دێل بۆسکی حه‌وت یاریزانی به‌رشلۆنه‌ بانگهێشت ده‌کات و یانه‌که‌ش نارازیه‌

null@example.com (safin taha) — Fri, 06 Aug 2010 16:38:54 +0000

ڕاهێنه‌ری هه‌ڵبژارده‌ی ئیسپانیا ڤیسینتی دێل بۆسکی بۆ یاریه‌ دۆستانه‌که‌ی هه‌ڵبژارده‌که‌ به‌رامبه‌ر هه‌ڵبژارده‌ی مه‌کسیک بانگهێشتی حه‌وت یاریزانی یانه‌ی به‌رشلۆنه‌ی کردووه‌ و ئه‌مه‌ش ناڕه‌زایی له‌لایه‌ن یانه‌که‌وه‌ لێکه‌وتۆته‌وه‌ به‌وه‌ی دوای سێ ڕۆژ له‌و یاریه‌ به‌رشلۆنه‌ یاری جامی سوپه‌ری ئیسپانیی هه‌یه‌ .. ئه‌ندۆنی زوبیزاریتا به‌ڕێوبه‌ری وه‌رزشی بلوگرانا له‌وباره‌یه‌وه‌ ناڕه‌زایی خۆی و یانه‌که‌ی ده‌ربڕی و وتی : یه‌که‌م جاره‌ له‌ مێژوودا یاریزان بانگهێشت بکرێت که‌ هێشتا له‌ پشوودابێت ، یاریزانانی به‌رشلۆنه‌ جیاوازن چونکه‌ ئه‌وان پاڵه‌وانی جیهانن و ئه‌و بارودۆخه‌شی که‌ ده‌بێت بچنه‌ که‌مپی مه‌شقی هه‌ڵبژارده‌ی نیشتمانی گونجاو نیه‌ ، یاریزانان ئاماده‌نین ئه‌و هه‌مووه‌ خۆیان ماندووبکه‌ن و گه‌شتێکی درێژ ئه‌نجامبده‌ن.
به‌رشلۆنه‌ له‌ ١٤ی ئه‌م مانگه‌دا ڕوبه‌ڕووی یانه‌ی سیڤیللیا ده‌بێته‌وه‌ له‌ یاری جامی سوپه‌ری ئیسپانیا که‌ سیڤیلیا ته‌نیا یه‌ک یاریزانی هه‌ڵبژارده‌ی نیشتمانی هه‌یه‌ ئه‌ویش خیسوس ناڤاسه‌.

یاریگا نێت

یانەی سەرهەنگ موحسین - دێل بۆسکی حه‌وت یاریزانی به‌رشلۆنه‌ بانگهێشت ده‌کات و یانه‌که‌ش نارازیه‌

دێل بۆسکی حه‌وت یاریزانی به‌رشلۆنه‌ بانگهێشت ده‌کات و یانه‌که‌ش نارازیه‌