<?xml version="1.0" encoding="utf-8"?>
<feed xmlns="http://www.w3.org/2005/Atom">
	<title type="html"><![CDATA[یانەی سەرهەنگ موحسین - ڕەنگەکانى تەریقەت]]></title>
	<link rel="self" href="http://s21.me/ysm21/extern.php?action=feed&amp;tid=11764&amp;type=atom" />
	<updated>2009-10-28T12:22:12Z</updated>
	<generator version="1.4.6">PunBB</generator>
	<id>http://s21.me/ysm21/viewtopic.php?id=11764</id>
		<entry>
			<title type="html"><![CDATA[وه‌ڵام: ڕەنگەکانى تەریقەت]]></title>
			<link rel="alternate" href="http://s21.me/ysm21/viewtopic.php?pid=99874#p99874" />
			<content type="html"><![CDATA[<p>خوازیارم هەردەم بە ختەوەر بیت هاووڕێ بەڕێزە کەم</p>]]></content>
			<author>
				<name><![CDATA[حسێن خۆشناو]]></name>
				<uri>http://s21.me/ysm21/profile.php?id=1335</uri>
			</author>
			<updated>2009-10-28T12:22:12Z</updated>
			<id>http://s21.me/ysm21/viewtopic.php?pid=99874#p99874</id>
		</entry>
		<entry>
			<title type="html"><![CDATA[ڕەنگەکانى تەریقەت]]></title>
			<link rel="alternate" href="http://s21.me/ysm21/viewtopic.php?pid=99674#p99674" />
			<content type="html"><![CDATA[<p>1)<br />باران تەریقەتى هەموومانە...<br />گەر لێمان وون بێ،<br />کێڵگە بەدارشەقەوەداهۆڵ دەڕوێنێ..<br />.ئێوارە بە مەلوولییەوە پاشەکشە دەکا،<br />پەڕسێلکە دەچێتەوە سەر چڵى تیڕمان،<br />کۆچەر بێ یان نیشتەجێ...!</p><p>(2)<br />تەریقەت هەرگیز نافڕێ،<br />لە باڵی کۆترێکى کاغەزى...<br />دڵى عەبەسێک لەوپەڕى سۆفیگەرى...<br />خولیاى خەیاڵێک لەو دیو باخچەیەکى باغەیى...<br />مەرحەباى مەتارەیەک لەم دیوجۆگەلەیەکى دوودڵى...!</p><p>(3)<br />بەیانییەک تاڵان مەکەن کە ڕووى لە تەریقەتە...<br />چونکە سپێدە لە گەروى کەڵەشێردا پیادەو<br />چریکەى کەنارى لە گەڵاى گزنگدا پیاسەو<br />چەهچەهەى بولبولیش لە گوڵزارى گوڵا شکۆفە...!</p><p>(4)<br />پەنجەرە بۆ ئەبەد ناچێتە ماڵى تەریقەت،<br />کە دەڵێین پەنجەرە<br />دیوار بەهانەى پێدەگرێ و هەر باڵاى بڵند دەکا...<br />کە دەڵێین پەنجەرە دەرگا نەعلەکانى فڕێ ئەداو<br />دەم و لێویشى شووشەڕێژ...!</p><p>(5)<br />کە درەختى ماڵەکەمان ڕەشپۆش دەبێ،<br />ئەوە ئاشوبى دارلاسیکێکە،<br />لەناوهاروهاجى کۆڵانداخۆى حەشار ئەدا..<br />کە چۆلەکەیەکیش لەتەریقەت لایداو<br />ئاسمانى قیرتاو کرد بە نیشتنەوە..<br />گوناهى درەخت نییە،<br />کە ئارشیفى سەوزى تیا نییە...<br />گوناهى دارلاسیک و کۆڵانە<br />دڵیان هەڵبەز و دابەز دەکا،<br />بەڵام بۆ عیشق و ئولفەت نا...!</p><p>(6)<br />مەرگ هەمیشە لەگەڵ ژیاندا دانیشتووە،<br />گفتووگۆ دەکا..<br />کەژیان تووڕە دەبێ و دەقیژێنێ،<br />مەرگ فەتوایەکە لە خامۆشى...<br />هەرچەندە دووانەى شەڕ و ئاشتى<br />نییە لە فەرهەنگى مەرگا،<br />بەڵام مەرگ یەکەم تەریقەتە<br />کە قەناعەتمان پێدەکا...!</p><p>(7)<br />ئاو دەست و قاچ و دڵى هەیە،کە<br />دەستى ڕوودەکاتە دەوەنێ<br />لەلق و چڵى سەرى باڵندە چرۆ دەکا و<br />لە کەڵاکەشى&nbsp; باڵەکانى....<br />کە قاچى ڕوو لە جۆگەلە دەکا،<br />دریژ،درێژچەم دەنووسێ...!<br />بەپێستى ڕووبارپێڵاو چێدەکاو<br />بە ڕەنگى دەریاش هەنگاو دەنێ<br />ئاو تەربقەتە و هەر دەڕواو لاناکاتەوە،<br />لەسەر چرپایى ئاوەدانى دەنوێ و<br />کەپایپێکیش دەکێشێ،<br />دەچێتە عەرشى خەیاڵدان<br />جارە،جارە دڵى لێئەدا،<br />بۆ ڕاکردنى بیابان...</p><p>(8)<br />کە ئاسمان تەنگەنەفەس دەبێ،<br />خەتاى پلیکانەیە بەفیزەوە بەرز بەرز دەڕوانێ...<br />خولەکێک خەتخەتێن لەگەڵ بێچووى مانگ ناکا...<br />خەتاى پەردەیە،بستێک پەتپەتێن<br />لەگەڵ مناڵى خۆرا ناکا...<br />ئاخر لەخوار پلیکانەوەتەریقەتى عاشقێک،<br />لە ناڵینا هەیەجان<br />لەم دیو پەردەشەوە مەعشوقێک،<br />بە دەست باڵاى دیوارەوە زیندان...!</p><p>(9)<br />واز بێنە لە ئینتەرنێت و مۆبایل و نامەى ئەلەکترۆنى...<br />وەرە سەرباڵى خەیاڵم بابفڕین،<br />لەوێ دەچینە سەر فەرشى ئاسمان و<br />لەوێشەوە فڕین بۆ ناو ئەستێرەکان...<br />من چاوشارکێ لەگەڵ مەریخ دەکەم و<br />بە چاوبەستنێ چلەگیایەکى،<br />دەکەمە ملوانکە و موستیلە...<br />تۆش قاوەیەک بخەرە سەر،<br />پشکۆى عیشق و عاتیفە...<br />من دەزانم هەموو بوونەوەرەکانى ئاسمان،<br />دەبنە میوانى تەریقەتمان...!</p><p>(10)<br />دواجار حەقیقەت دەبێتە،<br />هاوڕازى هەموو نەیارەکانى...<br />وەک دواهەناسەى مۆمێک،<br />بە فلوتى ڕەشەبایەک...<br />دواشەپۆلى دەریایەک،<br />بە خۆشتنى هاوینێک...<br />دوا پێکردنى گەڵایەک،<br />بەپایپى پایزێک...<br />دوا قسەى من وتۆش&nbsp; ئەى تەریقەت،<br />کە خۆى حەقیقەتە،<br />بە ئینقیلابى عیشقێک...!</p><p>(11)<br />زەمەن وانەیەکمان فێر دەکا...<br />دواى حکومەتى گریان،<br />حکومەتەکەى پێکەنین...<br />دواى حکومەتى لە دایک بوون،<br />باوەشێک بۆ تروپکى گڕوگاڵ...<br />باوەشێک بۆ هاتنە خوارەوەى گۆڕستان..!<br />زەمەن وانەیەکمان فێر دەکا...<br />ئەوەى یەک حکومەتەوعەسکەر تار نییە،<br />حکومەتەکەى عیشقەوتەریقەتى عیشقستان...!</p><p>(12)<br />هەموو شتێک بەرەو پیرى دەڕوا...<br />پەردەى پەنجەرەکەم<br />دەرگاى ژوورەکەم<br />دەموچاوى ئاوێنەکەم<br />دەست و پلى چرپاکەم<br />هەموویان قەموور دەبن و<br />شێواو بە چرچولۆچى...<br />تەنها دڵى من و تۆ نەبێ<br />گەنج دەمێنێ و تۆخ، تۆخ<br />بە عیشوەى عیشق...ئەى تەریقستان...!</p><p>(13)<br />گەر بە قامچى نیتشە قسە نەکەین،<br />دوو پەرداخ لە تەرجەمەى<br />چاو پڕ دەبێ و<br />بۆ دانیشتنیش دوو کورسى ڕووخۆش،<br />لە سەر مێزەکەش تەنها<br />تامى تەریقەتى عیشق چاوەڕێ...!</p><p>(14)<br />کە تەریقەتم ڕەنگاڵەى دەبێ...<br />دەهشەتم لەناو لەپى تەڕییا دەڕوا،<br />ئاوێزە بەند...<br />تەماشام لەناومشتومڕى گوڵەکاندا هاتووچۆ،<br />موعتاد بە ڕەنگ...<br />فەسڵێک لە شەویش دەدەمە<br />دەستى شەمشەمەکوێرە،<br />کە دەزانم ئەویش ئەهلى&nbsp; تەریقەتە...!</p><p>(15)<br />ژن خۆى تەریقەتە...<br />کە پشتى بەرد دەخورێنێ،<br />کانى لە پەنجەکانییا هەڵدەقوڵێ...<br />کەقژى درەخت بە مەقەست دەڕژێنێ،<br />تەپڵەک و کورسی پێدەکەنێ...<br />بەڵام کە حەوسەڵەى،<br />دەخاتەناو چوارچێوەىئاگرێک،<br />مەرگ تێلى بۆ دەکاو<br />تەنها بۆ چا خواردنەوەیەک<br />دەچێتە دوا ژوانى...!</p><p>رۆژ هه‌له‌بجه‌یی</p>]]></content>
			<author>
				<name><![CDATA[دیوالی هه رکی]]></name>
				<uri>http://s21.me/ysm21/profile.php?id=2389</uri>
			</author>
			<updated>2009-10-27T22:24:13Z</updated>
			<id>http://s21.me/ysm21/viewtopic.php?pid=99674#p99674</id>
		</entry>
</feed>
