بارەگای سەرەكیی سەنتەری ڕۆشنبیری ئاسوودە لە شاری هەولێرە و، ئەم ڕاپرسییەیش لە لایەن 21 كەسی خۆبەخشەوە ئەنجام دراوە، كە لە هەرسێ پارێزگای هەولێر و سلێمانی و دهۆكدا فۆڕمەكان دابەش كراون و لە هەولێر 1500 فۆڕم و لە سلێمانیش 2000 فۆڕم و لە دهۆكیش 1500 فۆڕم دابەش كراوە و 4هەزار و 945 فۆڕمیش گەڕاوەتەوە.

"زاگرۆس تیڤی" زۆرترین بینەری هەیە

لە پرسیاری یەكەمدا هاتووە كە زۆرترین كات سەیری كام كەناڵە تەلەڤزیۆنییە دەكەیت؟، وەڵامی بەشداربووان بەم شێوەیە بووە:

"زاگرۆس تیڤی" 19%، "كوردستان تیڤی" 14%، "تەلەڤزیۆنی گەلی كوردستان" 12%، تەلەڤزیۆنی "كەی ئێن ئێن" 10%، "كەناڵ 4" 10%، "كوردسات" 9%، "سپێدە" 8%، پەیام "6%" و "كۆڕەك"ـیش 5%.

"كوردستان تیڤی" ڕاستگۆترینیانە

لە پرسیاری دووەمدا كە ئایا هەواڵی كام لەم كەناڵانە كاریگەرتر و بەهێزتر و ڕاستگۆترە؟، 29% دەنگیان بۆ "كوردستان تیڤی" داوە، 18% بۆ "زاگرۆس تیڤی"، "تەلەڤزیۆنی گەلی كوردستان"ـیش" 15%، "كوردسات" 11% و تەلەڤزیۆنی "كەی ئێن ئێن" 10%، سپێدە 9% و "پەیام"ـیش 7%.

"زاگرۆس" لە بەرنامەی سیاسییش یەكەمە

لە پرسیاری سێیەمدا ئەوە خراوەتە ڕوو كە زیاتر بەرنامەی سیاسی لە كام لەم كەناڵانەدا سەیر دەكەیت و جێگەی ڕەزامەندیتە؟

29% "زاگرۆس تیڤی"ـیان هەڵبژاردووە، 17% "تەلەڤزیۆنی گەلی كوردستان"، 13% "كوردستان تیڤی"، 11% تەلەڤزیۆنی "كەی ئێن ئێن"، 11% "سپێدە" و 9% "پەیام" و 8%ـیش "كوردسات".

لە بەرنامەی هونەریدا "كەناڵ 4" یەكەمە

لە پرسیاری چوارەمدا هاتووە كە بۆ بەرنامە هونەرییەكان، زۆرترین كات سەیری كام كەناڵە دەكەیت و بەرنامەی كام كەناڵ سەرنجڕاكێشە؟

25%ـی بەشداران دەنگیان بە "كەناڵ 4" داوە، 19% "زاگرۆس تیڤی"، 14% "كوردسات"، 14% "كۆڕەك تیڤی"، 10% تەلەڤزیۆنی "ڤین"، 7%"كوردستان تیڤی"، 6%ـیش "گەلی كوردستان".

لە بەرنامەی تەرفیهییش هەر "كەناڵ 4" لە پێشەوەیە

لە پرسیاری پێنجەمدا كە ئایا بۆ بەرنامە تەرفیهییەكان، زۆرترین كات سەیری كام كەناڵە دەكەیت و بەرنامەی كام كەناڵ سەرنجڕاكێشە؟

"كەناڵ" 4 29%، "زاگرۆس تیڤی" 20% و "كوردسات" 13% و "كۆڕەك تیڤی" 15%، تەلەڤزیۆنی ڤین 9% و "كوردستان تیڤی" 4%، گەلی كوردستان 5%، تەلەڤزیۆنی "جەماوەر"ـیش 4%.

لە بەرنامەی دۆكیومێنتاری "كوردستان تیڤی" یەكەمە

لە پرسیاری شەشەمدا، هاتووە كە بەرنامە دۆكیومێنتارییەكانی كام لەم كەناڵە گرنگە؟

"كوردستان تیڤی"21%، "گەلی كوردستان" 21%، "زاگرۆس تیڤی" 19%، "كوردسات" 12%، "پەیام" 7%، "سپێدە" 6%، "كۆڕەك" 6%، "كەی ئێن ئێن"ـیش 4%.

بۆ فیلمیش "كەناڵ 4" یەكەمە

لە پرسیاری حەوتەمدا هاتووە كە بۆ فیلم سەیری كام لەم كەناڵانە دەكەیت؟

"كەناڵ 4" 23%، "زاگرۆس تیڤی" 22%، "كوردسات" 12%، "كۆڕەك تیڤی" 10%، "ڤین تیڤی" 10%، "كوردستان تیڤی" 9%، سپێدە 6%، "پەیام"ـیش 5%.

"كوردستان تیڤی" لە وەرزشیش یەكەمە

لە پرسیاری هەشتەم و كۆتاییدا هاتووە كە بۆ بەرنامەی وەرزش سەیری كام كەناڵی تەلەڤزیۆن دەكەیت؟

"كوردستان تیڤی" 19%، "زاگرۆس تیڤی" 19%، "كوردسات" 18%، "گەلی كوردستان" 15، "سپێدە" 10%، "پەیام" 8% و "كەی ئێن ئێن"ـیش 8%.

سه‌رچاوه‌:كوردڵاین

--------------------------------------------------------------------------------[/size]