[center][size=16]خةندان ـ ماوه‌ی ساڵیكه‌ هه‌ردوو هونه‌رمه‌ندی‌ میوزیسیان و گۆرانیبێژ (كارزان مه‌حمود) و (دیاری‌ قه‌ره‌داغی‌) سه‌رقاڵی‌ به‌ ئه‌نجام گه‌یاندنی‌ به‌رهه‌مێكی‌ هونه‌رین.
ئه‌م به‌رهه‌مه‌ هونه‌رییه‌ گۆرانییه‌كه‌ به‌ ناونیشانی‌ (ته‌نها كه‌ركوك)، تێكستی‌ ئه‌م گۆرانییه‌ له‌لایه‌ن (عارف قوربانی‌)یه‌وه‌ نووسراوه‌، هونه‌رمه‌ندی‌ ناودار دیاری‌ قه‌ره‌داغی‌ ئاوازی‌ بۆ داناوه‌ و كاری‌ میوزیك و ئارێنجمێنتیش به‌شێوه‌یه‌كی‌ ئۆركسترالی‌ له‌لایه‌ن میوزیسیانی‌ به‌ توانا (كارزان مه‌حمود)ه‌وه‌ له‌ وڵاتی‌ سوید ئه‌نجامدراوه‌.
جیگای‌ باسه‌، سه‌رجه‌م میوزیكه‌كه‌ له‌ وڵاتی‌ سوید تۆمار كراوه‌ و میكس و ده‌نگی‌ گۆرانیبێژیش له‌ ستۆدیۆی‌ (لانه‌ی‌ ده‌نگ) له‌ سلێمانی‌ له‌لایه‌ن هونه‌رمه‌ند (ئارا ئه‌حمه‌د)ه‌وه‌ كاری‌ بۆ كراوه‌.
ناوه‌ڕۆكی‌ ئه‌م گۆرانییه‌ باس له‌ ویست و گه‌ڕانه‌وه‌ی‌ سه‌رجه‌م منداڵه‌ ئاوه‌ره‌بووه‌كانی‌ ئه‌م شاره‌ ده‌كات و تاكه‌ هیوایان گه‌ڕانه‌وه‌یه‌ بۆ زێدی‌ خۆیان.
چه‌ند مه‌زنه‌ كارێكی‌ وه‌ها له‌ باسكردنی‌ شارێكی‌ گه‌وره‌ی‌ وه‌ك كه‌ركوك له‌ دیدی‌ بێگه‌ردی‌ منداڵه‌كانییه‌وه‌.

ئه‌مه‌ش ده‌قی‌ شیعره‌كه‌یه‌
ته‌نها كه‌ركوك
شیعر: عارف قوربانی‌

مامۆستایه‌ك له‌ قوتابخانه‌
له‌ كه‌مپی‌ به‌رده‌ قاره‌مانا
له‌ قوتابییه‌كانی‌ خۆی‌ پرسی‌
چیتان ئه‌وێ‌...چیتان ئه‌وێ‌؟
جلوبه‌رگی‌ تازه‌وجوان
یاخود وورده‌ یاری‌ مناڵان
چیتان ئه‌وێ‌ ئه‌ی‌ مناڵان؟
ئه‌سپی‌ لاستیك
زه‌نگیانه‌ و بووك؟
قوتابییه‌كان هه‌موو وتیان
نامانه‌وێت ئه‌سپی‌ لاستیك
زه‌نگیانه‌ و بووك
نا مامۆستا
ته‌نها كه‌ركوك
نا مامۆستا
ته‌نها كه‌ركوك
هیچمان ناوێ‌
ته‌نها كه‌ركوك
ته‌نها كه‌ركوك[/size][/center]