لە رووداوێکى گەردوونى ناوازەدا، کە جێگەى گرنگى پێدانى هەموو موسوڵمانێکە، نێوەڕۆى دوێنێ هەینى، خۆر بە ستوونى لەسەر کەعبەى پیرۆز وەستا و سێبەرى لە شارى مەککەى پیرۆز نەهێشت.
(ساڵح عجێرى) لێکۆڵەرەوەى گەردوونى ڕایگەیاند، شارى مەککەى پیرۆز دەکەوێتە سەر خولگەى قڕژاڵ بۆیە خۆر لە ساڵێکدا دوو ڕۆژ بە ستوونى لەسەرى دەوەستێت ئەویش لە رۆژانى (بیست و هەشتى ئایار) و (شازدەى تەممووز) کە خۆر بەرەو باکوورى شارى مەککەى پیرۆز مەیل دەکات.
ناوبراو گوتیشى لەو دوو رۆژەدا کە خۆر بە ستوونى لەسەر کەعبەى پیرۆز دەوەستێت، سێبەر لەسەر شارى مەککە نامێنێت، ئەو رووداوەش لە کاتژمێر (دوازدە و بیست و حەوت خولەک)ى دوێنێ بینرا کە هیچ سێبەرێک لە سەر دیوارەکانى مزگەوتى مەککەى پیرۆز نەمابوو. ئەم رووداوە گەردوونیەش هەلێَکە بۆ دیاریکردنى ئاڕاستەى قیبلە و کاتى بانگەکان بۆ ئەنجامدانى نوێژەکان بەشێوەیەکى دروست لە وڵاتى سعودیە و تەواوى وڵاتانى جیهاندا، ئەویش بە رێکخستنى کاتژمێرەکان بەپێى هێڵ و خولگەکانى زەوى دەبێت.
baxtewary
]]>