(ئاكانیوز)- لە یارییەكی هەڤاڵینی و ئامادەكاریدا یانەی تۆپی پێی هەولێر سەركەوتنێكی گەورەی بەسەر یانەی عومال تۆمار كرد و بەئەنجامی 8-1 گۆڵ لێی بردەوە، هەروەها یانەكە بەنیازە گرێبەست لەگەڵ هاشم خەمیسی راهێنەری گۆڵپارێزیش ئیمزا بكا.

یاریی نێوان هەولێر و عومال كە یانەیەكی شاری مووسڵە، دوێنێ ئێوارە لە یاریگەی فرەنسۆ هەریری لە شاری هەولێر هاتە ئەنجامدان و تێیدا هەولێرییەكان بەئەنجامی 8-1 گۆڵ یارییەكەیان بردەوە.

یاریكەرانی هەولێر ئاستێكی بەرزیان پێشكێش كرد، بەتایبەتی لە گێمی دووەمدا كە توانیان 6 گۆڵ تۆمار بكەن، پاش ئەوەی گێمی یەكەم بە 2-1 گۆڵ تەواو بوو.

یارییەكە بەمەبەستی ئامادەكاریی هەردوو یانە بوو بۆ یارییەكانی داهاتوویان لە خولی عێراقدا، بەتایبەتی یانەی عومال كە خۆی بۆ خولی پلە نایاب ئامادە دەكا.

لای خۆیەوە سامان بریفكانی بەرپرسی راگەیاندنی یانەی هەولێر بە ئاژانسی كوردستان بۆ دەنگوباس (ئاكانیوز)ی راگەیاند، دوای ئەوەی چەند یارییەكی یانەی هەولێر لە خولی بژاردەی عێراقدا تووشی دواخستن بوو، چوارشەمی داهاتوو لە گەڕی هەشتەمی خولی بژاردەی عێراق لە یاریگەی فرەنسۆ هەریری مێوانداریی یانەی شورتە دەكا.

یانەی هەولێر 3 یاریی دواخراوی هەیە و 4 یاریی ئەنجام داوە، ئێستە 10 خاڵی لەم وەرزەی خولی بژاردەی عێراقدا هەیە و لە پلەی حەوتەمی ریزبەندییەكەیە.

یارییەكانی یانەی هەولێر بەهۆی پێوەندیكردنی چەند یاریكەرێكی تیپەكە بەهەڵبژاردەی عێراقەوە بەبڕیاری یەكەتیی تۆپی پێی عێراق دوا خراون.

بریفكانی گوتی، هاشم خەمیس گۆڵپارێزی پێشووی هەڵبژاردەی عێراق و راهێنەرێكی گۆڵپارێزانی یانەی قوەی جەوییە، دوێنێ ئێوارە گەیشتە هەولێر بەمەبەستی رێككەوتن لەگەڵ یانەی هەولێر بۆ وەرگرتنی پۆستی راهێنەری گۆڵپارێزانی یانەكەمان.

زیاتر گوتی، پێشتر گفتوگۆ لە نێوان یانەی هەولێر و ئەو راهێنەرە هاتبووە ئەنجامدان، بەڵام هەردوولا نەگەیشتنە هیچ ئەنجامێك دوای ئەوەی راهێنەر بڕە پارەیەكی زۆری داوا كردبوو، بەڵام ئێستا هەردوولا لە ئیمزاكردنی گرێبەستێك نێزیك بوونەتەوە.

دوای شكستی یانەی هەولێر لە قۆناغی پێش كۆتای جامی یەكەتیی یانەكانی ئاسیای وەرزی رابردوو، عیماد هاشم راهێنەری گۆڵپارێزانی یانەی هەولێر دەستی لە كار كێشایەوە، ئەمەش بەهۆی ئەوەی دەستەی كارگێڕیی یانەی هەولێر دەرچوونی یانەی هەولێریان لە یاریی پێش كۆتای پاڵەوانیەتییەكەدا بەرامبەر یانەی كوێتی كوێتی بۆ ئاستنزمیی گۆڵپارێز محەمەد گاسد گەڕاندەوە، لەبەر ئەمە عیماد هاشم دەستی لە كار كێشایەوە، كە دواتر محەممەد گاسدیش گرێبەستەكەی لەگەڵ هەولێر هەڵوەشێندرایەوە، لەو كاتەوە هەر سێ گۆڵپارێزی یانەی هەولێر سەرهەنگ، موحسین، دیدار حامید و نەریمان خدر بەبێ راهێنەر مەشقەكانی خۆیان ئەنجام دەدەن.

سامان بریفكانی ئاماژەی بەوەش دا چاوەڕوان دەكرێ دەستەی كارگێڕیی یانەی هەولێر و راهێنەر هاشم خەمیس شەمووی داهاتوو بەمەبەستی ئیمزاكردنی گرێبەستێك كۆ ببنەوە.

یانەی هەولێر خاوەنی 3 ناسناوی خولی بژاردەی تۆپی پێی عێراقە و ئەم وەرزەش بەهەموو هێزێكی هەوڵی ئەوە دەدا جارێكی تر ئەو ناسناوە بەدەست بێنێ، هاوكات یانەكە لە ساڵی نوێدا بەشداریی پاڵەوانیەتیی جامی یەكەتیی یانەكانی ئاسیا دەكا و وەرزی رابردووش لە قۆناغی پێش كۆتادا بەیانەی كوێتی كوێتی دۆڕا.

(PNA) - تەلیسكۆبێكی سەر بە ئاژانسی ناسای ئەمەریكی توانی هەسارەیەكی هاوشێوەی هەسارەی زەوی بدۆزێتەوە كە لێكچوونی لە زەوی لە هەموو هەسارەیەكی تر زیاترە بە شێوەیەك كە پێشبینی دەكرێ ئەو هەسارە نوێیە لە داهاتوودا ببێتە زەوی دووەمی مرۆڤ.
هەسارەی كبلەر 22 بی كە تەلیسكۆبی كبلەر دۆزیویەتییەوە ئاو و سەوزایی لەسەرە و ناوەندی پلەی گەرمای 22 پلەی سەدییە، هەروەها رووپۆشێكی گەردوونی چواردەوری هەسارەكەی گرتووە، بەڵام جمكەكەی زەوی 600 ساڵی تیشكی لە زەوییەوە دوورە.
هەسارە نوێیەكە كە درێژایی ساڵێكی 290 رۆژە بەر لە دوو ساڵ هەستی پێكراوە و زاناكانی ئاژانسی گەردوونناسی ئەمەریكا (ناسا) دەڵێن ئەو هەسارەیە شیاوترین شوێنە بۆ ژیانی مرۆڤ تا ئێستا دۆزرابێتەوە.
لە بنەما سەرەكییەكانی هەر هەسارەیەك بۆ ئەوەی بۆ ژیانی مرۆڤ بگونجێت ئەوەیە كە لە هەسارەی سەرەكیی خۆیەوە دوورییەكی گونجاوی هەبێت، بە شێوەیەك سەرما و گەرمای گونجاو بێت بۆ مرۆڤ.
بیل بۆرۆكی لە سەنتەری ئەیمس بۆ توێژینەوەكانی ناسا گوتی دۆزینەوە نوێیەكان دووپاتی دەكەنەوە كە هەسارەی كلیبەر 22 بی هەسارەیەكی گونجاوە بۆ ژیان.
هەروەها گوتیان دڵنیاین لەوەی هەسارەكە دەكەوێتە جێگەیەكەوە پێوانەكانی ژیانی ئاسایی تێدایە و پلەی گەرمای سەر رووی خۆشە.
تا ئێستا تەنیا 3 هەسارە لە دەرەوەی كۆمەڵەی خۆر دۆزراونەتەوە كە زاناكان دەڵێن مرۆڤ دەتوانێ لە داهاتوودا بۆ ژیان لەسەریان بەكاریان بهێنێت.
گەردوونناسە فەرەنسییەكان لە ئایابی رابردوودا هەسارەی گلیس 581 دییان دۆزییەوە كە تەنیا 20 ساڵی تیشكی لە زەوییەوە دوورە و هاوشێوەی زەوییە و سەر بە كۆمەڵەیەكە لە6 هەسارە پێكهاتووە.
لە ئابی رابردووشدا تیمێكی گەردوونناسی سویسری توانییان هەسارەیەك بدۆزنەوە بە ناوی ئێچ دی 85512 كە 36 ساڵی تیشكی لە زەوییەوە دوورە و پێدەچێ بۆ ژیان گونجاو بێت.

(ئاكانیوز) ـ یانەى هەولێر كاروانى یارییەكانى جامی یەكەتیی ئاسیا لە یاریگەى فرەنسۆ هەریری لە هەولێر دەست پێ دەكا و لە دەسپێكی پاڵەوانیەتییەكەدا مێوانداریی یانەى كازمەى كوێتی دەكا.

یانەى هەولێرى دووەمى وەرزی رابردووى عێراق لە سێیەم بەشداركری لەو پاڵەوانیەتییەدا لە كۆمەڵەى دووەم، شانبەشانى یانەكانى كازمەی كوێت، ئیست بەنگالی هیندستان، عرووبەى عومانى یاری دەكا.

یانەى تۆپی پێی هەولێر دەسپێكی یارییەكانى خۆى لەو پاڵەوانیەتییەدا لە 6ى ئادار/مارسی داهاتوو بەمێوانداریكردنى یانەى كازمەى كوێتی لە یاریگەى فرەنسۆ هەریری دەست پێ دەكا.

هەروەها لە یاریی دووەمیدا لە 20ى هەمان مانگ لە یاریگەى عەلی موحسین لە یەمەن رووبەڕووی یانەى عرووبە دەبێتەوە، پاشان لە 4ى نیسان/ئەپریلی 2012 لە هیندستان لە یاریگەى ست لاكى دەبێتە مێوانى یانەى ئیست بەنگالی هیندستانى.

لە یارییەكانى گەڕانەوەدا لە12ى نیسان/ئەپریلی داهاتوو لە یاریگەى فرەنسۆ هەریری مێوانداری یانەى ئیست بەنگالی هیندستانى دەكات، رۆژى 20ى هەمان مانگ بەرەو كوێت گەشت دەكا و لە یاریگەى یانەى كازمە دەبێتە مێوانى خاوەن یاریگە.

دوایین یاریی یانەى هەولێر 9ى حوزەیران/مایۆى 2012 دەبێ لە یاریگەى فرەنسۆ هەریری مێوانداری یانەى عرووبەى یەمەنی دەكا.

دەوترێ یەكەم و دووەمى هەر كۆمەڵەیەك لە 8 كۆمەڵەكانى پاڵەوانیەتیی یەكەتیی ئاسیا بۆ قۆناخى 16 سەردەكەون.

ساڵی رابردوو یانەى هەولێر لە قۆناخى پێش كۆتاى پاش دۆڕاندنى بەرامبەر یانەى كوێت دەركرا.

[size=16]چۆن بتوانم ناوه‌كه‌م له‌ فه‌یس بووك بگۆرم دواى ئه‌وه‌ى كه‌ش شه‌س جار ناوه‌كه‌م گۆریوه‌ ته‌نها ده‌توانم ئه‌و ناوانه‌ دابنێمه‌وه‌ كه‌ پێشتر دامناون[/size]

[size=16]حەق‌و مافی بەندەكان لای خوای پەروەردگار زۆر گەورە ‌و گرانە، زۆر جار بە تەوبەكردن حەق‌و مافی خودای لەسەر ئینسان لادەچێت‌و تاوانەكەی لە ئەستۆ دەردەچێ، بەڵام حەق‌و مافی خەڵكی هیچ ڕێگە چارەیەك‌و دەروازەیەك نی یە بۆ ڕزگاربوون لێ ی تەنها گێڕانەوەی حەق‌و مافەكەی نەبێ، بۆیە پێویستە كەمتەرخەمی نەكرێ لە دانەوەی مافی خەڵكی پێش ئەوەی ڕۆژێك بێتەپێش كە بەدینارو درهەم نادرێتەوەو چارەسەری ناكرێ‌، بەڵكو بە چاكەو خراپە حەق‌و ماف دەدرێتەوە.
خوای گەورە دەفەرمووێ: [ إِنَّ اللَّهَ يَأْمُرُكُمْ أَنْ تُؤَدُّوا الأَمَانَاتِ إِلَى أَهْلِهَا]  النساء: ٥٨.واتە: « خودا فەرمانی پێتان كردووە كە هەموو ئەمانەت و سپاردەیەك بدەنەوە دەستی خاوەنەكانیان ».
جا یەكێك لەو كارانەی لە ناو كۆمەڵگادا بڵاوە بە ئاسان زانینی قەرزكردنە، وە هەندێ كەس قەرز ناكەن لە بەر پێویستی ومحتاجی، بەڵكو خۆیان قەرزاربار دەكەن بۆ شتی سادە، چونكە حەزی بەگەورە كردن و فراوان كردنی ماڵەو حەزی بە مونافەسەكردنی خەڵكانی ترە لە تازەكردنەوەی سەیارە‌ و خانوو ماڵ ‌و، خۆی قەرزاربار دەكات بۆ كەرەستە لەناوچووەكانی دونیا‌و خۆشی یە بڕاوەكانی ئەم ژیانە، وە زۆر كەس دەكەوێتە ناو كڕین‌و فرۆشتنی قیستەوە كە زۆرێك لەوكڕین و فرۆشتنانەی خاڵی نی یە لەحەرام‌و شوبهەی تێدایە.
كەم تەرخەمی كردن لە دانەوەی قەرزو گوێ پێ نەدانی سەردەكێشێ بۆ دواخستنی دانەوەی‌و دەستی بەدەستی پێ كردنی خاوەن قەرز یان پەل دەكێشێ بۆ فەوتاندن ‌و لەناوبردنی ماڵی خەڵكی‌و لەكیس دانی.
وە پێغەمبەر صلى الله عليه وسلم ووریایی داوە لە پاشە ڕۆژی ئەم كارە‌و دەفەرمووێ:«  مَنْ أَخَذَ أَمْوَالَ النَّاسِ يُڕيدُ أَدَاءَهَا أَدَّى اللَّهُ عَنْهُ وَمَنْ أَخَذَ يُڕيدُ إِتْلَافَهَا أَتْلَفَهُ اللَّهُ ». رواه البخاري انظر فتح الباري 5/54.
واتە: « هەركەسێ قەرز بكات لە خەڵكی‌و نیەتی دانەوەی هەبێ، ئەوا خودا بۆی دەداتەوەو كاری بۆ ئاسان دەكات، وە هەركەس قەرز بكات‌و مەبەستی خواردنی بێ‌و نەیداتەوە، ئەوا خوای پەروەردگار ماڵەكەی لەناو دەبات »
خەڵكی زۆر كەم تەرخەمن دەربارەی قەرزكردن‌و دانەوەی‌و بە شتێكی سادەو ساكاری دادەنێن‌و گوێ ی پێ نادەن، بەڵام لەلای خوای گەورە كارێكی زۆر قورس وگرانە، تەنانەت شەهید لەگەڵ ئەو تابیەتمەندیە گەورەیەو ئەو پاداشتە زۆر فراوان‌و پلەو پایە بەرزەی كەپێی دراوە، بەڵام ڕزگاری نابێ لەو قەرزەی وا لە گەردنیەتی.
بەڵگە بۆ ئەمەش پێغەمبەر صلى الله عليه وسلم دەفەرمووێ:«وَالَّذِي نَفْسِي بِيَدِهِ لَوْ أَنَّ رَجُلًا قُتِلَ فِي سَبِيلِ اللَّهِ ثُمَّ أُحْيِيَ ثُمَّ قُتِلَ ثُمَّ أُحْيِيَ ثُمَّ قُتِلَ وَعَلَيْهِ دَيْنٌ مَا دَخَلَ الْجَنَّةَ حَتَّى يُقْضَى عَنْهُ دَيْنُهُ». رواه النسائي انظر المجتبى 7/314 وهو في صحيح الجامع 3594         
واتە: «سوێندبێ بەو خودایەی كە گیانی منی بەدەستە ئەگەر پیاوێك لەپێناوی خودا شەهیدبێ، پاشان زیندو بكرێتەوە پاشان شەهید بێ، پاشان زیندو بكرێتەوەو پاشان شەهید بێ، قەرزی لەسەربێ، ئەوا ناچێتە بەهەشتەوە هەتا قەرزەكەی بۆ نەدرێتەوە»
ئایا ئەو كەسانەی گوێ‌ بەقەرز كردن‌و قەرز دانەوە نادەن دوای بیستنی ئەمەش دەست بەردار نابن‌و بەخۆیاندا ناچنەوە‌و پەشیمان نابنەوەو ناگەڕێنەوە؟!!
[/size]

[size=24]ba8.org[/size]

(ئاكانیوز)- جێگری دووەمی سەرۆكی یەكەتیی تۆپی پێی عێراق ئەمڕۆ پێنجشەم ناوی شاندی هەڵبژاردەی عێراقی راگەیاند بۆ بەشداریكردن لە خولی یارییەكانی عەرەبی كە بڕیارە 9ی ئەم مانگە لە قەتەر بێتە ئەنجامدان.

شەڕار حەیدەر بە ئاژانسی كوردستان بۆ دەنگوباس (ئاكانیوز)ی راگەیاند، شاندی هەڵبژاردەی عێراق پێك هاتوون لە عەبدولخالق مەسعوود سەرۆكی شاند، ئیبراهیم قاسم جێگری سەرۆك، زیكۆ راهێنەر، عەبدولكەریم ناعیم راهێنەری گۆڵپارێز، سەنتانا راهێنەری توانای جەستەی و ریاز عەبد عەباس بەڕێوەبەری تیپ.

زیاتر گوتی، یاریكەرانی هەڵبژاردەكە برێتین لە محەمەد گاسد، جەلال حەسەن، نور سەبری، سەعد عەتییە، عەلی حوسێن رەحیمە، ئەحمەد ئیبراهیم، حوسام كازم، ساماڵ سەعید، سامر سەعید، فەرید مەجید، موسەنا خالید، مەهدی كەریم، ئەمیر سەباح، سەعد عەبدولئەمیر، كەڕار جاسم، ئەحمەد ئەیاد، ئەمجەد رازی، عەلا عەبدولزەهرە، مستەفا ئەحمەد، لوئەی سەڵاح، ساڵح سەدیر، ئیبراهیم كامل، نەبیل سەباح و زرغام ئیسماعیل.

حەیدەر گوتی، زیكۆی راهێنەری هەڵبژاردەی عێراق سبەی هەینی دەگاتە دۆحەی پایەتەختی قەتەر بۆ وەرگرتنەوەی ئەركەكەی و ئەنجامدانی كەمپێكی مەشقی كورت پێش دەستپێكردنی كێبەركێكانی خولی یارییەكانی عەرەبی.

پتر گوتی، شاندی هەڵبژاردەی تۆپی پێی عێراق یەكشەمی داهاتوو دەگاتە دۆحە، ئاماژەی دا دوای كشانەوەی هەڵبژاردەی سووریا لە خولەكە، هەڵبژاردەی عێراق تەنیا بەرامبەر بەحرێن و قەتەر یاریی دەكا، لە 13ی ئەم مانگە لە یاریگەی سەد بەرامبەر بەحرێن و 16ی هەمان مانگیش بەرامبەر قەتەر یاریی دەكا.

بڕیار بوو هەڵبژاردەی عێراق لە یەكەم یارییدا لە 10ی ئەم مانگە رووبەڕووی هەڵبژاردەی سووریا ببێتەوە، بەڵام هەڵبژاردەی سووریا بەهۆی كێشەكانی ئەم دواییەی وڵاتەكەی لە پاڵەوانیەتییەكە كشایەوە.