dast xosh bo am babeta sarkaw tw by

هه‌واڵێكی ناخۆش بۆ هه‌موو ئه‌و كه‌سانه‌ی به‌شێوازی نۆبه‌ ده‌خه‌ون و له‌ كاته‌ دیاریكراوه‌كانی نووستندا چێژ له‌ نووستن وه‌رناگرن، هه‌روه‌ها ئه‌وانه‌ش كه‌ رۆژانه‌ ڕێژه‌یه‌كی گونجاوو پێویست نانوون.
توێژینه‌وه‌یه‌كی نوێ ده‌ریخستووه‌ كه‌ "نه‌خه‌وتن به‌ڕێژه‌ی پێویست وگونجاو ده‌بێته‌ هۆی تووشبوون به‌ چه‌ندین نه‌خۆشی درێژخایه‌ن و ئه‌وه‌ش ده‌بێته‌هۆی زوو مردن".
پێگه‌ی (هیلس دی نیوز) ڕایگه‌یاند: ئه‌و توێژینه‌وه‌یه‌، كه‌ توێژه‌رانی كولێژی پزیشكی له‌ زانكۆی (هارفرد)ی ئه‌مریكی له‌سه‌ر (542) پیاو كه‌ وه‌ك شۆفێری كرێ كاتێكی زۆرو له‌ ماوه‌و ساتانێكی ناڕێكدا كارده‌كه‌ن ئه‌نجامیانداوه‌، ده‌ریخستووه‌ "نه‌خه‌وتن به‌ڕێژه‌ی پێویست و گونجاو یان به‌شێوه‌ی رێكوپێك و له‌ كاته‌كانی خۆیدا ده‌بێته‌ هۆی دروستبوونی گرفتگه‌لێكی ته‌ندروستی، وه‌ك زیادبوونی كێشی له‌ش، تووشبوون له‌ نه‌خۆشی شه‌كره‌، ئه‌مه‌ش دواجارو به‌ درێژایی ڕۆژگار ده‌بێته‌هۆی خێرا‌و زوو مردن".
هه‌روه‌ك چۆن ئه‌و توێژنه‌وه‌یه‌ی، كه‌ گۆڤارێكی ئه‌مریكی تایبه‌ت به‌ "ته‌ندروستی گشتی" له‌م مانگه‌دا بڵاویكرده‌وه‌و له‌سه‌ر پیاوانێكی ته‌مه‌ن (49) ساڵ ئه‌نجامدرابوون، ده‌ریخست "ئه‌و شوفێره‌ی به‌ ڕێژه‌و كاتی پێویست ده‌خه‌وێت له‌ شه‌وداو زۆر به‌گرنگییه‌وه‌ خواردنی ته‌ندروست ده‌خوات، پێچه‌وانه‌ی ئه‌و شوفێره‌یه‌ كه‌ به‌باشی و به‌پێی پێویست نانووێت یان به‌شێوه‌یه‌كی پچڕپچڕ ده‌نووێت". ئه‌و توێژه‌رانه‌ گه‌یشتوونه‌ته‌ ئه‌و ئاكامه‌ی كه‌ "چێژوه‌رگرتن له‌ خه‌وێكی قوڵ وئارام به‌ ڕێژه‌ی پێویست، وا له‌ مرۆڤ ده‌كات ته‌ندروستانه‌ خۆراك و خواردنی ڕۆژانه‌ی دیاری بكات و بیخوات، ئه‌مه‌ش ده‌یپارێزێت له‌ تووشبوون به‌ نه‌خۆشییه‌ درێژخایه‌نه‌كان".
[/size]

payamtv