خۆی له‌بۆ ڕاوچی ده‌كووژێ تاژی
تا كه‌رێ نه‌بێ، عاقڵێ ناژی

هه‌ڵه‌ چاوپۆشی لێ ده‌كرێ، به‌ڵام
جارێك و دوو جار، نه‌كو به‌رده‌وام

منه‌ت له‌م و له‌و مه‌كێشه‌ ده‌مچه‌وت!
پوڵ بده‌ و مه‌لا ده‌ركه‌ له‌ مزگه‌وت!

گێره‌ چۆن ده‌كرێ به‌ بزن، هه‌ژار؟
گاجووتی ده‌وێ و پیاوی كۆنه‌كار

پرس و ڕات نه‌بێ، ئیشت له‌ پاشه‌
سه‌ری بێده‌لاك نه‌تاشی باشه‌

كێ باسی خه‌ڵكی كرد به‌لاته‌وه‌
بۆ ئه‌وان قسه‌ی تۆش ئه‌باته‌وه‌!

قه‌ت مه‌ڵێ بوومان، بێژه‌ هه‌مانه‌!
نان ئه‌و نانه‌یه‌ ئه‌مڕۆ له‌ خوانه‌

قه‌ل ئه‌ڵێن لاسای كه‌وی كرده‌وه‌
ڕۆینه‌كه‌ی خۆیشی له‌بیر برده‌وه‌

خۆشباوه‌ڕ نه‌بی به‌و حه‌دده‌ چاكه‌
ئه‌و هه‌ویره‌ ئاو زۆر ده‌با كاكه‌!

به‌س له‌مه‌ زیاتر خۆت گێل و كه‌ڕ كه‌!
ئه‌و ماسته‌ بێ موو نییه‌، باوه‌ركه‌!

ئه‌وه‌ی له‌ پووشێك نه‌كۆڵێته‌وه‌
لۆده‌ كای به‌رن، ناپرسێته‌وه‌

سوور نه‌بی له‌سه‌ر وه‌عده‌ و به‌ڵێنی
گه‌نجی دونیات بێ، پووشێك ناهێنی

به‌و كه‌سه‌ ده‌كرێ بڕوا و مه‌تمانه‌
پابه‌ندی وه‌فاو عه‌هدو په‌یمانه‌

گه‌ر به‌ درۆزن ناوبانگت ڕۆیی
بێنرخی له‌لای بێگانه‌ و خۆیی

پیاو كارێك بكا كه‌ پێی بوه‌ستێ
دوو شوتی هه‌ڵناگیرێ به‌ ده‌ستێ

خۆت لێ نه‌گۆڕێ گه‌ر بوویته‌ گه‌وره‌!
مه‌شهوره‌ دنیا به‌ پێچ و ده‌وره‌

مه‌شهوره‌ بزن بۆ تاقه‌ شه‌وێ
جێگای خۆش ده‌كا له‌ كوێ وه‌ركه‌وێ

ناشكوری مه‌كه‌ به‌م به‌شه‌ كاكه‌
له‌ قوڕ ئه‌وه‌نده‌ تۆز هه‌ستێ چاكه‌

له‌ چاكه‌ی كه‌می زاڵم مه‌تۆره‌
موویه‌ك له‌ به‌راز بێته‌وه‌ زۆره‌

ئه‌و كه‌سه‌ی ڕاسته‌ و حیسابی پاكه‌
له‌ حیسابكێشان بێ ترس و باكه‌

مار خۆشی نه‌هات له‌ سیری بێعار
له‌به‌ر كونه‌كه‌ی شین ده‌بوو به‌ بار

كاكه‌ زۆر بۆلای خۆتی مه‌تاشه‌
نه‌ شیش بسووتێ، نه‌ كه‌باب باشه‌

برا وا چاكه‌ نه‌یكه‌یه‌ لایی
برامان برایی، كیسه‌مان جیایی

سه‌گ ئه‌گه‌ر نه‌مرێ له‌ قه‌سابخانه‌
لێی زایه‌ ده‌بێ ئه‌و عومره‌ جوانه‌

پشیلـه‌ ده‌می بۆ دووگ نه‌ده‌چوو
ده‌یگوت پێم ناخوری، چه‌ند سوێره‌ په‌ككو

ڕووبه‌ڕوو ده‌بی له‌گه‌ڵ ژینی تاڵ
چونكی به‌ خه‌یاڵ كه‌س نه‌بووه‌ به‌ ماڵ

شوێن بۆ سه‌ر پیشه‌ی خۆی ده‌چێته‌وه‌
گیا له‌سه‌ر پنجی خۆی ده‌ڕوێته‌وه‌

نانێ ڕۆژ په‌یدا بكه‌ و نانێ شه‌و
هه‌ڵمه‌گره‌ هه‌رگیز منه‌ت له‌م و له‌و

وا مه‌شهوره‌ شوان هه‌تا بخه‌وێ
مه‌ڕه‌كه‌ی زیاتر لێ دورر ئه‌وه‌وێ

ئه‌و ڕۆژه‌ هه‌ر دێ سه‌ركه‌وی له‌ كه‌ل
به‌و مه‌رجه‌ به‌جێ نه‌مێنی له‌ گه‌ل

سه‌رباری خه‌ڵكه‌ ته‌نبه‌ڵی بێخێر
ده‌ستی ماندووه‌ له‌سه‌ر زگی تێر

مریشك بۆخۆی وه‌سه‌ر نه‌كا خۆڵ
ناكری به‌ سه‌ریا به‌ هیچ شان و قۆڵ

ژووشك به‌ فه‌خری خۆی ده‌ڵی ڕۆڵه‌
بێچووی كێ به‌قه‌ت تۆ نه‌رم و نۆڵه‌

چكۆله‌ترین كرده‌وه‌ی ئینسان
له‌ سه‌د قسه‌ی زل باشتره‌ دیسان

بۆ ئیشی بچوك، قه‌ت تێمه‌كۆشه‌
گۆم هه‌تا قووڵ بێ بۆ مه‌له‌ خۆشه‌

ئه‌گه‌ر قسه‌ی حه‌ق له‌ من ده‌پرسی
تێر ئاگای نییه‌ هه‌رگیز له‌ برسی

به‌و كه‌سه‌ ده‌ڵێن عاقڵ و وشیار
دو جار له‌ جێیه‌ك پێوه‌ی نه‌دا مار

ئاوری بن كایه‌، بۆسۆی لێنایه‌
دزی خۆماڵی له‌ گرتن نایه‌

ئه‌گه‌ر بكه‌ویه‌ به‌ر هه‌ڵمه‌تی شێر
قه‌ت په‌نا نه‌به‌ی بۆ ڕێوی بێخێر!

وه‌ختێك ئه‌زانی مانای حه‌وسه‌ڵه‌
به‌ كه‌وچكه‌ ئاوی نه‌كه‌ویه‌ مه‌له‌!

میوان نایه‌وێ سفره‌ت ڕه‌نگین بێ!
نانت جۆیین بێ و خوڵقت گه‌نمین بێ!

بۆ ئه‌م نه‌زیلـه‌ش گوێ ڕابدێره‌
چێشتی پڕ كابان، بێخوێ یا سوێره‌

كه‌سێ نه‌گبه‌تی بێته‌ سه‌ر شانی
په‌ڵووڵه‌ بخوات، ده‌شكی ددانی

ئاو بتبا مه‌چۆ سه‌ر پردی نامه‌رد
چش با بخنكێی به‌ سه‌د ئێش و ده‌رد

دار وشك ده‌بێ به‌ ئاواتی باز
جارێك له‌سه‌ری بخوێنێ ئاواز

بیستوومه‌ پارو له‌ زار بكه‌وێ
بۆ كۆش چاكتره‌، نه‌ك ئێره‌و ئه‌وێ

بچۆره‌ جێیه‌ك هیچ كه‌س نه‌تناسێ
خۆت هه‌ڵبكێشه‌ پڕ به‌ كراسێ

له‌ قه‌دیمه‌وه‌ ئه‌م قسه‌ قاوه‌:
” كوێر هه‌تا ده‌مرێ، به‌ته‌مای چاوه‌”

ئه‌مه‌ش فه‌رموده‌ی قه‌دیمیه‌كانه‌
به‌رد له‌ جێگای خۆی قورس و گرانه‌

له‌ شارو لادێ ئه‌م نه‌قڵه‌ باوه‌
گیای شین به‌ جێگای سه‌خته‌وه‌ ماوه‌

دووڕوو هه‌روایه‌ پیشه‌و ڕه‌فتاری
هه‌م له‌ ناڵ ئه‌دات، هه‌م له‌ بزماری

قه‌دیمی ده‌ڵێن بۆ ده‌سته‌وستان
هیچ فه‌رقی نییه‌ گه‌رمێن و كوێستان

ڕه‌نگه‌ ده‌رنه‌چی له‌ ئیمتیحانم
ئه‌گه‌ر عه‌یبی تۆ ته‌واو بزانم!

عه‌یبه‌كانی خۆت بێته‌ به‌ر چاوی
ڕه‌وا نابینی به‌ كه‌س به‌دناوی

مه‌شهووره‌ ده‌ڵێن خزم به‌ ددان
گۆشتیشت بخوا، ناشكێنێ ئێسقان

هه‌ر خوویه‌ك مرۆ گرتی به‌ شیری
بۆی ته‌رك نابێ زه‌مانی پیری

برا گیان هێشتا ئه‌سپ نه‌كڕاوه‌
ئاخوڕ هه‌ڵبه‌ستن، خه‌یاڵی خاوه‌

گۆشتخۆرن هه‌موو ده‌عبای ئه‌م ناوه‌
كه‌چی هه‌ر ناوی گورگ به‌دناوه‌

قه‌ت له‌ شوێن چووان نه‌چیه‌وه‌ چاكه‌
به‌س لێرو له‌وێ كای كۆن به‌ با كه‌!

ئاو بتبا مه‌چۆ سه‌ر پردی نامه‌رد
چش با بخنكێی به‌ سه‌د ئێش و ده‌رد

په‌سندتر بووه‌ چ ئێستا، چ زوو
ڕێوی گه‌ڕیده‌ له‌ شێری نووستوو

شوان ده‌ڵێن شوانیی پێ ئیفتیخاره‌
نانچنینه‌وه‌ی لا عه‌یب و عاره‌

وه‌ك فه‌رمویانه‌ پیاوانی حاڵی
قه‌ت بۆ گا نابێ گوێلـكی خۆماڵی

په‌ندێكیتریش هه‌یه‌ له‌م باره‌
ده‌ڵێن گای جووتی، به‌ گوێلـكی دیاره‌

به‌ تووند و تیژی كار نابێ مه‌یسه‌ر
مار به‌ قسه‌ی خۆش له‌ كون دێته‌ ده‌ر

وتیان پشیلـه‌، گووت به‌ ده‌رمانه‌!
دایپۆشی به‌ خۆڵ ئه‌و بێویژدانه‌

نه‌مدیوه‌ له‌ ئاش گه‌رمتر كاسه‌
مه‌گه‌ر له‌ژێریا هه‌بێ نیوكاسه‌

ڕێژنه‌بارانه‌ یا ڕه‌شه‌بایه‌
هه‌ر عومری به‌فر به‌ بای فه‌نایه‌

هه‌ڵه‌ و له‌بیرچوون جارو بارێكه‌
ده‌ڵێن هه‌ر عه‌ قڵه‌ی له‌ خه‌سارێكه‌

دۆستت تا نه‌بێ وه‌ك خۆت دڵ به‌ كوڵ
بۆی هه‌ڵمه‌ڕێژه‌ خێرا كیسه‌ی دڵ!

تا ئه‌و نه‌سووتێ بۆ تۆ هه‌ناوی
هه‌ڵمه‌قرچێنه‌ جه‌رگت له‌تاوی

به‌ كاكه‌كاكه‌ هات به‌ لامه‌وه‌
بوو به‌ سوججه‌مار، دای به‌ پامه‌وه‌

وایان فه‌رمووه‌ قه‌دیمی دڵپاك
سوار هه‌تا نه‌گڵی، نابێ به‌ سوارچاك

له‌ به‌ردیان پرسی بۆچی وا ڕه‌قی؟
گوتی به‌ردم دی زۆر به‌ دڵڕه‌قی

شایی نه‌كراوه‌، ده‌هۆڵ ته‌قه‌ی دێ
به‌ن نه‌ڕێسراوه‌، جۆڵا شه‌قه‌ی دێ

شه‌ڕنه‌كه‌ر پیشه‌ی زوو دانیشتنه‌
به‌ردی زل به‌ڵگه‌ی نه‌هاویشتنه‌

ئه‌گه‌ر ناتخورێ تۆ بنی ڕانی
چیته‌ له‌ ماندوونه‌بوونی شوانی؟

له‌ چاوی خۆتا نابینی گاسن!
سووژن ده‌بینی له‌نێو چاوی من

وتیان به‌ ڕێوی شاهیدت كێیه‌؟
وتی كلـكی خۆم، باوه‌ڕم پێیه‌

حه‌زده‌كه‌ی دوور بی له‌ گێره‌ و كێشه‌
به‌قه‌د به‌ڕه‌ی خۆت پێ ڕابكێشه‌!

ئیش به‌بێ زه‌حمه‌ت مه‌حاڵه‌ بوونی
پیاو ماسی بگرێ، ته‌ڕ ده‌بێ قوونی

ئاوت خوارده‌وه‌ جارێك له‌ كانی
به‌ردی تێ مه‌خه‌، خۆ تۆ ئینسانی

پیاو به‌ خزم و دۆست ده‌بێ كۆڵه‌وار
ناقه‌ڵشێ، هۆره‌ له‌ خۆی نه‌بێ دار

له‌گه‌ڵ ئه‌م بیرو باوه‌ڕه‌ چۆنی؟
ده‌ڵێن چێشتی خۆش دیاره‌ به‌ بۆنی!

دار وشك ده‌بێ به‌ ئاواتی باز
جارێك له‌سه‌ری بخوێنێ ئاواز

بیستوومه‌ پارو له‌ زار بكه‌وێ
بۆ كۆش چاكتره‌، نه‌ك ئێره‌و ئه‌وێ

بچۆره‌ جێیه‌ك هیچ كه‌س نه‌تناسێ
خۆت هه‌ڵبكێشه‌ پڕ به‌ كراسێ

برا گیان هێشتا ئه‌سپ نه‌كڕاوه‌
ئاخوڕ هه‌ڵبه‌ستن، خه‌یاڵی خاوه‌

قه‌ت له‌ شوێن چووان نه‌چیه‌وه‌ چاكه‌
به‌س لێرو له‌وێ كای كۆن به‌ با كه‌!

به‌ره‌نجی شانی خۆت بژی به‌سته‌

پاره‌ی میراتی وه‌ک چڵکی ده‌سته‌

ته‌رازوی ئێره‌ت ئه‌گه‌ر سه‌نگ نه‌کا
ته‌رازوی ئه‌ولات سه‌رت ده‌رئه‌کا

زۆر خه‌می ئه‌وه‌م بوو که‌ پێڵاوم نه‌بوون، تا ئه‌و کاته‌ی که‌سێکم بینی پێیه‌کانی نه‌بوون

بۆ ئیشی بچوك، قه‌ت تێمه‌كۆشه‌
گۆم هه‌تا قووڵ بێ بۆ مه‌له‌ خۆشه‌

ئه‌گه‌ر قسه‌ی حه‌ق له‌ من ده‌پرسی
تێر ئاگای نییه‌ هه‌رگیز له‌ برسی

به‌و كه‌سه‌ ده‌ڵێن عاقڵ و وشیار
دو جار له‌ جێیه‌ك پێوه‌ی نه‌دا مار

ئاوری بن كایه‌، بۆسۆی لێنایه‌
دزی خۆماڵی له‌ گرتن نایه‌

ئه‌گه‌ر بكه‌ویه‌ به‌ر هه‌ڵمه‌تی شێر
قه‌ت په‌نا نه‌به‌ی بۆ ڕێوی بێخێر!

وه‌ختێك ئه‌زانی مانای حه‌وسه‌ڵه‌
به‌ كه‌وچكه‌ ئاوی نه‌كه‌ویه‌ مه‌له‌!

میوان نایه‌وێ سفره‌ت ڕه‌نگین بێ!
نانت جۆیین بێ و خوڵقت گه‌نمین بێ!

بۆ ئه‌م نه‌زیلـه‌ش گوێ ڕابدێره‌
چێشتی پڕ كابان، بێخوێ یا سوێره‌

كه‌سێ نه‌گبه‌تی بێته‌ سه‌ر شانی
په‌ڵووڵه‌ بخوات، ده‌شكی ددانی

حه‌زده‌كه‌ی دوور بی له‌ گێره‌ و كێشه‌
به‌قه‌د به‌ڕه‌ی خۆت پێ ڕابكێشه‌!

ئیش به‌بێ زه‌حمه‌ت مه‌حاڵه‌ بوونی
پیاو ماسی بگرێ، ته‌ڕ ده‌بێ قوونی

ئاوت خوارده‌وه‌ جارێك له‌ كانی
به‌ردی تێ مه‌خه‌، خۆ تۆ ئینسانی

پیاو به‌ خزم و دۆست ده‌بێ كۆڵه‌وار
ناقه‌ڵشێ، هۆره‌ له‌ خۆی نه‌بێ دار

له‌گه‌ڵ ئه‌م بیرو باوه‌ڕه‌ چۆنی؟
ده‌ڵێن چێشتی خۆش دیاره‌ به‌ بۆنی!

هێندێ كه‌س ئازاو ڕژدن له‌ شه‌ڕێ
هه‌تاكو لێیان وه‌ڕاست ده‌گه‌ڕێ

عه‌تر ده‌بێ خۆی بۆن بدا كاكه‌!
نه‌ك عه‌تار بڵێ زۆر عه‌تری چاكه‌

سا بێ سكی خۆت مه‌دڕه‌ له‌ داخا
كێ مرد و كێی‌تر ما له‌ وه‌جاخا

كه‌سێ خۆی له‌لا گه‌وره‌ و گرانه‌
نه‌چێته‌ پێستی خه‌ڵكه‌وه‌ جوانه‌

هه‌موو كه‌س نه‌كا به‌م په‌نده‌ بڕوا
هه‌چی با هێنای، هه‌ر به‌ با ئه‌ڕوا

مه‌یهاوێ سه‌ر من هه‌رچی خه‌تایه‌
ده‌ستێك به‌ته‌نیا ته‌قه‌ی لێنایه‌

خه‌یاڵ خه‌زێنه‌ی به‌ كه‌س نه‌داوه‌
زێڕ بۆ دینه‌وه‌، خه‌یاڵپڵاوه‌

كه‌ری دێز ده‌كا حه‌ز به‌ تۆپینێ
تاكو خاوه‌نی زه‌ره‌ر ببینێ

نه‌سیحه‌ت ناچێ به‌ مێشكی كه‌ردا
كێ دیویه‌ بزمار بڕوا به‌ به‌رددا؟

به‌سمان به‌سه‌ردا لێده‌ گیزو فیز!
پێوه‌دان خۆشه‌ نه‌وه‌ك ویزه‌ویز

ئه‌مه‌ش نه‌قڵێكی له‌مێژ و كۆنه‌
پاداران بگره‌، بێ پا ئێخۆنه‌!

له‌ ترس و خۆفی ماری به‌دكردار
له‌په‌نا ئاور خۆم داوه‌ حه‌شار

خۆشیم نه‌دیوه‌ له‌م ڕۆژگاره‌
وه‌تی هه‌م، ئیمسال خۆزگه‌م به‌ پاره‌

ده‌ستی ته‌ماحت هێنده‌ پان مه‌كه‌!
خاوه‌نی كه‌ره‌م په‌شێمان مه‌كه‌!

كه‌چه‌ڵ ده‌رمانكه‌ر بوایه‌ بێگومان
له‌ پێشا سه‌ری خۆی ده‌كرد ده‌رمان

ئه‌گه‌ر لێگه‌ڕێ شۆفاری به‌دفه‌ڕ
ئاو ده‌خواته‌وه‌ گورگ له‌گه‌ڵ مه‌ڕ

ئه‌مه‌ش فه‌رموده‌ی قه‌دیمیه‌كانه‌
به‌رد له‌ جێگای خۆی قورس و گرانه‌

له‌ شارو لادێ ئه‌م نه‌قڵه‌ باوه‌
گیای شین به‌ جێگای سه‌خته‌وه‌ ماوه‌

دووڕوو هه‌روایه‌ پیشه‌و ڕه‌فتاری
هه‌م له‌ ناڵ ئه‌دات، هه‌م له‌ بزماری

قه‌دیمی ده‌ڵێن بۆ ده‌سته‌وستان
هیچ فه‌رقی نییه‌ گه‌رمێن و كوێستان

ڕه‌نگه‌ ده‌رنه‌چی له‌ ئیمتیحانم
ئه‌گه‌ر عه‌یبی تۆ ته‌واو بزانم!

عه‌یبه‌كانی خۆت بێته‌ به‌ر چاوی
ڕه‌وا نابینی به‌ كه‌س به‌دناوی

مه‌شهووره‌ ده‌ڵێن خزم به‌ ددان
گۆشتیشت بخوا، ناشكێنێ ئێسقان

هه‌ر خوویه‌ك مرۆ گرتی به‌ شیری
بۆی ته‌رك نابێ زه‌مانی پیری

برا گیان هێشتا ئه‌سپ نه‌كڕاوه‌
ئاخوڕ هه‌ڵبه‌ستن، خه‌یاڵی خاوه‌

گۆشتخۆرن هه‌موو ده‌عبای ئه‌م ناوه‌
كه‌چی هه‌ر ناوی گورگ به‌دناوه‌

گۆرانیبێژ (گۆران ساڵح) لە میانەی گۆشەی ئەو هەفتەیەی (وەرزش لە دیدی هونەرمەندان)ـدا، باس و سەربوردەی خۆی لەگەڵ دونیای وەرزشدا بۆ خوێنەران ئاشكرا كرد.
سەرەتا (گۆران ساڵح) گوتی: “هەر لە سەردەمی منداڵییەوە ئاشنایەتییم لەگەڵ (وەرزش)ـدا هەبووە، بە تایبەتی تۆپی پێ، كە لە كۆڵان و گەڕەكدا بە شێوەی بەردەوام یارییم كردووە، ئەو كات ئەو یاریگە باشانەی ئێستا نەبوون، یاریمان لە ناو خۆڵ و بەرد و تەپوتۆزی گەڕەكدا بوو، چەندین جار دەست و پەنجەم بریندار دەبوو، هەروەها جارێكیش قاچم شكاوە.”
(گۆران) لە درێژەی گێڕانەوەی باسەكەیدا، دەڵێت : “ هەر ئەو عەشقەی جارانە وام لێ دەكات، خۆشەویستم بۆ وەرزش بەردەوام بێت و ئێستاكەیش بەردەوامم لە نێو یاریگە بچووكەكاندا لەگەڵ هاوڕێ هونەرمەندەكانمدا تۆپی پێ دەكەم. یاریزانێكی بزێوم و توانای جەستەم باشە و و جووڵە زۆر دەكەم و لە زۆربەی یارییەكانیشدا گۆڵ تۆمار دەكەم.”
(گۆران) گوتی: “ئەگەر كاری هونەرییم ئەنجام نەدابوایە، دەمتوانی ببمە یاریزانێكی زۆر باشی تۆپی پێ.”
گۆرانیبێژە سەبارەت بە تێكەڵاوبوونی لەگەڵ وەرزشدا دەڵێت: “من جگە لەوەی تۆپی پێ دەكەم، زۆرجار لە بەر ئەو خۆشەویستییەی كە بۆ دونیای تۆپی پێ و یانەی وەرزشی (هەولێر) هەمە، دەچمە یاریگە و هانی یانەی هەولێر دەدەم، لە كاتی گۆڵ تۆماركردن و بردنەوەی یانەی هەولێردا هەستێكی زۆر خۆشم هەیە و بە ئارەزووی خۆم هەڵدەستمە سەرپێ و چەپڵەیان بۆ لێ دەدەم، ئەمساڵ لە شاری دهۆك بووم، شەوێ دەبوو بچم وێنە بگرم بۆ ئەلبوومی گۆرانییەكەم، كاتەكەیشم دیاری كردبوو، هەروەها دەبوایە بچم بۆ ستۆدیۆ و هەندێك كاری دەنگم هەبوو، بەڵام لە بەر یاریی یانەی هەولێر بەرانبەر یانەی نەجەف، كە یاریی كۆتایی بوو، نەچووم، كاتێك بە دیار شاشەی tvـیەوە دانیشتبووم سەیری یارییەكەم دەكرد، ئەوەی بێ تاقەتی كردبووم ئەوە بوو من بە تەنیا هاندەری یانەی هەولێر بووم، برادەران و هاوڕێیەكانم لە دهۆك، هەر هەموویان هاندەری یانەی نەجەف بوون، بەڵام كاتێك یانەی هەولێر یارییەكەی بردەوە زۆر هەڵپەڕیم و بە تەنیا چەپڵەی زۆرم بۆ لێدان.”
دەربارەی سەیركردنی یارییەكانی جیهانی و هاندەری كام یانەی جیهانی و هەڵبژاردەیە، (گۆران) گوتی : “هاندەری چەند یانەیەكم، كە هەر یەكەیان لە وڵاتێكە، ئەوانیش پێكهاتوون لە (ئەی سی میلان) لە ئیتاڵیا، (ڕیال و بارسا) لە ئیسپانیا، (مانچستەر) لە ئینگلتەرا، فەنەرباخچە) لە توركیا، لە هەڵبژاردەكانیش حەز بە سەیركردنی یاریییەكانی (بەڕازیل) دەكەم، هەروەها ئارەزووی سەیركردنی یاریی هەڵبژاردەكانی (ئینگلتەرا و ئیتاڵیا)ـیش دەكەم، لە یاریزانەكانیش جاران زۆر سەرسام بووم بە یاریكردنی (ڕۆبەرتۆ باجیۆ)ـی ئیتاڵیایی، هەروەها هەردوو یاریزان (كاكا)ـی بەرازیلی و (كریستیانۆ ڕۆناڵدۆ)ـی پورتوگالی.”
لە كۆتاییدا (گۆران ساڵح) گوتی: “ئەگەر بوارم هەبێت و ئاواز و تێكستێكی باشم دەستكەوێت، بە نیازم گۆرانییەك بۆ وەرزش بڵێم بە تایبەتی بۆ یانەی (هەولێر)، چونكە زۆرم خۆشم دەوێت.”

هەولێر وەرزش – عەبدولغەفار عەبدوڵڵا

ته نیایی
ئه م شه و له ته نیایی دڵم ئه ترســـــــم
په نجه ش قه ڵه م ناگری تا ناوت بنوســم
نیگاش نابرم تا چرای ژووره که ت بسۆتـی
دلیش له لاته به دریژایی شــــــــــــــــه و
شه و داهات کات دره نگتر‌‌‌‌‌‌‌‌‌‌‌‌ ده بـــــــــــــــوو
خه ویش چاوی بر فرمیسکی گرتبــــــــــوو
وویستم له گه ڵ وینه که دا بدوێـــــــــــــــم
پێی ووتم لاچوو ئه ی شێتی سه ر رێــــم

(هونراوه )
( کارزان شێرکۆ

 چه‌ند به‌ ژانه‌ ماڵئاوایی

چه‌ند به‌ ژانه‌ ماڵئاوایی و سرودی گریان
چه‌ند به‌ ئێشه‌ بێته‌ به‌ر گوێم ئاوازی زریان
خۆزگه‌ ئه‌و کفنه‌م نه‌دیایه‌ کرایه‌ به‌رت
چی ئه‌بو په‌نجه‌م ببوایه‌ به‌ شانه‌ی سه‌رت؟
ڕۆژ دێ و ده‌روات ئه‌خولێته‌وه‌ تاره‌ بیناییم
هه‌ڵی ئه‌که‌م چرای چاوم بۆ ده‌ورو به‌رم
رۆژانێ بوو ساڵانێ بوو رۆژگارێ بوو ڕۆی
خۆشمئه‌ویست گۆڕی ته‌نیا بردیه‌وه‌ بۆخۆی
گوڵی وشک داری پیریم ته‌نیا مایه‌وه‌
ناڵه‌و گریانی به‌د به‌ختیم جوابی دایه‌وه‌
خۆزگه‌ هاوار له‌ سایه‌تا ئه‌بووم به‌ ژیان
به‌ڵام سه‌د ئاخ لێک دابران لێم نه‌برایه‌وه‌
کۆستت خستم ته‌نیات کردم ئای چه‌رخی زاڵم
فه‌رامۆشم که‌ ڕه‌شپۆشم شکسته‌ باڵم
سه‌رم به‌فری لێ نیشتوه‌ دڵیشم گڕکان
بای ناوه‌ختیش به‌ به‌رگوێما مردنی درکاند
ده‌م ده‌م ئه‌شکی بێداریمه‌ خور خور دێته‌ خوار
یادگاری ئه‌و ڕۆژانه‌شم جه‌سته‌می ژاکاند
ماڵئاوایی یه‌ک جاریه‌ دیاره‌ ماڵئاوا
که‌ خۆشم دێ به‌ دیداری هه‌ر وای له‌ چاوما
پرسیم ئاخۆ هه‌بێ وه‌ک من کۆس که‌وتوو؟
وه‌ک من جگه‌ر بریندار و وه‌ک من گڕگرتو؟
ئه‌و هاواره‌ی که‌ من هه‌مه‌ ئازاره‌ ئازار
بێشک ئه‌گاته‌ لای یاری هه‌میشه‌ نوستوو
ئیسماعیل خورماڵی.