له‌م باره‌یه‌شه‌وه‌ سه‌ركه‌ت ره‌سوڵی‌ شاعیر پێی‌ راگه‌یاندین: "سیدییه‌كی‌ نوێم ئاماده‌یه‌ بۆ بڵاوكردنه‌وه‌ به‌ناونیشانی‌ (عیرفان) كه‌ له‌ 5 تراك پێكهاتووه‌، كاری‌ شه‌ش مانگ پێشترمه‌و دیاره‌ بڵاوم نه‌كردبۆوه،‌ كه‌ پێكهاتووه‌ له‌ پێنج شیعر كه ‌له ‌ماوه‌ی‌ 2004 تاوه‌كو 2009 نوسیومه‌و به‌هاوكاری‌ كۆمه‌ڵێك مۆسیقی‌ شاری‌ هه‌ولێر كارم تیایداكردووه‌، له‌وانه‌ ئومێد باڵه‌بان‌و رێبین جه‌مال‌و چه‌ند هونه‌رمه‌ندێكی‌ تری‌ شاری‌ هه‌ولێر، له‌ ستۆدیۆكانی‌ هه‌ولێر چاپكراوه‌و له‌ ئێران كاره‌كان ته‌واوكراوه‌و له‌م ماوه‌یه‌دا بڵاوده‌بێته‌وه".

هه‌روه‌ها له‌ باره‌ی‌ كارێكی‌ تری‌ هونه‌ری‌ ئه‌وه‌شی‌ پێ راگه‌یاندین: "جگه‌ له‌م كارانه‌ی‌ باسمكرد شتێكی‌ ترم له‌به‌رده‌ستدایه‌ وه‌كو ئه‌لبومێكی‌ شیعریه‌ كه‌ پێكهاتووه‌ له‌ دوو سیدی‌ له‌گه‌ڵ نامیلكه‌یه‌ك به‌نوسراوی‌ شیعره‌كانی‌ تێدا بڵاوده‌كرێته‌وه‌ به‌ناونیشانی‌ (پایزه‌ یاد) كه‌ پێكهاتووه‌ له‌ 25 پارچه‌ شیعر له‌ ماوه‌یه‌كی‌ زوو پێش سه‌ری ‌ساڵ كاره‌كان ته‌واو ده‌كه‌م‌و بڵاویده‌كه‌مه‌وه‌، هه‌ردوو ئه‌و به‌رهه‌مه‌ش به‌هاوكاری‌ وه‌زاره‌تی‌ رۆشنبیری‌ به‌رهه‌مهێنراون".