ئایا باوڕدەكەیت كە ئەو خۆراكەی بۆنی خۆشە،شێوەی باش و تەواوە و چێژیشی باشە خۆراكێكی سەلامەتە لە لایەنی تەندروستییەوە؟ لەوانەیە و لەوانەش نییە! هەرگیز خۆراك تام مەكە بۆ ئەوەی كە بزانیت تا چەند ئەم خۆراكە بە بەكتریا ئالودە بووە یان نا. بەكتریای ناو خۆراك تەنها لە وڵاتە یەكگرتووەكانی ئەمەریكادا ساڵانە 76 ملیۆن كەس دوچاری نەخۆشی دەكات كە نزیكەی 5000 قوربانی لێ دەكەوێتەوە. باشترین رێگا بۆ پاراستنی خۆراكی خاو یان خۆراكی پوختەكراو و لێنراو بریتییە لە ساردكردنی Chilling خۆراك لەناو بەفرگر(تەلاجە) یان لەناو فریزەردا. بەكتریا لە دەورووبەرێكی خۆراكیی شێدار و لە پلەی گەمی نێوان 4.4-60 پلەی سەدی (40-140پلەی فەهرەنهایت) لە ماوەی تەنها دوو كاتژێردا بە رێژەیەكی یەكجار زۆر و ترسناك گەشە دەكات(ژمارەی زیاد دەكات). دانانی خۆراك لەناو بەفرگردا، گەشە یان زۆربوونی بەكتریا كز دەكات یان دوادەخات. تەنها بە كوڵاندنی خۆراك تا سەرووی 60 پلەی سەدی (140پلەی فەهرەنهایت) ئینجا بەكتریا لەناودەچێت. بەكتریا لە هەندێك خۆراكدا زیاتر و زووتر گەشە دەكات وەكو: گۆشت، پەڵەوڕ، خۆراكی دەریا، هێلكە، ئەلبان، دانەوێڵە، بەروبوومە پاقلەمەنییەكان. پلەی گەرمی ناو بەفرگر لە نێوان سفر-4.4 پلەی سەدیدا (32-40 فەهرنهایت) بهێڵەوە، بۆ ئەم مەبەستە گەرماپێو بەكاربێنە. بڕێكی زۆری خۆراك لەناو بەفرگردا هەڵمەگرە، با بۆشایی لە نێوان خۆراكەكاندا هەبێت تاكو هەموویان وەكو یەك سارد بن. هەر دوو هەفتە جارێك خۆراكی ناو بەفرگرەكەت بگۆڕە و پاكی بكەوە.

گولان
[/size]