دڵم ئه‌مشه‌و نه‌خۆشی نیسبه‌تی چاوێکی بیماره‌
جگه‌ر خه‌ڵتانی خوێنی حه‌سره‌تی لێوێکی خرخواره‌
سه‌رم شێواوی شێوه‌ی فیتنه‌ هه‌ڵگرسێنی شۆخێکه‌
حه‌واسم ته‌فره‌قه‌ی عیشوه‌ی دڵ ئاشوبێکی عه‌یاره‌
خه‌یاڵی زوڵفی ده‌رناچی له‌ دڵتا ده‌رنه‌چێ رۆحم 
چ دێراوه‌ خه‌زێنه‌ی به‌ختی ئێمه‌ به‌و سیامانه‌
له‌ شینی فیرقه‌تی ئه‌ودا ئه‌وه‌نه‌ ئه‌شکی سورم رشت
به‌ده‌وری جێگه‌ما تا برده‌کا دیده‌ گوڵزارا
له‌ بۆ سه‌یارانی باغ و زه‌بزه‌ ته‌کلیفم مه‌که‌ن یارا
که‌ سه‌بزه‌ و گوڵ له‌ چاومدا به‌ بێ ئه‌و هه‌رخه‌س و خارا
نامامی قامه‌تی په‌روه‌ردی ئه‌وی دیده‌که‌ی من بوو
که‌چی گوڵ چنی باغی وه‌سلی ئه‌و ئێستاکه‌ که‌ ئه‌غیاره‌
به‌ ده‌ردی خۆمه‌وه‌ گه‌ر گۆشه‌یه‌ک ده‌گرم به‌ بێ ده‌نگی
به‌لاما دێ به‌ خه‌شم و رق ده‌ڵێی خۆ نه‌خشی دیواره‌
که‌ دیم ایزهاری شۆر و شینی دڵ که‌م به‌ڵکی ره‌حمێکه‌
به‌خه‌نده‌ دێ ده‌ڵێ خۆڵی به‌سه‌ردا بێژن ئه‌م عاره‌

مه‌حوی