کچێ نه‌که‌ی

هۆنراوه‌ی شاڵاو ..

کچێ نه‌که‌ی دڵ بشکێنی

واز له‌ دڵداری بهێنی

ئاشقێکی زۆر دێوانه‌م

هه‌رده‌م له‌ کوچه‌و کۆڵانه‌م

له‌ دووری تۆ بێ که‌س ماوم

له‌ شاری خۆشم بێگانه‌م

کچێ فه‌رمووت تۆم خۆش ده‌ێ

تۆ له‌ کوێ بی ده‌مرم له‌وێ

به‌ڵام تازه‌ زانیم ئه‌تۆ

په‌یمان ده‌شکێنی به‌بێ هۆ

بێ وه‌فا بووی به‌رامبه‌رم

تۆ هه‌رچیت ووت بوو به‌ درۆ

کچێ ئه‌گه‌ر دوورم له‌ تۆ

له‌ چاوانی پڕ عیشقی تۆ

ڕۆژم تاریک وته‌نیایه‌

شه‌ویشم قه‌ت لێ هه‌ڵنایه‌

بۆیه‌ گوڵم دڵ مه‌شکێنه‌

په‌یامی دڵداری بێنه‌

کچێ هه‌رمن چاوه‌ڕوانم

ڕۆژێک دابێ بێیته‌ ژوانم

ببینی چۆن بۆت سووتاوم

له‌ دووری تۆ چۆنه‌ ماوم

له‌ دوو چاوی من خوێن ده‌تکێ

ئیتر مه‌هێله‌ دڵ بشکێ