<?xml version="1.0" encoding="utf-8"?>
<feed xmlns="http://www.w3.org/2005/Atom">
	<title type="html"><![CDATA[یانەی سەرهەنگ موحسین - ساتێک لەگەڵ تۆدا]]></title>
	<link rel="self" href="http://s21.me/ysm21/extern.php?action=feed&amp;tid=11766&amp;type=atom" />
	<updated>2009-10-28T12:17:51Z</updated>
	<generator version="1.4.6">PunBB</generator>
	<id>http://s21.me/ysm21/viewtopic.php?id=11766</id>
		<entry>
			<title type="html"><![CDATA[وه‌ڵام: ساتێک لەگەڵ تۆدا]]></title>
			<link rel="alternate" href="http://s21.me/ysm21/viewtopic.php?pid=99870#p99870" />
			<content type="html"><![CDATA[<p>ده‌ست&nbsp; و خامە ت خۆش بێت بۆ دانانی ئه‌و هۆنراوه‌ جوانه‌ خوازیارم هەردەم بە ختەوەر بیت هاووڕێ بەڕێزە کەم</p>]]></content>
			<author>
				<name><![CDATA[حسێن خۆشناو]]></name>
				<uri>http://s21.me/ysm21/profile.php?id=1335</uri>
			</author>
			<updated>2009-10-28T12:17:51Z</updated>
			<id>http://s21.me/ysm21/viewtopic.php?pid=99870#p99870</id>
		</entry>
		<entry>
			<title type="html"><![CDATA[ساتێک لەگەڵ تۆدا]]></title>
			<link rel="alternate" href="http://s21.me/ysm21/viewtopic.php?pid=99678#p99678" />
			<content type="html"><![CDATA[<p>بەرلەوەی ماچێک لەسەر لێوم بترازێ<br />عەشق لەشەقەی باڵ بداو بفڕێ<br />بەر لەوەی پەپوولەی رۆحم<br />لەسەر باڵەکانی بنوسێ&nbsp; و&nbsp; بدوێ<br />ئەم ئێوارە رەنگینە<br />دەکەمە نیشتیمانی چاوەکانم<br />دەیکەمە گوڵدانی رۆحم<br />تاکوو پڕ پڕبێت لەبەختەوەری</p><p>2<br />بەدیار تەمەنی ماچێکەوە<br />چەندین جار<br />پەنجەرەی رۆحم کڵپە دەگرێ،<br />کاتێک ماچێک ئاوێزانی جەستەم دەبێ<br />تینووم، وەک گەڵای دارێک<br />تینووم وەک شنەی شەماڵی بەیانیان&quot;</p><p>3<br />کەماچت دەکەم<br />دڵم خاڵیە لە پشکۆی رق<br />رۆحم وەک ئەستێرە رەنگینە و<br />زریان دەبێتە هەوایەکی فێنک</p><p>4<br />کەماچت دەکەم<br />لێوەکانم دەبێتە نیشتمانێکی شیرین<br />پێڵوی چاوەکانم دادەخرێ و<br />گەڵای پایز هەڵدەوەرێ ؟</p><p>5<br />من دەمەوێت لەنێوان ماچەکانی رۆحم و <br />پەپولەکانی بەختەوەریدا<br />زەمەن بۆعەشق بگێڕمەوە<br />شەوان بەدیارجەستەی ئەو برینانەوە بسوتێم<br />کەباڵندەیەک بۆی ناردم</p><p>6<br />تۆ ئەی ماچ<br />دیاریەکانت بەباڵندەیەکی سەرمەستدا بنێرە<br />تاکوو دەرگای دڵمی بۆبکەمەوە<br />تاکوو بزانی باخچەکەی من<br />گوڵی بەختەوەری تێدا دەڕوێ و <br />تریفەی مانگ دایدەپۆشێ</p><p>7<br />لەکاتێکدا ماچت دەکەم<br />عەشق دەبێتە ئەستێرەو مانگ<br />گوڵ و&nbsp; خونچە ژووان دەگرن<br />من لەناو ڕەحمی ماچ و&nbsp; عەشقدا لەدایک بووم<br />پشکۆی عەشقە رامدەکێشێ و <br />مۆمی رۆشنایی دادەگیرسێ</p><p>8<br />کاتێک بەدوولێوم ماچت دەکەم<br />فریشتەیەک خۆی بەماڵی دڵما دەک و<br />بزەی جوانی دەخاتەوە<br />تاکوو ئارامیم پێبەخشێ</p><p>9<br />ماچ و&nbsp; عەشق<br />لەبەرتریفەی مانگەشەو<br />لەناو دەریای چاوەڕوانی<br />باوەشی خۆشەویستی دەکەنەوە<br />ئەو عەشقەی چەپکە نێرگز دەکاتە دیاری<br />بۆ کوژانەوەی تەمەنی رۆحم</p><p>10<br />من نامەوێت بەدیار تەمەنی<br />ماچێکەوە چاوەڕوانی کانیاوی تۆبم<br />بێ پەروا بەدوای ووشە شەرمنەکاندا بگەڕێم<br />کەسەرگوزشتەی دوێنیان دەنوسیەوە<br />من چاوەڕێم تاکوو ئاوابوونی تاریکی<br />بەدیار خەمەوە هەناسە بسپێرم و <br />ئاسمان بێتە چەپکێ ووشەو<br />باران بەهێمنی ببارێنێ</p><p>11<br />من تابلۆی دەستی هونەرمەندێک مەستم دەکا<br />دڵۆپێک لەپروشەی باخچەی خۆشەویستی داگیرسێنێ<br />لەنێوانی پەڕەی رۆحت و&nbsp; خەیاڵی من<br />کەنار دەریا دەبێت بەمانگ<br />قژت دەبێتە سنەوبەرێکی بەفرپۆش<br />روخسارت پێدەشتێکی رەنگین<br />لێوەکانت دەبنە کانیەکی دڵڕفێن</p><p>12<br />کاتێ بۆماچێکی تۆ خۆم دەخۆمەوە<br />لەعەشقدا گڕ دەگرم<br />چاوەڕوانی دەمسوتێنێ<br />بۆنی غەریبی خۆم دەکەم<br />من دەمەوێ بۆپرشنگی خۆر<br />چاوەکانم بێتە سێبەری تەنهایی<br />تاکوو وەرزی، ماچێکی بەهارم بۆبێنێ</p><br /><p>که‌ژاڵ ئیبراهیم خدر</p>]]></content>
			<author>
				<name><![CDATA[دیوالی هه رکی]]></name>
				<uri>http://s21.me/ysm21/profile.php?id=2389</uri>
			</author>
			<updated>2009-10-27T22:30:34Z</updated>
			<id>http://s21.me/ysm21/viewtopic.php?pid=99678#p99678</id>
		</entry>
</feed>
