له‌دوای ته‌واو بونی‌ مۆندیال فیفا له‌گه‌ڵ راهێنه‌ران‌و كاپتنی‌ هه‌ڵبژارده‌كان ده‌دوێت بۆ دیاری‌ كردنی‌ چاره‌نوی گابۆلانی‌.
ئاژانسه‌كان: دوای ئه‌و ره‌خنه‌ زۆرانه‌ی‌ ئاراسته‌ی‌ تۆپی تایبه‌ت به‌مۆندیال (گابولانی‌)كرا سه‌باره‌ت به‌وه‌ی‌ یاریكه‌ران‌و گۆڵچیه‌كان به‌خراپی ده‌زانن، فیفا بڕیارێكی‌ تایبه‌تی‌ له‌م باره‌یه‌وه‌ ده‌ركردوه‌.
جیروم فالكه‌ سكرتێری گشتی‌ فیفا ده‌ڵێت "ئێمه‌ ئاگاداری‌ ئه‌و ره‌خنانه‌ی‌ له‌تۆپه‌كه‌ گیراوه‌"، پاشان باسی كێش‌و قه‌باره‌ی تۆپه‌كه‌ ده‌كات كه‌ دیاری‌ كراوه‌و ناگۆڕێت.
زۆربه‌ی‌ ره‌خنه‌كان له‌وه‌ده‌گیرێت كه‌ تۆپه‌كه‌ كێشی كه‌مه‌‌و ناتوانێت ئاراسته‌كه‌ی‌ دیاری‌ بكرێت، كۆمپانیای ئه‌دیداسی ئه‌ڵمانی‌ له‌مۆندیالی 1970 ه‌وه‌ تۆپی تایبه‌ت بۆ مۆندیال دروست ده‌كات. گابۆلانی‌ كه‌ناوی خێڵێكه‌ له‌باشوری ئه‌فه‌ریقا تایبه‌ت كراوه‌ به‌ تۆپی مۆندیالی ئه‌مساڵ، ئه‌م تۆپه‌ بۆیه‌كه‌م جاره‌ تۆپی مۆندیال به‌ده‌ست دروست نه‌كراوه‌.
به‌هۆی ئه‌وه‌ی‌ چه‌ندین یاریكه‌ری‌ ئه‌وروپی ره‌خنه‌یان له‌تۆپه‌كه‌ هه‌بوو فیفا بڕیاری‌ داوه‌ كه‌لێكۆڵینه‌وه‌ له‌وباره‌یه‌و بكات كه‌ماوه‌ی‌ چه‌ند هه‌ڵبژارده‌كان یاریان به‌تۆپه‌كه‌ كردوه‌.