ئه‌ها دڵه له‌گه‌ڵ هاتنی گزنگی خۆرا
ئه‌م سپێده‌‌ مژده‌ی هه‌واڵێکی هێنا
ئه‌و خۆره‌ی من هه‌میشه‌ به‌دوایا وێڵ بووم
ئه‌و تیشکانه‌ی من که‌ زۆر عه‌وداڵی بووم
خۆری چاوی ئازیزێکمه‌
تیشکه‌کانی نیگای پڕ له‌ عيشقی سه‌رمه‌دییه‌
ئۆخه‌ی نه‌مردم له‌ دواساته‌کانی ژینم
خه‌ونی چه‌ند ساڵه‌م بۆ هه‌میشه‌ هاته‌ دی
که‌ مه‌حاڵ و زۆر دژوار بوو په‌ی پێ ببه‌م
تیشکی خۆری ئه‌و گه‌رمی به‌ ناخما به‌خشی
که‌ پێمی ووت بێ دژوار و بێ ئاخ و بێ خه‌م و بێ بێ ..
فه‌رمانی کرد ووشه‌‌ی ناخۆشم لێ وون بێ
له‌ بری ئه‌م هه‌سته‌ پڕ له‌ ئێش و ژانه‌
ووشه‌ی دونیای تازه‌ی ئاشنا کرد‌م
که‌ گۆڕی ئاراسته‌ی ژینی پڕ له‌ سووتان
سارێژی کرد هه‌ستی پڕ له‌ برین و زام
فێری کردم چۆن له‌ مانای ئاسووده‌یی ژین تێ بگه‌م
تێی گه‌یاندم وانه‌ی پڕ له‌ داهێنانی دونیای تازه‌
ئه‌و دونیایه‌ .. مه‌گه‌ر هه‌ر خۆم و خۆی لێی تێ بگه‌ین
خوا گیان ئه‌م خۆره‌ هه‌ر له‌ ئاسمانم بێ
ئاسمانیشم هه‌رده‌م ساماڵ بێ
تا لێم وون نه‌بێت نیگای چاوه‌کانی ئه‌و
نیگا پڕ له‌ میهرو سۆزه‌کانی ئه‌و
به‌ هۆی هه‌ور و ڕه‌شه‌بای دووری ئه‌و ..

سۆز [/size]