دارا حه‌سه‌ن فه‌ره‌ج به‌رِێوبه‌ری فه‌رمانگه‌ی كه‌شناسی و بومه‌له‌رزه‌ی سلێمانی به‌  ئاژانسی په‌یامنێری رایگه‌یاند، "له‌م ساڵدا ئه‌مه‌ 3یه‌مین جاره‌ بومه‌له‌رزه‌ له‌ ناوچه‌كه‌دا روو بدات، به‌ڵام ئه‌وه‌ی ئه‌مرِۆ  بووه‌ هۆی ئه‌وه‌ی هاوڵاتیان دركی پێبكه‌ن و په‌یوه‌ندیمان پێوه‌ بكه‌ن به‌ مه‌به‌ستی به‌ ئاگابوون له‌و زه‌مین له‌ رزه‌یه‌".

گوتیشی:"خۆشبه‌ختانه‌ ئه‌و بوومه‌له‌رزه‌یه‌ هیچ زیانێكی به‌ دوواوه‌ نه‌بووه‌.

دارا حه‌سه‌ن فه‌ره‌ج ئاماژه‌ی به‌وه‌كرد، "به‌ هۆی گۆرِانكارییه‌كانی كه‌ش و هه‌وا له‌ هه‌رێمی كوردستان،كه‌ له‌ چه‌ندرِۆژی رابردوودا خۆڵ بارینێكی چرِ ناوچه‌كانی هه‌رێمی كوردستانی گرته‌وه‌ و بووه‌ هۆی كه‌م كردنه‌وه‌ی ئاستی بینین و له‌ ئێستاشدا شه‌پۆلێكی گه‌رمای به‌هێز به‌رِێووه‌یه‌ كه‌ له‌ 30پله‌وه‌ به‌رزبۆته‌وه‌ بۆ 40پله‌ی سه‌دی".
سه‌رچاوه‌:كورڵاین