برسیاریان له‌ بیڵ گه‌یتس كرد و وتیان ئایا که‌س هه‌یه‌ له‌ تۆ ده‌وڵه‌مه‌ندتر بێت‌؟ وتی به‌ڵێ یه‌كێک هه‌یه‌.. وتیان كێیه‌؟ وتی كوڕه‌ گه‌نجێكی ڕه‌شپێستی موسڵمانه‌.. وتیان چۆن؟ وتی ئه‌و كاته‌ی كه‌ له‌ دائیره‌كه‌م ده‌ریان كردم له‌ نییۆرك بووم، كوڕێكی ڕه‌شپێستم بینی ڕۆژنامه‌ی ئه‌فرۆشت.. ده‌ستم برد ڕۆژنامه‌یه‌ك بكڕم، سه‌یرم كرد پاره‌ی ورده‌م پێ نیه‌، كوڕه‌كه‌ بانگی كردم و وتی ئه‌و ڕۆژنامه‌یه‌ هه‌دیه‌ بێت... بۆ‌ جه‌نابت.. وتم: ئاخر پاره‌ی ورده‌م پێ نیه..‌ وتی ئه‌وه‌ له‌ قازانجی خۆمه و‌ پێشكه‌شی ئه‌كه‌م به‌ تۆ..
پاش 19 ساڵ ئه‌و كاته‌ی كه‌ من بوم به‌ ئه‌و گه‌یتسه‌ی كه‌ ئێوه‌ ئیستا ئه‌یبینن، بیرم له‌ قسه‌ی ئه‌و گه‌نجه‌ كرده‌وه،‌ داوام كرد ئه‌و كه‌سه‌م بۆ بدۆزنه‌‌وه‌.. دوای گه‌ڕانێكی زۆر، دواجار كوڕه‌كه‌یان له‌ سه‌ر سه‌كۆی شانۆیه‌ك دۆزیه‌وه‌ و هێنایان بۆ لای...
بیڵ گه‌یتس لێی پرسی و وتی من ئه‌ناسی؟ وتی به‌ڵێ، كه‌س هه‌یه له‌م دونیایه‌دا‌ تو نه‌ناسێت؟
وتی له‌وانه‌یه‌ تۆ له‌بیرت نه‌یه‌ت، به‌ڵام تۆ ڕۆژنامه‌یه‌كت پێشكه‌ش كردم، له‌ كاتێكدا كه‌ كه‌سێكی ده‌ستكورت بویت. کوڕه‌که‌ وتی ئاساییه‌، ئه‌وه‌ هه‌ستی سروشتی خۆمه‌..
بیڵ گه‌یتس پێی وت ئه‌مه‌وێ بۆت قه‌ره‌بوو بكه‌مه‌وه‌..
كوڕه‌كه‌ وتی چۆن قه‌ره‌بوی ئه‌كه‌یته‌وه‌؟
گه‌یتس پێی وت هه‌رچیت بوێت له‌م دونیایه‌دا ئه‌تده‌می ..
كوڕه‌ ڕه‌شپێستكه‌ وتی هه‌رچیه‌كم بوێت ئه‌مده‌یتێ؟
گه‌یتس وتی من قه‌رزم داوه‌ به‌ 50 وڵاتی ئه‌فریقی، ئاماده‌م به‌قه‌ده‌ر هه‌ر په‌نجا ده‌وڵه‌ته‌كه‌ ببه‌خشم به‌ تۆ .
ئه‌و كوڕه‌ گه‌نجه‌ وتی جه‌نابی گه‌یتس تۆ ناتوانی قه‌ره‌بوی بكه‌یته‌وه‌..
وتی چۆن ناتوانم؟
وتی چونكه‌ ئه‌و دوو شته‌ زۆر جیاوازن‌… من له‌ لوتكه‌ی هه‌ژاریما شتێکم به‌ تۆ به‌خشی، به‌ڵام تۆ له‌ لوتكه‌ی ده‌وڵه‌مه‌ندیتدا ئه‌ته‌وێت ببه‌خشیت.. به‌ڵام زۆر سوپاست ئه‌كه‌م..
بیڵ گه‌یتس ئه‌ڵێ: هه‌میشه‌ ئه‌و كوڕه‌ گه‌نجه‌ موسڵمانه‌ له‌ خۆم به‌ سه‌رمایه‌دار تر ئه‌زانم..