زور سه يره
شوينه وارى برين له سه رجه سته ى نيه وكه جى
40ده رزى له له ناو له شيدايه

ئای  خودایا ئه‌وه‌ چی ئه‌بینمو چی ئه‌بیستم
گوناحی ئه‌م مناله‌ چیه‌
خوا تاوانباران به‌ سزای خویان بگه‌ینیت

له به‌رازیل دایکێك منداڵه ته‌مه‌ن دوو ساڵه‌که‌‌ی بۆ یه‌كێك له نه‌خۆشخانه‌کانی شاره‌که‌ی برد، پاش ئه‌وه‌ی گازه‌نده‌ی ئازارێکی یه‌کجار زۆری له سکیدا کردبوو. پاش لێکۆڵینه‌وه‌ی پزیشکی ده‌رکه‌وت، که له‌ناو له‌شی ئه‌م منداڵه‌دا  40 ده‌رزی هه‌یه!

خێزانی منداڵه‌که ڕایگه‌یاند، که ڕۆژی یه‌کشه‌ممه‌، 2009.12.13، زاڕۆکه‌ی ته‌مه‌ن دوو ساڵ دووچاری ئازارێکی زۆری سك هاتۆته‌وه. دواتر "Maria Souza S" منداڵه‌که‌ی بۆ نه‌خۆشخانه‌ی "Barreiras" له باکووری ناوچه‌ی "Bahia" بردووه و پاش پشکنین پزیشکان بۆیان ده‌رکه‌وتووه، که له‌ژێر پێستی منداڵی ته‌مه‌ن دوو ساڵدا 40 ده‌رزی دوورمان هه‌یه.

وێنه‌کانی تیشکی سینی ده‌ریانخستووه، که ده‌رزییه‌کان له مل، سنگ، سك و قاچه‌کانی منداڵه‌که‌دا جێگیر بوون. به‌پێی په‌یڤه‌کانی "Luiz Cesar Soltoski"، به‌ڕێوبه‌ری نه‌خۆشخانه، یه‌كێك له ده‌رزییه‌کانی سییه‌کانی منداڵه‌که‌ی کونکردووه. هه‌روه‌ك ڕۆژنامه‌ی "O Globo" بڵاویکردۆته‌وه، منداڵی ته‌مه‌ن دوو ساڵ له هۆڵی بوژاندنه‌وه‌‌ی نه‌خۆشخانه خه‌وێندراوه و باری ته‌ندروستی زۆر دژواره.

به‌ڕێوبه‌ری نه‌خۆشخانه‌ له‌و باوه‌ڕه‌دا نییه، که منداڵه‌که خۆی ده‌رزییه‌کانی قوتدابێت، هه‌ربۆیه ناچاربووه، پۆلیس له‌م ڕووداوه ئاگادار بکاته‌وه. له‌وانه‌یه ده‌رزییه‌کان به ده‌ستی ئانقه‌ست کرابن به پێستی منداڵه‌که‌دا.

هاوکات "Maria Souza S"، دایکی منداڵه‌که، ده‌ڵێت: "من دایکی شه‌ش منداڵم." باوکیشی نه‌یتوانیوه ڕوونی بکاته‌وه، چۆن ده‌رزییه‌کان چوونه‌ته له‌شی منداڵه‌که‌ی.

له‌لێدوانێکی بۆ ڕۆژنامه‌ی "O Globo" باوکی ئه‌م منداڵه ده‌ڵێت: "به‌یارمه‌تی خوا کوڕه‌که‌م چاك ده‌بێته‌وه، که ئێستا ژیانی له مه‌ترسییه‌کی زۆردایه."

ده‌ستگیرکردنی تاوانبار

ده‌رئه‌نجامی لێکۆڵینه‌وه‌کانی پۆلیس ئاشکرابووه، که "Roberto Carlos Magalhaes" ئه‌م کاره تاوانکارییه‌ی له‌میانه‌ی کاژاوه‌ی "جادووی ڕه‌ش"دا ئه‌نجامداوه. ناوبراویش باوه‌پیاره‌ی منداڵی ته‌مه‌ن دوو ساڵه‌یه.

تاوانباری ده‌ستگیرکراو ڕایگه‌یاندووه، که ئه‌ڤینداره‌که‌ی داوای ئه‌نجامدانی ئه‌م کاره‌ی له‌چوارچێوه‌ی "جادووی ڕه‌ش"دا لێکردووه.

ئێستاکه پزیشکان سه‌رقاڵی ده‌رهێنانی ده‌رزییه‌کانن، که درێژیی هه‌ندێکیان ده‌گاته پێنج سانتیمه‌تر.

پۆلیس له لێداوانێکی بۆ ئاژانسی هه‌واڵی "فرانس پرێس" ڕایگه‌یاندووه، که تاوانباری ناوبراو کاره‌که‌ی له‌پێناوی تۆڵه‌سه‌ندنه‌وه کردووه، تا بۆ لای ژنه‌که‌ی بگه‌ڕێته‌وه. ئه‌م کاره‌ی له‌میانه‌ی کاژاوه‌یه‌کی دینیدا ئه‌نجامداوه، که ئه‌ڤینداره‌که‌ی داوای لێکردبوو، تا منداڵه‌که به‌شێوه‌یه‌کی ترسناك بکوژێت.

"Maria Souza S" به پۆلیس وتبوو، که ئه‌و گومان له کاژاوه‌ی "جادووی ڕه‌ش" ده‌کات، پاش ئه‌وه‌ی ته‌نی گومانلێکراوی له‌ ماڵه‌که‌یدا دۆزیبوویه‌وه. ناوبراو ماوه‌ی شه‌ش مانگه له‌گه‌ڵ "Roberto Carlos Magalhaes" و شه‌ش منداڵه‌که‌یدا له‌یه‌ك ماڵدا ده‌ژین.

پزیشکان ڕایانگه‌یاند، که زۆرێك له ده‌رزییه‌کان ده‌رده‌هێنرێن و هه‌ندێکی دیکه‌شیان ده‌رهێنانیان سه‌خت ده‌بێت، چونکه زیان به ئه‌ندامه‌کانی له‌شی منداڵ لێقه‌وما ده‌گه‌ێنن. هه‌روه‌ها وتیان، که تاکو ئێستا هیچ جێشوێنێکی برین له‌سه‌ر له‌شی منداڵه‌که نه‌بینراوه.

سه‌ره‌تا پزیشکان ڕایگه‌یاند، که ژماره‌ی ده‌رزییه‌کان سه‌ره‌وو 50 ده‌رزی ده‌بێت، به‌ڵام دواتر ژماره‌ی بۆ 40 ده‌رزی ڕاستکرایه‌وه. سه‌ره‌تا باری ته‌ندروستی منداڵه‌که دژوار بوو، به‌ڵام ئێستا که‌مێك باشتر بووه.
سه‌رچاوه‌ی هه‌واڵ:

BBC