Peyamner PNA - "ئهمیتاب باچان" ئهسێترهی بۆلیوودی بهشداری له پرۆژهیهكی سینهمایی دهكات، تیایدا رۆڵی خۆی دهگێرێت.
به گوێرهی ههواڵی ماڵپهرِی "فارس نیوز"، "كارێن جۆههر" بهرههمهێنهر و دهرهێنهری ناوداری هیندی بۆ بهرههمهێنانی نوێترین بهرههمی خۆی داوای له "ئهمیتاب باچان" كردووه كه رۆڵی خۆی له ناو فیلمهكهی بگێرێت. به شێوهیهك كه برِیار وایه "باچان" له فیلمهكهی "كارێن جۆههر" رۆڵی "ئهمیتاب باچان" ئهستێرهی ناوداری سینهمای بۆلیوود بگێرێت.
ئهو دهرهێنهره له وتوێژێكدا رایگهیاند، رۆڵی "باچان" لهو فیلمهدا زۆر تایبهته و ئهو ئهكتهره له فیلمهكهدا رۆڵی خۆی دهگێرێت. "كارن جۆههر" راشیگهیاند: "كاری نووسینی سیناریۆ كۆتایی پێهاتووه، بهڵام تاكو ئێستا هیچ ناوێكم بۆ ئهو فیلمه ههڵنهبژاردووه".
كاری وێنهگرتن بۆ ئهو فیلمه له سهرهتاكانی وهرزی پاییز دهست پێدهكات، تاكو ئێستا ئهكتهرانی دیكهی ئهو پرۆژه سینهمایی دهستنیشان نهكراون.
"ئهمیتاب باچان" بهرلهوهش له دوو بهرههمی سینهمایی لهگهل "كارێن حۆههر" كاری كردووه، فیلمهكانی "هیچ كاتێك باسی چوون مهكه" و "ههندێك جار خۆشحاڵی، ههندێك جار خهم"، ئهو دوو فیلمه لهكاتی نمایشكردنیان پێشوازییهكی بهرچاویان لێكرا و داهاتێكی زۆریان بهدهست هێنا.
دوایین فیلمی "باچان" له سینهماكانی هیندستان، فیلمی سینهمایی "ده هاوسهر" بوو كه داهاتێكی ئهوتۆی بهدهست نههێنا. ئهو ئهكتهره ئێستا گرێبهستی رۆڵگێران له (8) فیلمی سینهمایی مۆر كردووه.
]]>