ڤاڵدێز: ئەگەریش بەشداریی نەكات، گرنگ بانگكردنیەتی.
دیێگۆ لۆپێز: ئەمەیان پێ دەچێت دوور بخرێتەوە، بۆیە لەسەری نادوێین.
دی خیا: ئەو تەمەنی 19 ساڵانە و بانگ كراوە، ئەوەیش دەستكەوتێكی كەم نییە، بەشێك لە چاودێران بە "كاسیاس"ـی تازە ناودێری دەكەن.
پویۆل: یەكێكە لەوانەی بەربەست بۆ هێرشبەران چێ دەكات، بۆیە بۆ ئیسپانیاییەكان پێویستە.

پیكێ: یەكێكە لە باشترین یاریزانەكانی دونیا، بۆیە بە سوپاسەوە ئیسپانیا پێویستی پێیەتی.

ڕامۆس: شوێنی لە پێكهاتەدا گیراوە، ئەم وەرزە ئاستێكی زۆرباشی لەگەڵ مەدرید نماییش كرد.

كاپدیڤییا: ئەم وەرزە ئاستی ئاسایی بوو، بەڵام جێگیر بوو، ئەزموونی زۆرتری وای كرد، بۆسكی بیكاتە نێو پلانی خۆیەوە.
مارچێنا: پێكانە درێژەكەی زیانی بە ڤاڵێنسیا گەیاند، بەڵام بە گەڕانەوەی ئاستێكی دەگمەنی نماییش كرد. بۆیە بانگ كرا.
ئەلبیۆل: ئاستێكی زۆر باشی وە ڕوو نەخست، بەڵام دیل بۆسكی سوور بوو لەسەر بردنی.

ئەربیلوا: ئاستێكی باشی لە بەرگریكردن هەیە، بۆیە فەرامۆش نەكرا.
ئەسبیلكویتا: ئاستێكی زۆر باشی لەگەڵ ئۆساسۆنا پێشكەش دەكرد، دواتر ئاستی زۆر دابەزی، دواتر دیسان ئاستی باش بووەوە، ئەو لە بەرگریی ڕاست یاری دەكات. بەڵام هەلی مانەوەی كەمە.
ئەلۆنزۆ: دوای داشكانی ئاستی سێنا، ئەم هەلی زیاتری بۆ چێ دەبێت، بۆیە بە شێوەی سەرەكی یاریی دەكات.
بۆسكێتس: بەشێك لە ناوەندی بەهێزی بەرشە، پێشبینیی ناكرێت دوور بخرێتەوە.

سیێنا: ئاستی زۆر دابەزیوە، بۆیە لە یانەكەیشی زۆرجار یەدەگە، لەوانەیشە دواجار ناوی لە لیستە 23 كەسییەكەدا بمێنێتەوە.
چابی مارتینێز: سەرەڕای ئەوەی لە بۆسكێتس باشترە، بەڵام پێشبینیی دەكرێت كە دوور بخرێتەوە، چونكە ئەو ئەزموونەی نییە كە بۆسكێتس لە دوو وەرزی ڕابردوودا لەگەڵ یانەكەیدا بینیویەتی.
چاڤی: ئەگەر پێكانەكەی سەر هەڵنەداتەوە، یاریسازی یەكەمی ئیسپانیا دەبێت.

ئینیێستا: ئەو ئێستا پێكانی هەیە و بۆ مۆندیال چاك دەبێتەوە، لەگەڵ چاڤیدا دووانەیەكی زۆر بەهێزن و ئاستی جێگیرە.
سیلڤا: كەنارییەكە، هەمیشە لە پێكهاتەی سەرەكیدا دەخوێنێت، ئەم وەرزە ئاستێكی زۆر باشی لەگەڵ شەشەمەكوێرەكاندا دەرخست.
ناڤاس: لەگەڵ پابلۆ هێرناندێزدا شەڕی كرد بۆ ئەوەی لە لایەن بۆسكییەوە پەسند بكرێت.

فابریگاس: ئەو پێكانی هەیە، بەڵام لەوانەیە پێش مۆندیال پێوەست بێت بە ئیسپانیاوە.
ماتا: لە زۆرترین هێڵدا یاری دەكات، باڵی چەپ و ڕاست، هێرشبەری دووەم، لە گۆڵكردندا بەهرەیەكی زۆری هەیە. تۆپ لە دەست نادات.
كازۆرلا: ناوەندێكی باش نییە، ئەوەیش بەو واتەیە نییە سەدا سەد دوور دەخرێتەوە، بەڵام یاریزانان پابلۆ، پێدرۆ و لیۆن، ئاستیان لەو باشترە.
تۆرێس: تۆرێسیش پێكانی هەیە، ئەگەر ئەو چاك نەبێتەوە، لەوانەیە بۆسكی بە تەنیا هێرشبەرێك یاری بكات.

ڤییا: باشترین هێرشبەری ئیسپانیایە، لەوانەیە ژمارەی ڕائوول بشكێنێت، كە زۆرترین گۆڵی هەیە، یاریزانێكی سەرەكی دەبێت.
یۆرێنتی: لە لێدانی سەردا هاوتای كەمە، هەروەها دەزانێت بە شێوازی ئیسپانیا یاریی بكات، كە تۆپی كورتە بە ڕێژەی زۆر، لەوانەیە لە پێكهاتەدا بمێنێتەوە.

گوێزا: لە وەرزی پار باشتر بوو، بەڵام پێ ناچێت لە لیستی كۆتاییدا بمێنێتەوە، بەڵام ئەگەر "تۆرێس" چاك نەبێتەوە، ئەگەر هەیە بمێنێتەوە.
نیگریدۆ: هێرشبەرێكی دیكەیە و ئاستێكی باشی نوواند، ئەگەر تۆرێس چاك بێتەوە، لە لیستەكەدا جێی بۆ نامێنێتەوە.
پێدرۆ: پێدرۆ لە دوای ڤییاوە. باشترین هێرشبەری ئیسپانیاییە، بۆیە ئەگەر هەیە لە لیستی 23 یاریزانەكەدا بمێنێتەوە