پێشتر زۆر شیعره‌كانیم ده‌خوێنده‌وه‌ تا زۆربه‌یانم له‌به‌ر كردن، به‌ڵام نازانم ئێستا بۆ هیچ به‌رهه‌مێكی ناكه‌وێته‌ بازاڕه‌وه‌، یان بۆ هه‌ر بێ ده‌نگه‌!. . ئێستاش جارجاره‌ ئه‌و شیعره‌ له‌به‌ر خۆم ده‌ڵێمه‌وه‌:
له‌ ئاسۆیه‌كی دووره‌ ده‌ست
ئاوا بوو زه‌رده‌ پایزێ
ده‌تگوت بوكێكی بێ نازه‌
په‌رده‌ جێدێڵێ به‌ زیزی
په‌ڵه‌ هه‌ورێكی چڵكنه‌
زۆرجار گرتی ڕووی ئاسمان
گه‌ڵای زه‌ردی دارێ وه‌ری
زریان بردی به‌ره‌و نه‌مان
جوتێ كۆتری سه‌ر به‌كڵاوه‌
هه‌ڵكورماون له‌ سوانه‌یه‌
دیاره‌ له‌م ده‌ورو به‌رانه‌
پێیان شك دێ هێلانه‌یه‌ك. .

منیش هیوادارم به‌رهه‌می تازه‌ی ئه‌و شاعیره‌ مه‌زنه‌ ببینین و کۆتی بێده‌نگی بشکێنێت ، به‌ڵکو هه‌موو خوێنه‌رانی خۆشحاڵ بکات به‌ ووشه‌ جوانه‌کانی.

سوپاس بۆ به‌شداریت کاکه‌ سه‌رهه‌نگ.

سوپاس بۆ تۆش کاک هه‌ڵکه‌وت گیان. . .[/center]

سوپاس بۆ په‌یامت مه‌ریه‌م خان

نه‌خێر ، هه‌رگیز باوه‌ڕ ناکه‌م
           چرکه‌یه‌ک بێ تۆ ژیابم

ڕێی تێ ناچێ ،
بێ کووژه‌که‌ی دلۆڤانیت ،
به‌ دۆزه‌خی ئه‌م عومره‌دا
    ڕه‌ت بووبم و هێشتا مابم !

     * * *

که‌ منداڵ بووم ،
گه‌ر تۆ ده‌ستت نه‌گرتبام ،
چۆن ده‌متوانی پێڕه‌وکه‌ بم؟
دره‌نگتریش ،
بۆ تۆ نه‌با ،
من که‌پرۆکه‌م بۆ کێ ده‌کرد له‌ چیلکه‌دار؟

بۆ وه‌ک نۆما ،
به‌ پێی په‌تی ،
ده‌شتم ته‌ی ده‌کرد سه‌روخوار؟

ئه‌گه‌ر شیعریش
ئادگاری وه‌ک تۆ نه‌بایه‌. . .
      وه‌ک تۆ نه‌بایه‌ کتومت ،

چۆن ئه‌و هه‌موو باڵدارانه‌ ،
داده‌بارینه‌ سه‌ر زمان؟
چۆن یه‌که‌م دێر شیعرم ده‌گوت؟!

نه‌خێر ، هه‌رکیز باوه‌ڕ ناکه‌م
چرکه‌یه‌ک بێ تۆ ژیابم

ده‌تناسمه‌وه‌ :
له‌ تۆفانی شه‌ست و سێدا
تۆ بووی . . . شه‌وێک
به‌ره‌و شاخ بووی به‌ ڕێنمام . . .

تۆ بووی له‌ ناو ئه‌ڵقه‌ی گڕدا
شیعره‌کانت چه‌پاڵه‌ دام
تۆ بووی خه‌ونت بۆ زین کردم ،
ڕه‌شمه‌ی بروسکه‌ت له‌ مست نام

ده‌تناسمه‌وه ‌:
هه‌ر جارێکی که‌وشه‌نێکم په‌ڕاندبێ ،
له‌گه‌ڵما بووی هه‌نگاو هه‌نگاو

تۆ بووی مۆته‌ی ترست ده‌کوشت ،
دنه‌ت ده‌دام بۆ ناو ئاگر ، بۆ ناو گه‌رداو

ده‌تناسمه‌وه‌ :نه‌خێر ، هه‌رگیز باوه‌ڕ ناکه‌م
           چرکه‌یه‌ک بێ تۆ ژیابم

ڕێی تێ ناچێ ،
بێ کووژه‌که‌ی دلۆڤانیت ،
به‌ دۆزه‌خی ئه‌م عومره‌دا
ڕه‌ت بووبم و هێشتا مابم !

له‌ههه‌ر جێیه‌ک گرماندبم ،
تۆ چه‌خماخه‌و گه‌واڵه‌ بووی
                  له‌ سه‌رمدا

ئه‌تۆی کاڵای
ئاودامانی گوللـه‌به‌ند بووی
                  له‌ به‌رمدا

نه‌خێر ، هه‌رگیز باوه‌ڕ ناکه‌م
           چرکه‌یه‌ک بێ تۆ ژیابم

ڕێی تێ ناچێ ،
بێ کووژه‌که‌ی دلۆڤانیت ،
به‌ دۆزه‌خی ئه‌م عومره‌دا
ڕه‌ت بووبم و هێشتا مابم !

                 (2)

من پێش تۆ هاتمه‌ دنیا . . .
تا گیانی خۆم ته‌یار که‌م
       بۆ گۆڤه‌ندی ژوانی تۆ

        تا بێ تۆیی بچێژم ،
هه‌رساتێکی بینینت
        بۆ من ببێته‌ په‌رجۆ

       * * *

من پێش تۆ هاتمه‌ دنیا :
تا عومری گوڵ درێژتر ،
گڕی ئاگر په‌تیتر ،
       ته‌می خه‌م ته‌نکتر که‌م

تا فێربم ، به‌ ئاسانی ،
له‌سه‌ر سنگت سه‌وز بم ،
         تۆ له‌ خۆمدا بزر که‌م !

      * * *

من پێش تۆ هاتمه‌ دنیا
تا وابکه‌م کارمامز
   چیدی نه‌سه‌نگرێنه‌وه‌
            له‌ ئاوایی و ده‌راوان

تا وابکه‌م ته‌یر و توار
   جێی چینه‌یان ناو له‌پ بێ و
       نه‌که‌ونه‌ ته‌پکه‌ و داوان

    * * *

من پێش تۆ هاتمه‌ دنیا :
تا بتوانم ، ئازیزم ،
هه‌رکاتێ ئاره‌زوو که‌ی ،
        ئه‌ستێران وه‌ک مۆم پێکه‌م

له‌ تووکی نه‌رمی مه‌لان
             جێژوانێکت بۆ چێکه‌م

    * * *

من پێش تۆ هاتمه‌ دنیا :
تا چاوی خۆم ڕابێنم ،
له‌ تۆفانی ڕه‌نگاندا
          ئادگارت هاوێر بکا

تا گوێچکه‌ی خۆم فێر بکه‌م ،
له‌ باهۆزی ده‌نگاندا
       سرته‌ت گوڵبژێر بکا

    * * *

من پێش تۆ هاتمه‌ دنیا :
تا بۆ نۆته‌ی له‌شی تۆ
      موو به‌مووم هه‌مووی ژێ بێ

تا شایانی ئه‌وه‌ بم ،
کلیلی ته‌خت و تاجی
      خۆشه‌ویستیی تۆم پێ بێ !

عبدالله‌ په‌شێو

29/10/1996
هێڵسنکی