خۆشه‌ویستم،
زۆر ئه‌ترسم باوک و برات ،
بزانن منت خۆش ئه‌وێ،
له‌ت له‌تتکه‌ن !!!
به‌ گه‌ردیله‌ی هه‌رله‌تێکت،
مێروویه‌کی برسی دڵی دانه‌که‌وێ!!!
زۆر ئه‌ترسم ئێواره‌یه‌ک،
باوک و برات،
له‌ به‌رده‌می پارێزگادا،
له‌ ژێر نسێی په‌رله‌ماندا،
یاسایه‌کان سه‌راو ژوورکه‌ن !!
شه‌قامێک به‌خوێنت سوورکه‌ن!
زۆر ئه‌ترسم
وه‌ک کیژۆڵه‌ ئازاییه‌که‌ی
ئه‌وێ ڕۆژێ،
بلۆک بارانی له‌شتکه‌ن ،
له‌زمزمی خۆشه‌ویستی،
بێ به‌شتکه‌ن!
زۆر جار له‌سه‌ر پییاسه‌یه‌ک لێت تۆراوم،
لێم ببووره‌؟!
هێنده‌م لێک نه‌ده‌دایه‌وه‌
که‌فه‌رهه‌نگی هه‌ڵسووکه‌وتمان ،
پڕی ترافکی سووره‌!!!

                                                      ن.مسعود جلال

په‌پوله‌ی هه‌میشه‌ زیندوو،
داستانی پڕشکۆی مێژوو،
ئه‌وه‌ تۆ بووی،
داستانی یا شێخ و کچه‌ گاورت بۆمان دوو باره‌ کرده‌وه‌!
ئه‌وه‌ تۆ بووی له‌ پێناوی پاراستنی ئابڕووی عیشق ،
سڵت له‌ هیچ نه‌کرده‌وه!‌
تۆ دوو داستانت تۆمار کرد !
عه‌شق ئاینی پێت گۆڕی و
سه‌ر نانه‌وه‌ له‌پێناویا
دێڕۆکی تۆی شکۆدار کرد
مخابن مخابن لێره‌
وویژدان چه‌قۆی سه‌ر بڕینه‌
چیبکه‌م یاسا سه‌روه‌رمانه‌ و هه‌ر له‌ زگماکه‌وه‌ کوێره‌
ئه‌وه‌ نیه‌ له‌به‌ر چاوی خوداو خه‌ڵک
لاشه‌ت بلۆک باران ده‌کرێ
قیامه‌ته‌ !!!
گۆڕه‌پانی شه‌ڕو خێره‌!
خودایه‌ چۆن ئارامت گرت؟؟؟!!!
چۆن شارێکت ،
چۆن دنیات سه‌راوبن نه‌کرد؟؟!!
خودایه‌ تۆ ،
ئه‌وه‌ت قبوڵ نه‌کردبا
وه‌کو په‌رجۆ
به‌ره‌و ئاسمانت بردبا!!!
ئه‌شکی ڕوونی سه‌ر گۆنامی
زه‌وی له‌رزه‌ی هه‌زار پله‌ی
کاره‌ساتی تسۆنامی!
تابلۆی مه‌رگه‌ساتێکی دی
ووڵتێکی پڕ له‌ زامی
تۆق شکێنی چیا به‌زێنی
داستانێکی پڕ په‌یامی
ئه‌ها کاتێک لێت ده‌ ئاڵێن ،
به‌رد له‌ گوڵی گیانت ئه‌ده‌ن
تۆش خۆ ڕاگرو ئارامی
به‌ گیانی پاکت سوێند ئه‌خۆم،
هه‌موومان دژی ئه‌وانین،
به‌ خوێنی پاکت سوێند ئه‌خۆم
پیم ناخۆشه‌ یه‌ک نه‌ته‌وه‌و
پێم ناخۆشه‌ ،
که‌ خه‌ڵکی یه‌ک نیشتمانین
تف له‌وانه‌ لێت ده‌ئاڵێن
تف له‌وانه‌ی له‌به‌رده‌میان
تۆ ده‌کوژرێی و هیچ ناڵێن !!!
مه‌راسۆنه‌ !!!
تابزانن کامیان زیاتر ،
به‌رد له‌ گوڵی گیانت ئه‌ده‌ن
به‌ بلۆکی کامیان ئه‌مری!!
تا بزانن کێ ئه‌توانێ ،
به‌ په‌لێک ڕات بکێشێت ،
به‌قژ به‌ده‌نت هه‌ڵبگری!!!
چێم پێناکرێ ،
ده‌نا قه‌سه‌م،
ئه‌وێ ئه‌که‌م به‌ده‌ریاچه‌
ئه‌یکه‌م به‌باخچه‌ی گیانداران!!!
ئه‌یکه‌م به‌بیابانێکی ڕووت ،
قه‌ت له‌وێ نه‌باری باران!!!
ڕۆژی بلۆک بارانی تۆ ،
لام ڕۆژی خۆشه‌ویستیه‌
که‌ ئه‌م ڕۆژه‌ له‌ دایک بوو ،
من ڤالانتاینام بۆ چیه‌؟؟؟!!!
ئه‌گه‌رچی له‌بیر چوونه‌وه‌ت
گه‌لێ زه‌حمه‌ت و گرانه‌،
به‌ڵام مێژووت به‌و مردنه‌،
تا بڵێیی پیرۆزو جوانه‌!
چیبکه‌م لێره‌
هه‌ر هه‌موومان عه‌شق کوژین!
ڕق پیرۆزه‌ ،
عه‌یبه‌ به‌عه‌شقه‌وه‌ بژین!
زۆر تامه‌زرۆی هه‌ماڵی تۆم،
باسی ئه‌وێم بۆ بنێره‌،
من دڵنیام تۆ ئه‌و دنیات،
سه‌د جار پێخۆشتره‌ لێره‌!!!

                                                                              ن. مه‌سعود جه‌لال

هێنده‌ جوانى كه‌ده‌ڵێم گوڵ هه‌زار كه‌ڕه‌ت دوور له‌ڕِووت
ده‌رمانی شێرپه‌نجه‌ی عه‌شقه‌ هه‌ناسه‌ی پاکی گه‌رووت
سه‌د ساڵ دیلبم له‌ گرتووخانه‌ی باوه‌شت پێم که‌مه‌
چه‌ند خه‌م بخۆم یه‌کجار بێمه‌ باوه‌شت لام ئه‌وده‌مه
من که‌شه‌کره‌م گرتووه‌ به‌ماچی‌ سه‌وزی نێو ده‌مت
گه‌ردنت ئازاد بشمرم جانه‌ڵێی هیچت نه‌وت
سه‌ر دێڕو بن دێڕی بن دێڕی ژینم وه‌ها لێ ئاڵۆز بووه‌
کامه‌ شێت دنیا ده‌یناسێ وه‌ک من لێی تێکنه‌چووه‌
که‌یدێ ئه‌و دیداره‌ی دووری نێوانمان تاڵێ مووه‌
وه‌ی کوێڕ بم بۆ ئه‌و چرکه‌یه‌ی به‌بێ تۆ تێپه‌ڕ بووه‌
تاکه‌ی ته‌رمی پاکی خه‌نده‌ به‌ئه‌شکی چاوم بشۆم
تاکه‌ی بۆ مۆڵه‌تی ژووانيک ڕام بگرێ پژمین خۆم
که‌ ئه‌تبینم ترس وشه‌رم وهۆش وبیرم لێ وونه‌
چونکه‌ ئازیز خۆت ئه‌زانی ئه‌وه‌ی بۆی شێتم ژنه‌!!!

                                                                        ن.مه‌سعود

‌له‌په‌ڕاوى كرده‌وه‌ى بونه‌وه‌راندا
واهه‌ست ده‌كه‌م
گه‌وره‌ترين گوناه هى تۆیه‌
هه‌زار دره‌ت له‌گه‌ڵ كردم
خۆده‌زانى
خوداش ڕقی له‌درۆيه‌
من هه‌رده ڵيێم
هه‌زار سه‌فه‌رى
ماڵي خواش بكه‌ى
كێ چاكه‌ كارو
زۆر خواپه‌رسته‌
گه‌ر تۆ واش بکه‌ی
له‌لاباڵی شاخ
له‌چۆڵه‌وانی
له‌لاپه‌رِگه‌ى شار
له‌خانوويه‌كى
به‌س ته‌نيا ژوورێ
شه‌و ڕۆژ بگرى و
بپاڕێیته‌وه‌
خودا له‌سه‌رمن
قه‌ت تۆ نابوورێ!!!!!!!!!!

                               
                                                          ن.مه‌سعود