یارییه‌كه‌ش یه‌كێك بوو له‌یارییه‌كانی هه‌فته‌ی حه‌وته‌می قۆناغی دووه‌می پله‌یه‌كی یانه‌كانی كوردستان _ گروپی یه‌كه‌م ، له‌و یارییه‌دا یانه‌ی سلێمانی به‌ئه‌نجام و خاڵێكی زۆره‌وه‌ هیواكانی هانده‌ران و جه‌ماوه‌ره‌كه‌ی بۆ سه‌ركه‌وتنی پله‌نایابی كوردستان پڕ هیواتر كرد ، دوای ئه‌وه‌ی پێكهاته‌ی تۆپی پێی یانه‌كه‌ له‌ئاستێكی زۆرباشدا یارییان نیشاندا و توانییان له‌پلانی راهێنه‌ره‌كه‌یان سوودمه‌ندبن و فشاری زۆر له‌سه‌ر یانه‌ی میوان دروست بكه‌ن.
یانه‌ی سلێمانی توانی به‌ پێنج گۆڵ له‌ به‌رامبه‌ر یه‌ك گۆڵدا یارییه‌كه‌ به‌رێته‌وه‌ ، له‌دقیقه‌كانی 8 و 64 و 76 دا یاریزان ره‌نجه‌ به‌هادین سێ گۆڵی بۆ یانه‌ی سلێمانی تۆماركرد و له‌دقیقه‌ی 32 یاریزان سامان عه‌بدولكه‌ریم و له‌دقیقه‌ی 34دا ئه‌حمه‌د سالار دوو گۆڵه‌كه‌ی دیكه‌ی سلێمانی یان تۆماركرد ، له‌به‌رامبه‌ریشدا تاكه‌ گۆڵی پیشه‌سازی یاریزان هیوا جه‌لال له‌دقیقه‌ی 11دا تۆماریكردبوو ، به‌مجۆره‌ یانه‌ی سلێمانی 5 _ 1 یارییه‌كه‌ی له‌ یانه‌ی پیشه‌سازی برده‌وه‌.
ئاشتی به‌ته‌واوی هه‌ره‌سی به‌ پێشكه‌وتن هێنا [/size]
www.sp4kurd.tk