خۆراكی خێرا Fast Food واتە ئەو خۆراكانەی كە بە خێرایی ئامادە دەكرێن. چەوری توخمی سەرەكی ئامادەكردنی خۆراكی خێرا پێكدێنێت، لە رووی رێژەی ریشاڵی خۆراكی و ڤیتامین و كانزاكان لاوازن. خۆراكی خێرا بەم دواییە لە هەموو جیهان و لە ناوچەی ئێمەشدا بە شێوەیەكی بەرچاو زیادی كردووە، بۆ نموونە ئێستا لە نزیكەی نیوەی چێشتخانەكانی وڵاتە یەكگرتووەكانی ئەمەریكادا خۆراكی خێرا بەدی دەكرێت. خەڵك بۆیە خۆراكی خێرا دەخۆن چونكە هەرزانە و خێرا ئامادە دەكرێت، بەڵام لە رووی بەهای خۆراكییەوە هەرگیز باش نییە. ئەم خۆراكانە رێژەیەكی زۆری چەوری و خوێ و شەكر لەخۆدەگرن، ئەم خۆراكانە ئەگەری قەڵەوی و تووشبووون بە نەخۆشی شەكرە و نەخۆشییە درێژخایەنەكانیان زیاد دەكەن.

لەوانەیە كە یەك ژەمی خۆراكی خێرا بایی پتر لە پێویستی رۆژانە لە مادەكانی چەوری، كۆلیستیرۆل، خوێ، شەكر دابین بكات. جگە لەمانە ئەگەری ئالوودەبوون بە میكرۆب و مشەخۆر لە خۆراكی خێرا دەكرێت بەتایبەتی ئەگەر سەلاتە بە میكرۆب یان بە گەرای مشەخۆرەكان بە هۆی مێش یان تۆز و خۆڵەوە ئالوودە بووبێت . بە گشتی هەوڵ بدە كە دووركەویتەوە لە كڕینی خۆراكی خێرا و سۆدا.

دەتوانیت خۆراكێكی ماڵەوە لەگەڵ خۆت بەریت ئەگەر بزانیت كە لە كاتی ژەمێكی سەرەكیدا ناگەڕێیتەوە ماڵەوە تاكو ناچار نەبیت كە خۆراكی خێرا بخۆیت. [/size]