یانهی مانچستهر یونایتدی ئینگلیزی خۆی ئاماده دهکات بۆ پێشکهش کردنی بۆندێک به یانهی بایهرن میونشنی ئهڵمانی بۆ بهدهستهێنانی فیلیپ لام،بهتایبهت که یانه ئهڵمانییهکه ئامادهیی خۆیان بۆ وهرگرتنی بۆند دهربڕیوه.
FOX Sport لهسهر زاری سێر ئهلێکس فێرگسۆنی ڕاهینهری مانچستهر یونایتدهوه ئاشکرای کردووه که ئارهزووی هێنانی لام بۆ ڕیزهکانی یانهکهی دهکات که توانی سهرکردایهتی مانشافت بکات بۆ گرتنی پلهی سێیهم له جامی جیهانی باشووری ئهفریقیا،ههرچهنده بۆندهکانی لهڕابردوودا بۆ هێنانی لام ڕهتکراونهتهوه چهند جارێک.
پاش چاوهدێریکردنێکی وردی یاریزانه تهمهن 26 ساڵهکه له یارییهکانی جامی جیهانی،فێرگسۆن دهیهوێت جارێکی دیکه چانسی خۆی تاقیبکاتهوه و بهو هیوایهی یانهی خاوهن پلهی دووهمی خولی یانه پاڵهوانهکانی ئهوروپا ئهمجاره وهڵامی ئهرێنی بداتهوه.
بایهرن نرخی یاریزانهکهی دیارییکردووه و 15 ملیۆن جونهیهی ئیستهرلینی لهههر یانهیهک دهوێت که خواستی بهدهستهێنانی لامی ههبێت و،مان یونایتد ـیش ئامادهیه دیمیتار بێرباتۆڤ یاخود پارک جی سۆنگ بهیانه ئهڵمانییهکه بدات لهبری پاره و ئهمهش دهرگا بهڕووی چهندین ئهگهردا دهکاتهوه.
ڕێد دێڤڵز لای ڕاستی بهرگری یانهکهیان بهخاڵی ههر لاوازی خۆیان دادهنێن و وهرزی ڕابردوو بهشێک لهشکستهکانیان بههۆی نهبوونی یاریزانێکی باش و گونجاوبوو لهو جێگهیه به تایبهت پاش تووشبوونی گاری نێڤڵ و ویس براون به پێکان و کهمئهزموونی ڕافائێل.
ههرچۆنێک بێت،فێرگسۆن ڕایگهیاندووه که ڕافائێلی تهمهن 20 ساڵ دهبێته ههڵبژاردنی یهکهمی ئهو،ئهگهر لههێنانی فیلیپ لام شکستی هێنا.
yariga
]]>