2
من به‌ر له‌وه‌ی تۆ بناسم
له‌خه‌ونی چاوه‌ڕوانیدا
تۆم بینیبوو
من به‌ر له‌وه‌ی تۆ بناسم
تامه‌زرۆی سه‌مای په‌نجه‌ت و
عاشقی روخساری گه‌ش و
دوو چاوی پڕ ئه‌وینت بووم

3
که‌ تۆم ناسی
گردێک بووم،بووم به‌چیا
کانیه‌ک بووم، بووم به‌ده‌ریا
شه‌وێکی ئه‌نگوسته‌چاو بووم
بووم به‌ گزنگی به‌یانی
باڵدارێکی ناو قه‌فه‌ز بووم
گه‌ڕامه‌وه‌ بۆ سه‌رچڵی دره‌خته‌کان
بۆ نه‌غمه‌ی خۆش، بۆ گۆرانی

4
یه‌که‌م دیدار
میوانێکی ناوه‌خت بووم
تۆش گڵکۆی پیاوچاکێک بووی
هاتم تاکوو
دوو به‌رد بنێم،به‌نێو چاوانی پیرۆزته‌وه‌
چاره‌نووسی رۆژانی رانه‌بردووی خۆم
له‌ نێو مه‌رقه‌دی باڵاتدا تاقی بکه‌مه‌وه‌

5
له‌و رۆژه‌وه‌ ده‌سته‌کانی تۆم ناسیوه‌
ده‌ستی هیچ شێخێک ماچ ناکه‌م
هه‌ربه‌ته‌نیا تۆ شێخم به‌و
من کچه‌ گاور
هه‌ر به‌ته‌نیا
تۆ ده‌روێشه‌که‌ی رۆحم به‌و
منیش ته‌کیه‌ی زکرو نزات

6
له‌یه‌که‌م دیداری تۆوه‌
من قه‌رزاری هه‌ورو زه‌ویم
هه‌ور هات رێگه‌ی ژوانی تۆی
نیشاندام
زه‌وی بۆنی خۆڵی پێکانی تۆی
پێناساندم

7
کاتێ وشه‌ی ناوتم نووسی
هه‌موو وشه‌کان لێم زویر بوون
چونکه‌ له‌ناو هه‌موویاندا
بۆ پیرۆزترینیان گه‌ڕام

8
به‌ڵێنمدا
هه‌رگیز بۆنی گوڵێ نه‌که‌م
بۆنی وه‌ک هه‌ناسه‌ت نه‌بێ
له‌هیچ ئاوێک نه‌خۆمه‌وه‌
وه‌ک خوێنه‌که‌ت شیرین نه‌بێ
پشوو ناده‌م
له‌ژێر سێبه‌ری چنارێ
به‌رز نه‌بێ به‌قه‌د باڵات
من تیشکی خۆرم هه‌رناوێ
رووناكییه‌‌که‌ی نه‌گا به‌جوانی چاوانت و
گه‌شی سیمات

9
ده تؤش وه ره جيم مه هيله
ده ركاى دلتم بؤوالاكه
باله ناختابتويمه وه
خؤت ده زانيت كه وشك بووم
ته نيابه عه ترى هه ناسه ت
ده زيمه وه[/size]

كه‌ژاڵ ئیبراهیم خدر