به‌شێوه‌یه‌ك كه‌ ته‌نها له‌ساڵی‌ 2010دا (18) كرێكار له‌سه‌ربانی‌ كۆمپانیاكه‌وه‌ خۆیان خستووه‌ته‌ خواره‌وه‌، (14) له‌وانه‌ش مردوون.

به‌هۆی‌ به‌رزبوونه‌وه‌ی‌ ڕێژه‌ی‌ خۆكوشتن له‌م كۆمپانیادا، كۆمپانیاكه‌ له‌بری‌ چاكردنی‌ گوزه‌رانی‌ كرێكاره‌كان، هه‌ستا به‌به‌ستنی‌ كۆمه‌ڵێك تۆڕ به‌چوارده‌وری‌ كۆمپانیاكه‌دا، بۆ ئه‌وه‌ی‌ ئه‌گه‌ر كرێكاره‌كان خۆیان فڕێدایه‌ خواره‌وه‌، نه‌مرن‌و كێشه‌ بۆ كۆمپانیاكه‌ دروست نه‌كه‌ن[/center]

[center][size=16]قال اللە تعالی: ((وهم يصطرخون فيها ربنا أخرجنا نعمل صالحا غير الذي كنا نعمل))

* ئەو کەسانەی کە دەچنە ناو ئاگری دۆزەخ و پەشیمانن لەو کارانەی کە لە دونیادا کردویانەو داوا لە خودا دەکەن بیان گێڕێتەوە بۆ دونیا و بەڵێن دەدەن هەموو کارێکی باش ئەنجام بدەن نەک وەک ئەو کارانەی لە پێشودا دەیان کرد، بەڵام لە ڕۆژی دوایی گەڕانەوە و پەشیمانی دادیان نادات!!!

خوا لە گوناهمان خۆش بێت و لەو جۆرە کەسانە دورمان بخات... انشا الله...[/size][/center]