[size=24]له‌کۆی ئه‌و پێنج یاریه‌ی له‌ جامی جیهانی ئه‌نجامدراون به‌ یاری ئه‌مشه‌وه‌وه‌ سیانیان به‌ به‌رامبه‌ربوون به‌کۆتاهاتن و به‌رامبه‌ربوونیش ئه‌نجامێکی خوازراو نیه‌ له‌لایه‌ هانده‌ران به‌ڵام ئاست به‌رزی گشت هه‌ڵبژارده‌ به‌شداربووه‌کان ده‌سه‌لمێنێت و هه‌روه‌ک چۆن ئه‌رژه‌نتین زۆر به‌ زه‌حمه‌ت سه‌رکه‌وت به‌سه‌ر هه‌ڵبژارده‌ی نێجیریا ئه‌مشه‌ویش ئه‌مریکا  ئینگلته‌رای تووشی کێشه‌کرد و نه‌یهێشت له‌ خاڵێک زیاتر به‌ده‌ست بهێنێت له‌و یاریه‌ی که‌ گرنگیه‌کی زۆری پێده‌درا به‌هۆی ئه‌و ململانێ مێژوویه‌ی له‌ نێوان هه‌ردوو هه‌ڵبژارده‌ له‌ ئارادایه‌.

ئینگلته‌را پێویستی به‌ کاتێکی زۆر نه‌بوو بۆ تۆمارکردنی گۆڵی پێشکه‌وتن و ستیڤن جیراردی سه‌رکرده‌ له‌ خوله‌کی چوار توانی هه‌ڵبژارده‌که‌ی به‌ گۆڵێک پێشبخات و له‌ زۆربه‌ی کاته‌کان ئینگلته‌را باشتر ده‌بینرا به‌ڵام زۆربه‌ی ده‌رفه‌ته‌کان له‌لایه‌ن هێلی هێرشبه‌ره‌وه‌ به‌هه‌ده‌ر دران و له‌ به‌رامبه‌ردا  کلینت دێمپسی یاریزانی هه‌ڵبژارده‌ی ئه‌مریکا و یانه‌ی فولهام گۆڵی به‌رامبه‌ری له‌ خوله‌کی ٤٠ دا تۆمارکرد له‌ ئه‌نجامی هه‌ڵه‌یه‌کی گه‌وره‌ی گۆڵپارێز ڕۆبه‌رت گرین کاتێک نه‌یتوانی تۆپه‌که‌ له‌ده‌ستی ده‌رچوو .

دواتریش هه‌وڵه‌کانی واین ڕوونی و هاوڕێیانی له‌لایه‌ک و لاندن دۆناڤان و هاوڕێیانی له‌لاکه‌ی تر بۆ تۆمارکردنی گۆڵی دووه‌م و پێشكه‌وتن بێ سوود بوون و ئه‌نجامه‌که‌ به‌و شێوه‌یه‌ مایه‌وه‌ تاوه‌کو ناوبژیوانی  به‌ڕازیلی  کارلۆس سیمۆنیاریه‌که‌ فیکه‌ی کۆتایی لێدا و هه‌ردوولا به‌ خاڵێک ڕازی بوون.[/size]

سه‌رچاوه‌:سه‌فین:یاریگا