[size=16]ماندوو نه‌بیت بۆ دانانی ئه‌و بابه‌ته به‌سووده‌‌.[/size]

• هه‌موو ته‌مه‌نیان ده‌كه‌نه‌ قوربانی‌ په‌یداكردنی‌ پاره‌، ئه‌وه‌نده‌ هه‌ڵپه‌یانه‌ ، ئه‌وه‌نده‌ راكه‌ راكه‌یانه‌ به‌دوای‌ كار وكاسبیدا ، تا له‌ خه‌فه‌ت و ماندووبووندا نه‌خوَش ده‌كه‌ون ، كه‌ ده‌وڵه‌مه‌ندیش بوون ناچارن پاره‌كانیان له‌ چاككردنه‌وه‌ی‌ ته‌ندروستی‌ خۆیاندا خه‌رج بكه‌نه‌وه‌.

• به‌ ترس و دڵه‌ڕاوكێوه‌ ده‌ڕواننه‌ ئاینده‌، له‌ پردێك ده‌په‌ڕنه‌وه‌ كه‌ هێشتا پێینه‌گه‌یشتوون ، ئاخ بوَ رابووردوو هه‌ڵده‌كێشن ، كه‌ روَیووه‌ ، ترسیان له‌ ئاینده‌ هه‌یه‌ ، كه‌ نه‌هاتووه‌ ، بیریان چوَته‌وه‌ رابووردو گوزه‌را ناگه‌ڕِێته‌وه‌ ، ئاینده‌ش نادیاره‌ ، ئه‌وه‌ی‌ كه‌ ده‌كرێت حسابی‌ بوَ بكرێت ئێستایه‌ ، ئه‌وان ئێستایان له‌یاد كردووه‌، به‌مجۆره‌ نه‌ له‌ ئێسادا ده‌ژین و نه‌ له‌ ئاینده‌دا..

• به‌ جۆرێك ده‌ژین ده‌ڵێی هه‌رگیز نامرن، كه‌ ده‌شمرن وانازانی‌ ڕۆژێك له‌ ڕۆژان زیندووبوبن.

ووته‌كانی‌ له‌ناخه‌وه‌ هه‌ژاندمی‌ ، ساتێك بیرم كرده‌وه‌ له‌ قوڵی‌ قسه‌كانی‌ ، تامه‌زروَ بووم بوَ زیاتر ، ئه‌مجاره‌یان پرسیم :
ئه‌و وانانه‌ چیین كه‌ ده‌بێ له‌ ژیانه‌وه‌ فێری ببین؟

ووتی‌ : ئه‌گه‌ر ئه‌زموونه‌كانی‌ ژیان فێری‌ ئه‌مانه‌ی‌ نه‌كردین ، واته‌ ماومانه‌ حاڵیی‌ ببین ، به‌لاَم ئایا ئه‌وه‌نده‌مان كات ماوه‌ كه‌ فێریان ببین ؟ بوَ نموونه‌ :
• كه‌س ناتوانێت وا له‌ خه‌ڵكی‌ تر بكات خۆشیان بوێت ، مروَڤه‌كان ته‌نها ده‌توانن خۆیان خۆشه‌ویست بكه‌ن...

• با خۆیان به‌یه‌كتری‌ به‌راورد نه‌كه‌ن ، با واز له‌وه‌بهێنن كه‌ خوَیان به‌یه‌كتری‌ بپێون و لاسایی‌ یه‌كتری‌ نه‌كه‌نه‌وه‌ ، چونكه‌ هه‌ر مروَڤێك بوَ خوَی‌ تابلوَیه‌كی‌ تایبه‌ته‌ ...

• با فێری‌ به‌خشنده‌یی ببن، تا ئاسووده‌ ببن .. با لێبوردن تاقی‌ بكه‌نه‌وه‌ ، بزانین كامیان تاموچێژی‌ زیاتره‌ ، رق و كینه‌ یان عیشق و خوَشه‌ویستی‌ ، توَڵه‌سه‌ندنه‌وه‌ و ئاخ هه‌ڵكێشان یان به‌زه‌یی‌ و به‌خشنده‌یی‌ و لێبووردن ؟ .

• با بزانن له‌ چه‌ند خوله‌كێكدا ده‌توانن زامێك دروست بكه‌ن كه‌ به‌ چه‌ندین ساڵ بۆیان ساڕێژ ناكرێته‌وه‌.

• با بزانن ده‌وڵه‌مه‌ند ئه‌و كه‌سه‌ نیه‌ كه‌ زۆرترین شتی‌ هه‌بێت ، به‌ڵكو هه‌ركه‌سێك كه‌مترین شتی‌ پێویست بێت ، ئه‌وه‌ له‌هه‌موان ده‌وڵه‌مه‌ندتره‌.. قه‌ناعه‌تی‌ زوَر گه‌وره‌ترین سه‌رمایه‌یه‌ ، چاوبرسی‌ هه‌رگیز تێر نابێت و هه‌رده‌م چاوه‌رێیه‌ ...

• با بزانن ده‌كرێت دووكه‌س سه‌یری یه‌ك دیمه‌ن بكه‌ن ، به‌لاَم به‌ دوو جۆری‌ جیاواز بیبینن....

له‌نیوپه‌رخ ئاودا ، دوو جوَر دیمه‌ن ده‌كرێت وێنا بكرێت : ئه‌ڵمانه‌كان ده‌ڵێن ئه‌و په‌رداخه‌ نیوه‌ی‌ پڕه‌ له‌ ئاو ، نه‌مساییه‌كان ده‌ڵێن ئه‌وه‌ بوَ نیوه‌ی‌ به‌تاڵه‌ !؟

site - islampaik