به‌ گوێره‌ی هه‌واڵی "ئاسۆشیتێد پرێس"، پۆلیسی سیئۆل رایگه‌یاندووه‌، ته‌رمی ئه‌و ئه‌كته‌ره‌یان له‌ كاتێكدا دۆزیوه‌ته‌وه‌ كه‌ له‌ رێگای وایه‌ری شه‌حنی مۆبایل خۆی له‌ سێداره‌ دابوو. سه‌ره‌رِای ئه‌وه‌ی هیچ به‌ڵگه‌یه‌ك له‌باره‌ی كوشتنی ئه‌و ئه‌كته‌ره‌ له‌ ئارا دانییه‌ و راگه‌یه‌ندراوه‌ كه‌ خۆی كوشتووه‌، به‌ڵام پۆلیسی سیئۆل رایگه‌یاندووه‌، له‌ سه‌ر لێكۆڵینه‌وه‌كانی خۆی له‌وباه‌روه‌ به‌رده‌وام ده‌بێت.

"پارك-یونگ-ها" له‌ كۆتاییه‌كانی ده‌یه‌ی (1990) ده‌ستی به‌ چالاكی هونه‌ری كرد. ئه‌و هونه‌رمه‌نده‌ له‌ رێگای گۆرانی زه‌نجیره‌ فیلمی ته‌له‌فزیونی "سۆناتای زستان" گه‌یشته‌ ئه‌وپه‌رِی ناوبانگه‌وه‌.

پۆلیسی سیئۆل رایگه‌یاندووه‌، ئه‌و هونه‌رمه‌نده‌ به‌ر له‌ مه‌رگی له‌ رێگای كورته‌نامه‌یه‌كدا داوای لێبۆردنی له‌ باوكی كردبوو.

كۆریای باشوور به‌ یه‌كێك له‌و وڵاتانه‌ دێته‌ هه‌ژماركه‌ زیاترین رێژه‌ی خۆكوژی هه‌یه‌ و هه‌ندێك له‌و ئاماره‌ش له‌ چه‌ند ساڵی رابردوو په‌یوه‌ندی به‌ كه‌سایه‌تییه‌كانی ناوداری ئه‌و وڵاته‌یه‌.

PNA