[size=16]
(یاریگا.نێت)–له‌ میانه‌ی یارییه‌كانی ڕۆژی یه‌كه‌می پاڵه‌وانیه‌تی یاریگای ئیمارات كه‌ له‌ شاری له‌نده‌ن و له‌سه‌ر یاریگای ئیماراتزـی تایبه‌ت به‌ یانه‌ی ئه‌ڕسینال ئه‌نجام ده‌درێت دوو یاری ئه‌نجام دران و هه‌ردووكی به‌ ئه‌نجامی یه‌كسان بوون به‌ كۆتا هات.
له‌ یاری یه‌كه‌مدا یانه‌ی سێلتێك ـی سكۆتله‌ندی ڕووبه‌ڕووی یانه‌ی ئۆلۆمپیك لیۆنی فه‌ڕه‌نسی بوه‌وه‌ و یارییه‌كه‌ ئه‌نجامی 2-2 به‌ كۆتا هات.

یانه‌ی لیۆن توانی سه‌ره‌تا دوو گۆڵی یارییه‌كه‌ له‌ هه‌ردوو خووله‌كی 28 و 54 له‌ ڕێگه‌ی یاریزانان میشێل باستۆس و هاری نۆڤیلۆ تۆمار بكات به‌ر له‌وه‌ی له‌ دوا 10 خووله‌كی یارییه‌كه‌ یانه‌ی سێلتێك دوو گۆڵ تۆمار بكات له‌ ڕێگه‌ی هه‌ردوو یاریزانان گاری هۆبێر و جۆرجیسۆ ساماراس.

له‌ یارییه‌كی تری هه‌مان پاڵه‌وانیه‌تی یانه‌ی ئه‌ڕسینال یه‌كسان بوو به‌ به‌رامبه‌ر یانه‌ی ئه‌یسی میلانی ئیتاڵی به‌ ئه‌نجامی گۆڵێك بۆ هه‌ردوولا.

له‌ سه‌ره‌تا ئه‌ستێره‌ی تازه‌ی یانه‌ی گه‌نه‌ڕز مه‌روان شه‌ماخ توانی گۆڵی یه‌كه‌می یانه‌كه‌ی تۆمار بكات به‌ڵام دواتر ئه‌ستێره‌ ئه‌لیكسه‌ندێر پاتۆ دوای دابڕانێكی زۆر له‌ یاریگاییه‌كان توانی گۆڵی یه‌كسان بوون تۆمار بكات و گشت لایه‌ك هاوسه‌نگ بكات له‌ پاڵه‌وانیه‌تیه‌كه‌.[/size]

ئیتاڵیا(لاگازێتا دێللۆ سپۆرت)

سێزاری پراندلی ڕاهێنه‌ری تازه‌ ده‌ستبه‌کاربووی هه‌ڵبژارده‌ی ئیتاڵیا لیستی یاریزانانی نوێی هه‌ڵبژارده‌که‌ی ئاشکراکرد بۆ گازێتا دێللۆ سپۆرت.له‌ لیستی یاریزانه‌کاندا ئه‌نتۆنیۆ کاسانۆ جارێکی دیکه‌ ناو ده‌بینرێت و ماریۆ بالۆتێلی ـیش بۆ یه‌که‌مجار بانگهێشتی هه‌ڵبژارده‌ی یه‌که‌م ده‌کرێت.

پراندلی له‌چاوپێکه‌وتنێکدا له‌گه‌ڵ ڕۆژنامه‌ی لاگازێتا دێللۆ سپۆرت،ناوی ئه‌و یاریزانانه‌ی ئاشکراکرد که‌ له‌ئه‌جێندای وی هه‌ن و بۆ یاریی و پاڵه‌وانێتییه‌کانی داهاتوو،ته‌نها ئه‌و یاریزانانه‌ هه‌ڵده‌بژێرێت.

هه‌روه‌ها چه‌ند یاریزانێکی دیکه‌ش به‌هه‌مان شێوه‌ی له‌ لیستی ئه‌و 30 یاریزانه‌ی پراندلی ـیدا ده‌بینرێت،و ڤیچینزۆ یاکوینتا و ئه‌نتۆنیۆ دی ناتالی،ناویان له‌ لیسته‌که‌دا نییه‌.

ماریۆ بالۆتێللی،کریستیان لیدسیما و تیاگۆ مۆتا که‌هیچیان ئیتاڵی نه‌ژاد نین،ناویان له‌لیسته‌که‌دا هاتووه‌ که‌بۆ گازێتای ده‌ستنیشان کردووه‌.

ئه‌مه‌ش ناوی ئه‌و 30 یاریزانه‌:

گۆڵچییه‌کان:سالڤاتۆری سیریگو،ئیمیلیانۆ ڤیڤانۆ،مارکۆ ستۆراری،ئه‌نتۆنیۆ میرانتی

هێڵی به‌رگری:لیوناردۆ بۆنۆچی،جیۆرجیۆ چیلێنی،لوکا ئه‌نتۆنینی،کریستیان زاکاردۆ،ماتیا کاسانی،ئه‌لیساندرۆ گامبرینی،سالڤاتۆری بۆکێتی و کریستیان ماجیۆ

هێڵی ناوه‌ڕاست:تیاگۆ مۆتا،کریستیان لیدسیما،دانێلی گاڵۆپا،ئه‌ندریا پیرلۆ،دانێلی دی ڕۆسی،ڕیکاردۆ مۆنتۆلیڤۆ،کڵاودیۆ مارکیزیۆ،سیمۆنی پیپی و ئه‌نجیلۆ پاڵۆمبۆ

هێرشبه‌ران:ئه‌لبێرتۆ جێلاردینۆ،مارکۆ بۆریللیۆ،جیامپاولۆ پازینی،ئه‌نتۆنیۆ کاسانۆ،ماریۆ بالۆتێللی،جیۆسێپی ڕۆسی،فابیۆ کوالیارێلا،مارکۆ مارکیۆنی و ڕافاێلی پالادینۆ
یاریگا