[size=22]یه‌كه‌م نوێژی ئیسلام بونی كردوو بڕیاری پۆشینی حیجابیدا[/size]

[size=19]
ئا/نوچه‌

گۆرانی بێژی فه‌ره‌نسی دیامس بریاری دا حیجاب بپۆشێت له‌دوای ئه‌وه‌ی ئیسلام بونی خۆی راگه‌یاند، ئێواره‌ی دوێنێش له‌مزگه‌وتی جانفیلیه‌ ی ئیسلام یه‌كه‌م نوێژی موسڵمان بونی خۆی كرد.

سه‌رچاوه‌یه‌كی ئاگادار ئاشكرایكرد دیامس كه‌ یه‌كێكه‌ له‌ گۆرانی بێژه‌ به‌ناوبانگه‌كانی راپی فه‌ره‌نسی، بڕوای به‌دینی ئیسلام هێناوه‌ هه‌روه‌ها ده‌ڵێت" گۆرانكاری زۆر به‌سه‌ر ژیانی دا هاتوه‌ و ماوه‌ی دوو مانگه‌ ژیانی هاوسه‌ری پێكهێناوه‌ له‌گه‌ڵ كورێكی ئیسلام به‌ناوی عه‌زیز، هه‌ر ئه‌و سه‌رچاوه‌ ئه‌وه‌شی راگه‌یاندووه‌ كه‌ دیامس له‌باره‌ی ئیسلامه‌وه‌ هیچی نه‌زانیوه‌و ژیانی رۆژانه‌ی خۆی فشاری زۆری له‌سه‌ر دروستكردبوو، به‌هۆی ئه‌و ناوبانگ و سه‌ركه‌وتنه‌ گه‌روه‌ی به‌ ده‌ستی هێناوه‌ له‌ بواری هونه‌ردا، بۆیه‌ به‌دوای ئه‌لته‌رناتیڤێكی راسته‌قینه‌‌ی ژیانی خۆیدا ده‌گه‌را دیامسیش ئه‌و ئه‌لته‌رناتیڤه‌ی به‌ دینی ئیسلام ناو برد.

دیامس له‌باره‌ی ژیانی خۆی و چۆنیه‌تی به‌ ئیسلام بونی ده‌ڵێت "هیچ چاره‌یه‌كم نه‌دۆزیه‌وه‌ بۆ وه‌زع و ده‌رونی خۆم له‌لای پزیشك به‌هۆی ئه‌و ئاڵۆزیه‌ی روی تێكردبووم خۆمم بزركردبوو، به‌ڵام له‌دینی ئیسلامدا خۆم دۆزیه‌وه‌". ئه‌و هونه‌رمه‌نده‌ زیاتر دواو وتی"ناوبانگ و پاره‌ رێگات پێنادات بۆ ئه‌وه‌ی هه‌رچیت بوێ ئه‌نحامی بده‌یت، به‌ڵام له‌لای خودا هه‌موو چاره‌سه‌رییه‌ك هه‌یه‌".دیامس دایكی فه‌ره‌نسی و باوكی یونانیه‌ له‌ته‌مه‌نی 4 ساڵیه‌وه‌ له‌گه‌ڵ دایكی ئه‌ژی له‌ پاریس . ئێستا ته‌مه‌نی 29 ساڵه‌ به‌ڵام وه‌ك خۆی رایگه‌یاندووه‌ له‌ ژیانی مناڵیدا زۆر سه‌ختی و ناره‌حه‌تی به‌سه‌ر بردوه‌ به‌هۆی جیابونه‌وه‌ی دایك و باوكیه‌وه‌ و چه‌ند جارێكیش هه‌وڵی خۆ كوشتنی داوه‌ له‌ته‌مه‌نی 15 ساڵیدا.

له‌ 1994 ده‌ستی به‌گۆرانی ووتن كردوه‌ به‌ شێوازی راپ له‌گه‌ڵ یه‌كێك له‌گروپه‌كانی گه‌نجان له‌ فه‌ره‌نسا و ئێستاش كه‌سایه‌تیه‌كی به‌هێزو ده‌نگ خۆشی فه‌ره‌نسایه‌ له‌ گۆرانی راپ.

شایه‌نی باسه‌ له‌رووی راگه‌یاندن و سیاسه‌ته‌وه‌ دوای رووداوه‌كانی 11 سێپتمبر باسكردنی ئیسلام و بایه‌خدان به‌و بواره‌ په‌ره‌ی سه‌ندووه‌ و فه‌ره‌نساش یه‌كێك له‌و وڵاتانه‌یه‌ كه‌ خه‌ڵكێكی زۆری ئه‌و وڵاته‌ روی له‌ ئیسلام كردووه‌. به‌ پێ ی سه‌رژمێریه‌كیش ژماره‌ی ئه‌و كه‌سانه‌ی كه‌ بوون به‌ ئیسلام له‌ فه‌رنسادا مه‌زه‌نده‌ ده‌كرێت به‌ 5000 پێنج هه‌زار كه‌س بن له‌ ساڵێكدا.
[/size]

    
www.ashte.net