<![CDATA[یانەی سەرهەنگ موحسین - وۆركشۆپێك بۆ به‌رزكردنه‌وه‌ی]]> http://s21.me/ysm21/viewtopic.php?id=18301 Sun, 27 Jun 2010 15:11:52 +0000 PunBB 1.4.6 <![CDATA[وۆركشۆپێك بۆ به‌رزكردنه‌وه‌ی]]> http://s21.me/ysm21/viewtopic.php?pid=162736#p162736 وۆركشۆپێك بۆ به‌رزكردنه‌وه‌ی ئاستی په‌یامه‌ ته‌ندروستییه‌كان ده‌ستیپێكرد – له‌ هه‌ولێری پایته‌خت هه‌ریه‌ك له‌ وه‌زاره‌تی ته‌ندروستی حكومه‌تی هه‌رێمی كوردستان و عێراق به‌ هاوكاری رێكخراوی یونسێف و زانكۆی ئه‌مه‌ریكی له‌ به‌یروت وۆركشۆپێك بۆ كادیرانی راگه‌یاندنی وه‌زاره‌تی ته‌ندروستی هه‌ولێر و به‌غدا كرده‌وه‌.


له‌ لێدوانێكدا بۆ په‌یامنێر  گوته‌بێژ و به‌رپرسی راگه‌یاندنی وه‌زاره‌تی ته‌ندروستی حكومه‌تی هه‌رێمی كوردستان خالس قادر رایگه‌یاند، ئه‌و وۆركشۆپه‌ی ئه‌مرِۆ كه‌ له‌ هۆڵی سه‌عد عه‌بدوڵا له‌ هه‌ولێری پایته‌خت كراوه‌ته‌وه‌ هه‌ریه‌ك له‌ وه‌زاره‌تی ته‌ندروستی حكومه‌تی هه‌رێم و وه‌زاره‌تی ته‌ندروستی عێراق و رێكخراوی یونسێف به‌ هاوكاری زانكۆی ئه‌مه‌ریكا له‌ به‌یروت ئه‌نجامی ده‌ده‌ن.


گوتیشی " وۆركشۆپه‌كه‌ یه‌ك هه‌فته‌ ده‌خایه‌نێت و تێیدا 30 كارمه‌ندی راگه‌یاندنی ته‌ندروستی و به‌رپرسی پرۆگرامه‌كانی ته‌ندروستی له‌ هه‌موو پارێزگاكانی عێراق به‌شداری تێدا ده‌كه‌ن".


هه‌روه‌ها گوتی " ئامانج له‌ كردنه‌وه‌ی ئه‌م وۆركشۆپه‌ باشتركردنی كاره‌كانی راگه‌یاندنی ته‌ندروستی و به‌رزكردنه‌وه‌ی ئاستی ئه‌و په‌یامه‌ ته‌ندروستییانه‌یه‌ كه‌ ئاراسته‌ی هاوڵاتیان ده‌كرێت بۆ ئه‌وه‌ی بتوانرێت به‌ شێوه‌یه‌كی باشتر و كاریگه‌رتر په‌یامه‌كان دابرِێژرێنه‌وه‌ و ئاراسته‌ی هاوڵاتیان بكرێن".

Peyamner

]]> Sun, 27 Jun 2010 15:11:52 +0000 http://s21.me/ysm21/viewtopic.php?pid=162736#p162736