ستانده‌ر: تایبه‌ت
به‌پێی‌ ئه‌و زانیاریانه‌ی‌ ده‌ست ستانده‌ر گه‌یشتووه‌ زیندانیه‌كانی‌ كوردستان له‌ بارودۆخێكی‌ زۆر خراپدا ژیان به‌سه‌ر ده‌به‌ن به‌ تایبه‌تی‌ ئه‌و زیندانیانه‌ی‌ كه‌ زۆر هه‌ژارو نه‌دارن به‌ڵام ئه‌و زیندانیانه‌ی‌ ده‌وڵه‌مه‌ندن و خزمی‌ مه‌سئوله‌كانن جیاكراونه‌وه‌و‌ شوێنی‌ تایبه‌تیان هه‌یه‌.
ئه‌مه‌و به‌پێی‌ ئه‌و زانیاریانه‌ی‌ كه‌ له‌ زیندانه‌كانه‌وه‌ ده‌ستمان گه‌یشتووه‌ زیندانییه‌كان باری‌ ته‌ندروستیان زۆر خراپه‌و نه‌خۆشن وه‌ زیندانه‌كانیش قه‌ره‌باڵغن بۆیه‌ مه‌ترسی‌ ئه‌وه‌ له‌ ئارادایه‌ نه‌خۆشی‌ ئه‌نفلۆنزا زۆر به‌ خێرای‌ ته‌شه‌نه‌ بكات و له‌ نێویاندا بڵاو ببێته‌وه‌ به‌ تایبه‌تی‌ زیندانی‌ مه‌عه‌سكه‌ر سه‌لام زۆرینه‌ی‌ زیندانییه‌كانی‌ نه‌خۆشن ئه‌مه‌ش نیگه‌رانییه‌كی‌ زۆر لای‌ خێزانه‌كانیان دروست ده‌كات.
شایانی‌ باسه‌ تا ئێستا نزیكه‌ی‌ 65 حاڵه‌تی‌ نه‌خۆشی‌ ئه‌نفلۆنزای‌ به‌راز به‌دیكراوه‌ ئه‌مه‌ له‌ كاتێكدا دام و ده‌زگا حكومییه‌كانی‌ كوردستان زۆر كه‌مته‌رخه‌من ئاماده‌باشیان نه‌بووه‌ بۆ ڕوبه‌ڕووبونه‌وه‌ی‌ ئه‌و نه‌خۆشیه‌ مه‌ترسیداره‌.
[/size]